2 CHANRELNAK 20:22 - Lai (Hakha) Common Language Bible 2006

²² Cun annih nih hlasak le thangṭhat kha an thawk tikah Bawipa nih Ammon, Moab le Seir Tlang mi, Judah tuk awk i a rami hna kha lamhruang a ahter hna i cucaah an sung dih.

2 CHANRELNAK 20:22 Խաչաձեւ Հղումներ

EZEKIEL 38:21

Gog doh awkah ka tlang hna cungah vainam kha ka auh lai i annih cu anmah le anmah kha pakhat le pakhat vainam in an i sam lai, a ti. Hihi Bawipa Pathian chimmi bia a si.

1 SAMUEL 14:20

Cun Saul le a sinah a ummi vialte kha an i pum ṭhan i raldohnak chungah cun an lut; cun zohhmanh, anmah le anmah cu nam in an i tu ciammam i, i tuainak nganpi a um.

ISAIAH 19:2

Bawipa nih aa thawh i, “Izipt ram chungah mah le mah i dohnak ka chuahter lai, u le nau kha an i do lai i innpa le innpa kha an i do lai. Khua khat le khua khat an i tu lai i siangpahrang pakhat le pakhat uknak an i cuh lai.

2 SIANGPAHRANG 6:17

Cun Elisha nih thla a cam i, “Maw Bawipa, a hmuh khawh nakhnga, a mit hi hun auter ko,” tiah a ti. Cucaah Bawipa nih tlangvalpa mit cu a auter i a hmuh; cun zohhmanh, Elisha velchum ah cun, tlang cu rang le mei rangleng in a khat.

BIACEIHTU 7:22

Cun muko za thum kha an tum tikah Bawipa nih ralkap vialte cu anmah le anmah kha an vainam in a tukter ciammam hna i ralkap hna cu Zererah lei i Beth-shittah tiang an zam, Tabbath pawng Abel-meholah ramri tiangin.

2 CHANRELNAK 20:10

Cun atu cu zohhmanh, Ammon mi hna le Moab mi hna le Seir Tlang mi hna, Israel mi hna nih Izipt ram in an chuah tikah tuk na thlauh hna ca i an hrial hna i an hrawh lomi hna nih khan

2 CHANRELNAK 13:13

Jeroboam nih lamhruang ortu, an hnulei in a hun chuah hnawhtu ding hna kha a thlah hna; cucaah a ralkapbu hna cu Judah mi hna hmaiah an um i lamhruang ortu hna cu an hnulei in an um.

1 SAMUEL 14:16

Cun Saul ralvengtu hna, Benjamin mi khua Gibeah i a ummi hna nih khan an hei zoh i, zohhmanh, mi bupi cu hilei khilei ah an i cavai len ko.

2 CHANRELNAK 21:8

Amah chan ah cun Edom nih Judah uknak kha a doh i anmah tein siangpahrang an i chiah ve.

JOSHUA 6:16

Cun a voi sarihnak ah cun, tlangbawi nih muko an tum tikah khan, Joshua nih mi zapi hna sinah cun, “Au tuah u; zeitintiah Bawipa nih khua cu an pek cang hna,” a ti.

2 SAMUEL 22:4

Thangṭhat awk a tlakmi Bawipa cu ka auh i ka ral hna chungin a ka khamh.

2 CHANRELNAK 5:13

muko tumtu hna le hlasatu hna an rian cu Bawipa lawmhnak hla le thangṭhatnak hla kha aw khat tein thanter kha a si caah, muko hna le sumsel hna le awdawh tumnak thilri dang hna he cun: “Zeitintiah amah cu a ṭha, A fekmi a dawtnak cu zungzal in a hmun,” tiin Bawipa thangṭhat in hla cu an hun sak tikah, inn kha, Bawipa inn kha, minmei in a khah

2 CHANRELNAK 13:15

Khi tikah Judah mi hna cu raldohnak au khan an au. Cun Judah mi kha an au tikah Pathian nih Jeroboam le Israel mi vialte kha Abijah le Judah mi hna hmaiah a sunghter hna.

SALM 18:4

Thihnak nih a hri in a ka ṭem, rawhralnak tilian nih a ka tlunhnawh.