2 CHANRELNAK 21:20 - Lai (Hakha) Common Language Bible 2006

²⁰ Pen hram a thawk ah kum sawm thum le kum riat a si i Jerusalem in kum riat a pen; cun ahohmanh ngaihchiat loin a thi. David khua chungah khan an vui; sihmanhsehlaw siangpahrang hna thlan ah khan cun an vui lo.

2 CHANRELNAK 21:20 Խաչաձեւ Հղումներ

JEREMIAH 22:18

Cucaah Judah siangpahrang Josiah fapa Jehoiakim kong ah Bawipa bia cu hi bangin a si: ‘Aize, ka nau, ka dawtmi ka nau,’ tiin siseh, ‘Aize, ka bawipa le ka siangpahrang,’ tiin siseh, a ṭahtu ahohmanh an um lai lo.

JEREMIAH 22:28

Hi mipa Koniah hi mi nawl lawng in a ummi, zeihmanh i rel awk tlak lo le santlailo, ahohmanh i duh lomi thil a si maw? Amah le a fale hna cu an hngalh bal lomi ram ah hlonh vurmar le dawi an si hi zeidang ruangah a si hnga maw?

2 CHANRELNAK 28:27

Cun Ahaz cu a pupa hna sinah a it i khua chungah, Jerusalem khua chungah cun an vui; Israel siangpahrang hna thlan ah khan cun an ratpi lo. Cun a fapa Hezekiah cu amah hmun ah khan a hung bawi.

2 CHANRELNAK 24:25

Annih nih an tluntak tikah, hma fak ngaingai a ing in an kaltak, tlangbawi Jehoiada fapa thisen ruangah khan a sinum hna nih an rawi i a ihkhun cungah an thah. Cucaah a thi i David khua chungah an vui, sihmanhsehlaw siangpahrang hna thlan ah khan cun an vui lo.

PHUNGTHLÛKBIA 10:7

Miding cu thluachuahnak an si tiin hngalh camcin an si, sihmanhsehlaw miṭhalo hna min cu philh zau a si.

2 CHANRELNAK 23:21

Cucaah ram chungah mi vialte cu an i lawm; Athaliah kha vainam in an thah hnuah cun khua kha a dai.

2 SIANGPAHRANG 8:24

Cuticun Joram cu a pupa hna sinah a it i a pupa hna sinah David khua chungah an vui; cun a fapa Ahaziah kha amah hmun ah khan a hung bawi.

2 CHANRELNAK 24:16

Cun Israel mi hna sin le Pathian le a inn caah thil ṭha a tuah caah David khua chungah, siangpahrang hna sinah khan an vui.

2 CHANRELNAK 26:23

Cun Uzziah cu a pupa hna sinah a it i, “Amah cu mithinghmui a si caah siangpahrang hna thlan ah vui loin siangpahrang hna thlanmual ah khan a pupa hna sinah an vui. Cun a fapa Jotham cu amah hmun ah khan a hung bawi.

2 CHANRELNAK 28:26

A tuahsernak a tang rihmi hna le a lam zulhmi vialte cu a hramthawk in a donghnak tiang Judah le Israel Siangpahrang hna Cauk chungah an i ṭial.

2 CHANRELNAK 33:20

Cuticun Manasseh cu a pupa hna sinah a it i amah a inn ah khan an vui; cun a fapa Amon cu amah hmun ah khan a hung bawi.