2 CHANRELNAK 23:13 - Lai (Hakha) Common Language Bible 2006

¹³ cun a hei zoh tikah luhnak ka ah khan siangpahrang cu a tungpi pawng i a dir i siangpahrang pawngah cun haotu pawl le muko tumtu hna an um le ramchung mi vialte cu an i lawm i muko an tum i an hlasatu pawl hna nih an awdawh tumnak thilri hna he conglawmh tuahnak cu an hrui hna kha a hmuh. Cun Athaliah nih a puan kha a thleh hna i, “Rawinak a si! Rawinak a si!” tiah a au.

2 CHANRELNAK 23:13 Խաչաձեւ Հղումներ

PHUNGCHIMTU 9:12

Zeitik ah dah na caan a rat ve lai kha na hngal lo. Kannih cu rap nih a foihmi va bantuk le sur ah aa awhmi nga bantuk kan si. Kan i ruah lopi ah khin caan ṭhalo chungah khan kan i foih tawn ko.

PHUNGTHLÛKBIA 29:2

Miding mi hna cu nawl ngeimi an si tikah mi cu an i lawm, Sihmanhsehlaw miṭhalo hna kha uktu an si tikah mi cu an hrum tawn.

PHUNGTHLÛKBIA 11:10

Miding hna huncho tikah khua cu aa lawm, miṭhalo hna an thih tikah lawmhnak au thawng a um.

SALM 14:5

Sihmanhsehlaw Pathian cu a nawl a ngaimi hna sinah a um caah annih cu an thin a phang ngaingai lai.

2 CHANRELNAK 34:31

Cun siangpahrang cu amah hmun ah khan a dir i, Bawipa kha zulh awk le a nawlbia hna le a hngalhternak bia hna le a nawl hna cu a lungthin dihlak le a nunnak dihlak in tuah awk le hi cauk chung i aa ṭialmi biakamnak bia hna cu tuah awkah Bawipa hmaiah cun biakamnak a ser.

1 CHANRELNAK 15:27

David cu lahmangṭhia angki fual in aa thuam, kuang a zawntu Levi mi vialte hna le hlasatu hna le hlasatu hna i an hla a hruaitu Khenaniah zong kha cu bantuk cun an i thuam ve; cun David cu laa in tahmi tlangbawi angki aa hruk.

1 CHANRELNAK 15:24

Shebaniah, Joshafat, Nethanel, Amasai, Zekhariah, Benaiah le Eliezer, tlangbawi hna nih Pathian kuang hmaiah muko kha an tum hna lai. Obededom le Jehiah zong kuang ca i kutka cawngtu an si ve lai.

1 CHANRELNAK 12:40

Cun an innpa hna zong nih khan, Issakhar le Zebulun le Naftali ram hna tiang i a ummi hna nih khan, laa in le kalauk in le khacer in le cawtum in rawl le ei awk phun tling, theipi car hlum hna, mitsur car bor hna, mitsur hang, chiti, cawtum hna le tuu hna kha an rak phorh hna, zeicahtiah Israel ram chungah lawmhnak a um.

2 SIANGPAHRANG 23:3

Cun siangpahrang cu tungpi hram ah khan a dir i, Bawipa kha zulh i a nawlbia hna le a hngalhternak bia hna le a phungbia hna kha a lungthin dihlak le a nunnak dihlak in zulh awk le hi cauk chungah aa ṭialmi biakamnak bia hna kha tuah awkah Bawipa hmaiah khan bia aa kam; cun mi vialte nih khan a tuahmi biakamnak cu an tuahpi ve.

2 SIANGPAHRANG 9:23

Cun Joram nih a chak a mer i a zam, Ahaziah cu, “Maw Ahaziah, rawinak a um hih,” tiah a ti.

2 SIANGPAHRANG 9:13

Khi tikah an dihlak in khulrang in puan kha an i lak cio i hleihlak karao ah cun an phahpiak i muko kha an tum i, “Jehu cu siangpahrang a si,” tiin an thanh.

BIACEIHTU 7:8

Cucaah mi hna i an thawl le an muko cu an sin khan a lak hna; cun Israel mi a dang vialte cu anmah le an thlam cio ah a kalter hna, sihmanhsehlaw za thum kha cu a umter hna; cun Midian riahhmun cu nelrawn chungah an thlang ah a si.

2 SIANGPAHRANG 11:14

cun a hei zoh tikah, a phung ningin siangpahrang cu tungpi hram i a dir i siangpahrang pawng i ralkapbu haotu hna le muko tumtu hna an um i cu rammi vialte an lung aa lawmh i muko an tum kha a hmuh. Cun Athaliah nih cun a puan kha a thleh hna i, “Rawinak a si! rawinak a si!” tiah a au.

2 CHANRELNAK 23:12

Athaliah nih mi zapi cu an tlik an choipah in siangpahrang an thangṭhat kha a hmuh tikah, Bawipa inn chungah mi zapi sinah khan a vung lut;

2 CHANRELNAK 23:14

Cun tlangbawi Jehoiada nih ralkapbu cung i thiahmi haotu pawl kha a rak chuahpi hna i, “Amah cu ralkap hna lak khan rak chuahpi u; ahohmanh amah a zulmi cu vainam in thah a si lai,” tiah a ti. Zeitintiah tlangbawi nih cun, “Amah, cu Bawipa inn chungah cun that hlah u,” tiah a ti hna.

EZEKIEL 46:2

Uktu bawi kha lenglei in kutka innleng ah khan a rat tikah, innka tung ah khan a dir lai i tlangbawi hna nih khan a khangh thawinak le daihnak thawinak kha an thawi hna lai. Kutka luh lai te ah cun a lu a khun lai i cun a chuak lai, sihmanhsehlaw kutka cu zanlei tiang khar a si lai lo.