2 CHANRELNAK 20:8 - Lai (Hakha) Common Language Bible 2006

⁸ Cu ram chungah cun khua an sa i na min caah hmunthiang pakhat an in sakpiak i,

2 CHANRELNAK 20:8 Խաչաձեւ Հղումներ

2 CHANRELNAK 6:10

Atu cu Bawipa nih a biakamnak a sermi kha a hun tlinter cang; zeitintiah ka pa David hmun ah khan ka kai cang i Bawipa biakam bang khan Israel mi bawi ṭhutdan cungah ka ṭhu i Bawipa, Israel Pathian min caah khan inn cu ka sak cang.

2 CHANRELNAK 2:4

Bawipa ka Pathian upatnak caah biakinn sak kaa tim. Cu inn cu ka mi hna le keimah nih rimthaw zihmui khanghnak in Pathian kan biaknak hmunthiang a si lai. Cun Israel mi cu nan tuah zungzal lai tiah nawlpek a simi: hun camcinmi changreu kan pekchanh zungzalnak hmun le Bawipa kan Pathian upatnak caah zingfa zanfa, sabbath hna le thla thar puai hna le nizarh hna ah khangh thawinak kan pekchanhnak hmun a si lai.

2 CHANRELNAK 20:7

Maw kan Pathian, nangmah nih hika ram mi hna cu na mi Israel mi hna hmai i na dawi hna i na hawi Abraham tefa hna sinah zungzal ca in na pe hna lo mei?

2 CHANRELNAK 20:9

‘Kan cungah ṭhat lonak, vainam maw, biaceihnak maw, rai maw, mangṭam maw a tlun ahcun, hi inn hmaiah le nangmah hmaiah hin kan dir lai, zeicahtiah na min cu hi inn chungah hin a um i kannih nih kan harnak chungin nangmah cu kan in auh lai i nang nih na kan theihpiak lai i na kan khamh lai,’ tiah an ti.

JOSHUA 21:43

Cu bangin Bawipa nih Israel mi cu an pupa hna sinah pek awkin chiat a sermi ram vialte kha a pek hna. An tei i khika ah um hmun an khuar.

2 CHANRELNAK 6:5

‘Ka mi Israel mi hna cu Izipt ram in ka chuahpi hna ni thawk in, Israel mi hna phun chung i khua zeihmanh kha, ka min umnak ding i inn saknak caah, ka thim lo i ka mi Israel mi hna cung i bawi caah ahohmanh ka thim hna lo;

2 CHANRELNAK 6:6

sihmanhsehlaw ka min cu khika ah a um nakhnga Jerusalem cu ka thim i David cu ka mi Israel mi hna cung i um awkah ka thim,’ tiin a ka in a chimmi a biakamnak kha a kut in a tlintertu Bawipa, Israel Pathian cu thangṭhat si ko seh.