2 CHANRELNAK 20:23 - Lai (Hakha) Common Language Bible 2006

²³ Zeitintiah Ammon mi le Moab mi hna nih khan Seir Tlang mi kha an tuk hna i an hloh cikcek hna, cun Seir i a ummi hna cu an thah dih hna hnuah anmah le anmah cu an i nawng dih.

2 CHANRELNAK 20:23 Խաչաձեւ Հղումներ

1 SAMUEL 14:20

Cun Saul le a sinah a ummi vialte kha an i pum ṭhan i raldohnak chungah cun an lut; cun zohhmanh, anmah le anmah cu nam in an i tu ciammam i, i tuainak nganpi a um.

BIACEIHTU 7:22

Cun muko za thum kha an tum tikah Bawipa nih ralkap vialte cu anmah le anmah kha an vainam in a tukter ciammam hna i ralkap hna cu Zererah lei i Beth-shittah tiang an zam, Tabbath pawng Abel-meholah ramri tiangin.

JOSHUA 24:4

Isak cu Jakob le Esau kha ka pek. Cun Esau cu Seir tlangram kha ngeih awkah ka pek, sihmanhsehlaw Jakob le a fale hna cu Izipt ah an vung kal.

DEUTERONOMI 2:5

annih cu va doh sual hna hlah u, zeitintiah an ram cu zeihmanh kan pe hna lai lo, keza kauh hmanh kan pe hna lai lo, zeicahtiah Seir Tlang cu Esau kha a covo ah ka pek cang.

GENESIS 14:6

Hormi kha Seir tlang ah an tei hna i thetse rawn kam i a ummi Elparan khua tiang an dawi hna.

2 CHANRELNAK 20:24

Judah mi cu ramlak i ralvennak innsang kha an phak tikah, mibupi cu an hei zoh hna i zohhmanh, annih cu an thi i vawlei ah khan an ril liangluang ko; pakhat hmanh an luat lo.

2 CHANRELNAK 21:8

Amah chan ah cun Edom nih Judah uknak kha a doh i anmah tein siangpahrang an i chiah ve.

ISAIAH 19:2

Bawipa nih aa thawh i, “Izipt ram chungah mah le mah i dohnak ka chuahter lai, u le nau kha an i do lai i innpa le innpa kha an i do lai. Khua khat le khua khat an i tu lai i siangpahrang pakhat le pakhat uknak an i cuh lai.

EZEKIEL 38:21

Gog doh awkah ka tlang hna cungah vainam kha ka auh lai i annih cu anmah le anmah kha pakhat le pakhat vainam in an i sam lai, a ti. Hihi Bawipa Pathian chimmi bia a si.

HAGGAI 2:22

pennak bawiṭhutdan hna hi ka hninh dengmang cang hna; miphun hna ṭhawnnak cu ka hrawh dengmang cang i an rangleng hna le an cung i aa citmi ralkap hna cu ka thluk dengmang cang hna; cun rangtum hna le an cung i aa citmi ralkap hna cu anmah le an hawi vainam cio khan an thi lai,’ tiah ralkapbu Bawipa nih a ti.