2 CHANRELNAK 20:26 - Lai (Hakha) Common Language Bible 2006

²⁶ A ni linak ni ah Berakal Nelrawn ah an i pum i khika ah Bawipa kha an thangṭhat; cucaah cuka hmun min cu nihin tiangin Berakah Nelrawn tiah ti a si.

2 CHANRELNAK 20:26 Խաչաձեւ Հղումներ

LUKA 1:68

“Bawipa, Israel Pathian cu thangṭhat u sih. A mi hna bawmh awkah a ra cang i a luatter cang hna.

ISAIAH 62:4

“Hlawtmi,” ti na si ti lai lo i na ram zong “Kaltakmi Nupi” ti a si ti lai lo. Na min thar cu “Hefzibah” ti a si lai i na ram cu “Beulah” ti a si lai. Cu Bawipa kha na cungah aa lawmh caah a si i na ram caah va bantuk a si lai.

2 CHANRELNAK 5:9

Lang cu an sau caah chungchin hmunthiang hmai i a ummi hmunthiang khan an par le an par cu hmuh khawh an si; sihmanhsehlaw lenglei cun hmuh khawh an si lo; cuka ah cun nihin tiang hin an um ko.

EXODUS 17:15

Moses nih biakṭheng pakhat a ser i a min ah, “Bawipa cu ka hmelchunhnak puanzar a si,” a ti.

GENESIS 32:20

‘Asi, na sal Jakob cu kan hnute ah hin a ra lio ve ko,’ nan ti lai,” a ti hna. Jakob nih cun, “Ka hmai i ka rak kalter chungmi laksawng nih hin a thin a damter lai i keimah i ka ton tikah cun a ngaihthiam zong maw a ka ngaihthiam khawh,” tiah a ruah.

2 SAMUEL 22:1

Cun Bawipa nih David a ral vialte hna kut chung le Saul kut chungin a chuahter ni ah, hi hla hin Bawipa cu a hloi.

1 SAMUEL 7:12

Cun Samuel nih lung pakhat a lak i Mizpah le Jeshanah karlak ah a phun i, “Atu tiangin Bawipa nih a kan bawmh,” tiin a min ah Ebenezer a sak.

LAMKALTU 1:19

Jerusalem khua i a ummi vialte nih cucu an theih i cu lo cu a min ah anmah holh in Akeldama an sak i, a sullam cu Thisen Chuahnak Lo ti a si). Peter nih cun, “Salm cauk chungah khan,

GENESIS 28:19

Cu hmun cu a min ah Bethel a sak. (Cu hlanah cun cu khua cu a min ah Luz rak ti a si).

1 CHANRELNAK 12:3

An haotu bik cu Ahiezer a si, a hun changtu cu Joash a si, an pahnih in Gibeah khuami Shemaah fapa an si; Azmaveth fapa Jeziel le Pelet zong; Berakah, Anathoth mi Jehu,

2 CHANRELNAK 20:25

Cun Jehoshafat le a mi hna kha hranchaw lak awkah an rat tikah saṭil tampi, thilri, hnipuan man sungmi thilri, an hmuh hna i an i phorh khawh ti lo tiangin an i lak hna. Hranchaw laknak ah cun ni thum tiang an rau, a tam hringhran ko.

2 CHANRELNAK 20:27

Cun annih cu, Judah ram mi le Jerusalem mi vialte cu, Jehoshafat nih a hmaisat hna i an tlung, Bawipa nih an ral hna cungah a lawmhter hna caah lunglawm in an tlung.