2 CHANRELNAK 20:7 - Lai (Hakha) Common Language Bible 2006

⁷ Maw kan Pathian, nangmah nih hika ram mi hna cu na mi Israel mi hna hmai i na dawi hna i na hawi Abraham tefa hna sinah zungzal ca in na pe hna lo mei?

2 CHANRELNAK 20:7 Խաչաձեւ Հղումներ

JEIM 2:23

Cucaah cun, “Abraham nih Pathian a zumh i cu a zumhnak thawng cun Pathian nih miding ah a cohlan,” tiah a titu Cathiang bia cu a tling. Cucaah Abraham cu, “Pathian hawi,” tiah ti a si.

ISAIAH 41:8

“Sihmanhsehlaw Israel ka sal, nang cu keimah nih kan thimmi miphun na si i ka hawi Abraham tefa na si.

SALM 44:2

Cu thil lianngan na tuahmi hna cu, zeitindah nangmah hrimhrim nih hi ram chung lawkihmi kha na dawi hna i an ram ah cun na mi kha nan umter hna ti le zeitindah phundang mi cu dan na tat hna i na mi tu cu na ṭhanchoter hna, ti hi a si.

GENESIS 12:7

Bawipa cu Abram sinah khan a lang i, “Hi ram hi na tefa ka pek hna laimi ram cu a si,” a ti. Cuka ah cun amah sin i a rung langmi Bawipa caah khan Abram nih biakṭheng pakhat a ser.

NEHEMIAH 9:8

Cun amah cu nangmah sinah zumhawktlak a si kha na hmuh i a tefa hna cu Kanaan mi hna le Hit mi hna le Amor mi hna le Periz mi hna le Jebus mi hna le Girgash mi hna ram kha pek awkah amah sinah khan biakamnak kha na ser; cun nang cu na din caah na biakamnak cu na tlinter.

JOSHUA 24:3

Cun nan pa Abraham kha Tiva ral khan ka lak i Kanaan ram chung dihlak ah ka hruai i a tefa cu tampi ah ka ser hna. Isak kha ka pek i

GENESIS 13:15

na hmuhmi ram vialte kha nangmah le na tefa cu kan pek hna lai i a zungzal in nan ta a si lai.

2 CHANRELNAK 14:11

Cun Asa nih Bawipa a Pathian kha a auh i, “Maw Bawipa, a ṭhawngmi le a dermi karlak ah, bawmtu nangmah bantuk ahohmanh an um lo. Maw Bawipa kan Pathian, kan bawm ko sawh, zeitintiah nangmah kha kan in bochan i hi mibu nganpi hi nangmah min in kan chuahhnawh hna. Maw Bawipa, nangmah cu kan Pathian na si; minung nih nangmah cu in tei hna hlah seh,” tiah a ti.

EXODUS 33:2

Nan hmaiah vancungmi pakhat ka thlah lai i Kanaan mi hna le Amor mi hna le Hit mi hna le Periz mi hna le Hiv mi hna le Jebus mi hna kha ka ṭhawl hna lai.

JOHAN 11:11

‘Kan hawi Lazaruh kha aa hngilh cang, sihmanhsehlaw ka va kal lai i ka va thawh lai,” a ti.

EXODUS 20:2

Aa thawh i, “Sal i nan cannak inn chung, Izipt ram chungin an chuahtu hna cu Bawipa nan Pathian hi ka si.

EXODUS 6:7

Nannih cu ka mi ah kan lak hna lai i kei cu nan Pathian ka si lai. Nannih nih kei cu Bawipa nan Pathian, Izipt mi nih hramhram in an in hnekmi hna rian in an luattertu hna ka si kha nan hngalh lai.

GENESIS 17:7

“Ka biakamnak cu, zungzal hmunmi biakamnak caah, nangmah le a ra lai ding chan i na tefa hna sinah, ka fehter lai. Nangmah na Pathian le na tefa hna an Pathian ka si lai.

JOHAN 15:15

Nannih cu sinum kan ti ti hna lo, zeicahtiah sinum nih cun a bawipa tuahmi kha a hngal lo. Sihmanhsehlaw ka Pa sinin ka theihmi vialte kha kan chimh dih hna caah, ka hawile, ti tu ah kan ti cang hna.

JOSHUA 24:13

Nan rak thlawh lomi ram le nan rak sak lomi khua hna kha kan pek hna i khika ah nan um; nan phun lomi mitsur ruang le oliv dum theitlai kha nan ei.’ ”

2 CHANRELNAK 20:8

Cu ram chungah cun khua an sa i na min caah hmunthiang pakhat an in sakpiak i,

SALM 80:8

Izipt ram in mitsur ruang pakhat na chuahpi; miphun dang kha na ṭhawl hna i an ram ah cun cu mitsur ruang cu na phun.

DEUTERONOMI 4:38

miphun dangdang nanmah nakin a ngan deuh le a ṭhawng deuh cu, nihin ah a si bang hin, nannih kha luhter awkah le an ram cu ro ca i in pek hna awkah nan hmai in a dawi hna,

JOSHUA 1:6

Ṭhawng ngai le ralṭha ngaiin um tuah; zeitintiah an pupa hna sinah pek awkin chiat ka rak ser cangmi ram hi, hi mi hi na coter hna lai.

JOSHUA 23:9

Zeitintiah Bawipa nih nan hmai in a ngan le a ṭhawngmi miphun hna kha a dawi hna i, nannih cu nihin ni tiangah ahohmanh nih an in celh hna lo.

SALM 44:3

Hi ram cu na mi nih an nam in an teimi a si lo, anmah ṭhawnnak in an teimi zong a si lo; nangmah lianhngannak le ṭhawnnak in a si i nangmah nih na dawt hna langhternak caah an sin i na umhnawh hnanak tu nih khan hi ram cu a tei.