2 CHANRELNAK 23:11 - Lai (Hakha) Common Language Bible 2006

¹¹ Cun siangpahrang fapa cu a rak chuahpi i bawi luchin cu a chinh i hngalhternak bia kha a pek; cun siangpahrang a si tiah an thanh i Jehoiada le a fapa hna nih khan chiti an thuh i, “Siangpahrang cu saupi nung ko seh!” tiah an ti.

2 CHANRELNAK 23:11 Խաչաձեւ Հղումներ

1 SAMUEL 10:24

Cun Samuel nih mizapi sinah cun, “Bawipa nih a thimmi hi nan hmu maw? Mi vialte lakah amah bantuk ahohmanh an um lo,” tiah a ti. Cun mi vialte nih khan, “Siangpahrang cu saupi nung ko seh,” tiin an au.

EXODUS 25:16

Kuang chungah cun kan pek laimi lungtlap pahnih, biakamnak hngalhter ṭhantu, kha na chiah hna lai.

2 SIANGPAHRANG 11:12

Cun siangpahrang fapa kha a hun chuahpi i bawi luchin a chinh i hngalhternak bia kha a pek; cun annih nih siangpahrang ah an ser i chiti an thuh; an kut kha an bengh i, “Siangpahrang cu saupi nung ko seh!” an ti.

BIAPHUAN 19:12

A mit cu meizik bantuk an si i a lu ah bawiluchin tampi aa chinh. A cungah min pakhat aa ṭial, asinain amah dah ti lo nih cun zei a si ti kha ahohmanh nih an hngal lo.

BIAPHUAN 5:10

Kan Pathian rian tlangbawi bantukin a ṭuantu dingah siangpahrang phun ah na ser hna i Annih nih vawlei cu an uk lai,” an ti.

BIAPHUAN 4:10

Cu bantukin an thangṭhat tikah upa kul le pali kha bawiṭhutdan cung i a ummi hmaiah cun an kun i zungzal in zungzal tiang a nungmi cu an biak. An suiluchin kha bawiṭhutdan hmaiah cun an chiah hna i,

BIAPHUAN 4:4

Bawiṭhutdan cu a velchum in bawiṭhutdan dang kul le pali nih an kulh i cu bawiṭhutdan hna cungah cun, puan rang aa aih i sui luchin aa chinhmi upa kul le pali an ṭhu.

JEIM 2:5

Ka dawtmi ka u le ka nau hna, ngai hmanh u. Pathian nih hi vawlei cung i misifak hna hi, zumhnak i a rummi si awk le amah a dawtu a kamhmi hna Pennak kha a comi si awkah a thim hna.

JEIM 1:12

Hneksaknak a in tikah fek tein a ummi cu a lung aa lawm, zeicahtiah cu bantuk hneksaknak kha a tei khawh caah Pathian nih amah a dawtu hna a kamhmi nunnak kha laksawng ah a hmuh lai.

HEBRU 2:9

A sullam cu Jesuh ah khan kan hmuh. Caan tawite chung cu vancungmi nak niam deuh ah khan a ser taktak i cucu Pathian vel thawngin mi vialte kan ca i a thihnak ding caah khan a si. Cun thihnak a inmi ruangah khan atu cu sunparnak le upatnak kha luchin ah chinh a si cang ti kha kan hmuh.

MATTHAI 21:9

A hmai i a kalmi hna le a hnu in a zulmi hna cu an bu ning piin an au i, “David Fapa cu thangṭhat ko u! Bawipa min in a rami cu Pathian nih thluachuah pe ko seh, Pathian cu thangṭhat ko u,” tiah an ti.

ISAIAH 49:23

Siangpahrang cu nan caah nan pa bantuk an si lai i siangpahrang bawinu hna nih cun hringtu nu bantukin an in umh hna lai. Nan hmaiah niam ngaiin an kun lai i upatnak an in pek hna lai; nanmah an in hmaizah hnanak cu an langhter lai. Khi tikah Bawipa ka si cu nan hngalh lai i keimah bawmhnak a hngakmi paoh cu a khel hna lai lo,” a ti.

ISAIAH 8:20

Sihmanhsehlaw nannih nih cun, “Bawipa nih an cawnpiakmi hna kha ngai ko u! Thitlawng bia kha ngai hna hlah u — an chimmi nih zeihmanh an ṭhathnem hna lai lo, tiah nan leh hna lai,” a ti.

ISAIAH 8:16

Pathian nih a ka pekmi bia kha ka zultu hna nih ṭha tein an zohkhenh awk le an i ken awk a si.

SALM 132:18

A ral pawl cu ningzahnak in ka khuh hna lai, asinain anih cu a cer in a cermi suiluchin kha ka chinh l ai.

