2 CHANRELNAK 21:10 - Lai (Hakha) Common Language Bible 2006

¹⁰ Cucaah Edom nih Judah uknak cu nihin tiang hin a doh. Cun kha caan ah khan, Bawipa, an pupa hna Pathian cu a hlawt caah Libnah zong nih khan a uknak kha a doh.

2 CHANRELNAK 21:10 Խաչաձեւ Հղումներ

JEREMIAH 2:13

Zeicahtiah ka mi hna nih hin ṭhat lonak pahnih an tuah: Ti nung a chuahnak cerh keimah cu an ka hlawt i Tikuang, a chungah ti a zawi kho lomi, a zutmi tikuang kha an i ser.

2 CHANRELNAK 15:2

Asa ton awkah khan a kal i amah cu a thawh i, “Asa le Judah mi vialte le Benjamin mi vialte hna ka bia ngai tuah u: Amah sinah nan um chung cu Bawipa cu nan sinah a um. Nan kawl ahcun amah cu nan hmuh lai, sihmanhsehlaw nan hlawt ahcun an hlawt ve hna lai.

2 CHANRELNAK 13:10

Sihmanhsehlaw kannih tu cu, Bawipa cu kan Pathian a si i amah cu kan hlaw lo. Bawipa rian a ṭuantu ah tlangbawi Aaron fapa hna kha kan ngei hna i an rian a ṭuantu ah Levi mi kha kan ngei hna.

2 SIANGPAHRANG 19:8

Assiria siangpahrang nih Lakhish kha a kaltak i Libnah a tuk tiah ralbawi ngan bik nih a theih tikah, cuka ah cun amah ton awkah khan a va kal.

1 SIANGPAHRANG 11:33

amah nih a ka hlawt i Sidon mi khuazingnu Ashtoreth le Moab mi pathian Khemosh le Ammon mi pathian Milkom kha a biak hna i ka lam kha a zul hna lo i a pa David bantukin ka mithmuh ah a dikmi a tuah lo i ka nawlbia le ka phunglam kha a zulh hna lo caah, phun hra hi nangmah kan pek lai.

1 SIANGPAHRANG 11:31

Cun Jeroboam cu a thawh i, “Cheu hra kha i lak hna, zeitintiah hi bangin Bawipa Israel Pathian nih, ‘Zohhmanh, pennak hi Solomon kut chungin ka chuh dengmang cang.

JOSHUA 21:13

Cun tlangbawi Aaron tefa hna cu mi thattu ca i himnak khua Hebron le a saṭil tlonnak ram hna, Libnah le a saṭil tlonnak ram hna,

DEUTERONOMI 32:21

Pathian a si lomi thil in ka nahchuahnak an tuah i An siasal in ka thin an ka phawh, Cu bantukin miphun a si lomi in an nahchuahnak ka tuah ve lai i, A hrutmi miphun in an thin ka phawh ve hna lai.

2 CHANRELNAK 21:8

Amah chan ah cun Edom nih Judah uknak kha a doh i anmah tein siangpahrang an i chiah ve.

2 CHANRELNAK 21:9

Cun Jehoram le a ralbawi hna le a rangleng vialte hna cu an i chawk i amah le a rangleng ralbawi a kulhtu hna kha zan ah a tuk hna i an thah hna.

2 CHANRELNAK 21:11

Cuhleiah Judah tlang ram ah khan khuahrum bo a ser hna i Jerusalem khuami kha zumhawktlak lo sinak chungah a luhpi hna i Judah mi kha lam a pialter hna.

DEUTERONOMI 31:17

Cun ka thinhunnak cu khi ni ah an cungah a alh lai i ka hlawt hna lai i ka hmai ka thuhkanh hna lai i, an lotlau dih lai i; ṭhat lonak le harnak tampi nih a tlunh hna lai i cucaah annih nih khi ni ah, ‘Hi ṭhat lonak kan cungah an tlun hi, kan Pathian kan sinah a um lo caah a si lo maw?’ tiah an ti lai.

JOSHUA 10:29

Cun Joshua cu a sinah a ummi Israel mi vialte he Makkedah in Libnah ah an va lan i Libnah kha an doh;

BIACEIHTU 10:13

Sihmanhsehlaw nannih nih nan ka hlawt i pathian dang kha nan biak hna; cucaah kan chuah ti hna lai lo.

2 CHANRELNAK 28:6

Bawipa, an pupa hna Pathian kha an hlawt caah Remaliah fapa Pekah nih khan ni khatte ah Judah ram chungah cun sing khat le sang hnih a thah hna, an dihlak in miralṭha lawngte an si.

ISAIAH 1:28

Asinain a sualmi le amah a dohmi paoh cu a hrawh hna lai; amah a hlawmi paoh cu a thah dih hna lai.

JEREMIAH 2:19

Nangmah dan an tattu cu na ṭhat lonak kha a si ko lai i Sual an phawtu cu na tlaunak kha a si ko lai. Bawipa na Pathian hlawt le keimah upat ti lo cu Na caah zeitluk in dah a ṭhat lo i zeitluk in dah a khaat fawn, ti kha hngal tuah; Mah hihi Ralkapbu Bawipa Pathian bia hrimhrim a si.