SALM 89:39

Na sal sin i bia na kammi cu na hrawh i a bawiluchin cu leidip lakah na hlonh.

SALM 89:20

Ka sal David cu ka thim cang i nan siangpahrang ah ka ser cang.

SALM 78:5

Israel mi kha nawlbia a pek hna, Jakob tefa kha nawlbia a pek hna. Ka nawlbia cu nan fale kha nan cawnpiak hna lai, tiin kan pupa kha a fial hna.

SALM 21:3

Thluachuahnak tampi he na len i a lu ah suiluchin na chinh.

2 CHANRELNAK 22:11

Sihmanhsehlaw siangpahrang fanu Jehoshabeath nih Ahaziah fapa Joash kha aa lak i thah awk a simi siangpahrang fapa dang hna sin khan a zampi i amah le a cawngtunu cu ihnak dal chungah a chiah hna. Cuticun Siangpahrang Jehoram fanu Jehoshabeath, tlangbawi Jehoiada nupi a simi nih cun, amah cu Ahaziah far a si caah, Athaliah sin khan a thuh i cucaah a that lo;

1 SIANGPAHRANG 1:39

Khika ah tlangbawi Zadok nih thlam chung khan chiti chiahnak ki cu a lak i Solomon kha a thuh. Cun muko kha an tum i, mi vialte nih khan, “Solomon Siangpahrang cu saupi nung ko seh!” an ti.

1 SIANGPAHRANG 1:34

cun tlangbawi Zadok le profet Nathan nih khan khika ah Israel mi vialte cung i siangpahrang ah chiti thuh hna seh; cun muko kha tum u law, ‘Solomon Siangpahrang cu saupi nung ko seh!’ ti in au u.

2 SAMUEL 16:16

Cun Arki mi Hushai, David hawi kha Absalom sinah a rat tikah, Hushai nih Absalom cu, “Siangpahrang cu saupi nung ko seh! Siangpahrang cu saupi nung ko seh,” tiah a ti.

2 SAMUEL 5:3

Cucaah Israel upa vialte cu siangpahrang sinah cun Hebron ah khan an ra i Siangpahrang David nih Bawipa hmaiah Hebron ah khan anmah he biakamnak a ser i annih nih David cu Israel mi cung i siangpahrang ah chiti an thuh.

2 SAMUEL 1:10

Cucaah a pawngah cun ka dir i ka thah, zeicahtiah a tluk cang hnuah khan cun a nung kho bal ti lai lo ti kha ka hngalh; cun a lu i a ummi bawi luchin le a baan i aa khihmi ban hrolh cu ka lak hna i hika ah ka bawipa sinah ka rak put hna,” tiah a ti.

1 SAMUEL 10:1

Cun Samuel nih chiti thawl kha aa chuah i a lu ah khan a toih i a hnamh i, “Bawipa nih a mi Israel mi hna cung i bawi si awkah chiti an thuh a si lo mei? Cun Bawipa mi cu na uk hna lai i an pawngkam i a ummi an ral hna kut chung khan na khamh hna lai. Cun Bawipa nih amah ro cung i bawi si awkah chiti an thuh cang, ti hmelchunhnak cu mah hihi a si lai.

EXODUS 31:18

Sinai Tlang cungah Bawipa nih Moses cu bia a chimh dih tikah, biakamnak lungtlap pahnih, Pathian hrimhrim nih a kutdong in a nawlbia a ṭialnak lungtlap kha Moses cu a pek.

EXODUS 25:21

A chin cu kuang cungah cun na chiah lai i kuang chungah cun biakamnak hngalhter ṭhantu lungtlap pahnih kan pek laimi kha na chiah hna lai.

2 CHANRELNAK 23:10

cun mizapi cu an dihlak in, an hriam kha i put cio ah, inn cu a thlanglei le a chaklei in kulh in, biakṭheng velchum le inn velchum ah cun, siangpahrang cawngtu ah a chiah hna.

2 CHANRELNAK 23:12

Athaliah nih mi zapi cu an tlik an choipah in siangpahrang an thangṭhat kha a hmuh tikah, Bawipa inn chungah mi zapi sinah khan a vung lut;

1 SIANGPAHRANG 1:25

Zeitintiah nihin ni ah hin a vung kal i cawtum hna le cenhmi saṭil thauthau hna le tuu hna kha tam piin a thawi hna i siangpahrang fapa vialte le ralkapbu haotu Joab le tlangbawi Abiathar kha a sawm hna i zohhmanh, a hmaika ah cun an ei an ding i, ‘Siangpahrang Adonijah cu saupi nung ko seh,’ tiah an ti.