2 CHANRELNAK 20:12 - Lai (Hakha) Common Language Bible 2006

¹² Maw kan Pathian, an cungah biaceihnak na tuah hnga lo maw? Zeitintiah kannih doh awkah a kan rathnawhtu hi bu nganpi hmaiah hin kannih cu santlailo kan si ko. Zei tuah awk kan hngal lo, sihmanhsehlaw kan mit lawng kha na cungah a um ko,” tiah a ti.

2 CHANRELNAK 20:12 Խաչաձեւ Հղումներ

SALM 25:15

Bawipa cu kaa bochan zungzal i thil ṭihnung chungin a ka chuah.

SALM 141:8

Sihmanhsehlaw Bawipa Pathian, kei nih cun kan bochan i nangmah chungah dornak kha ka kawl; ka thihter sawh hlah!

DEUTERONOMI 32:36

Zeitintiah, an ṭhawnnak kha a loh cang i Khihmi siseh, a luatmi siseh, Pakhat hmanh an tang ti lo ti kha Bawipa nih a hmuh tikah, A mi cu thiam a coter hna lai i A sal hna cungah zaangfahnak a ngei lai.

SALM 9:19

Bawipa, ra tuah, mi nih zeirello in in um hna hlah seh! Lawkihmi cu na hmaiah chuahter hna law an bia ceih hna.

SALM 43:1

Pathian, ka sual lo kha ka thanhpiak law Pathian zei i a rel lomi hna lakah hin ka bia ka chimpi tuah; lihchim hmangmi le miṭhalo hna kut chung hin ka chuah tuah.

JONAH 2:4

Na mit hmuhnak khan hlonh ka si cang i na biakinn thiang cu zeitikhmanh ah ka hmu ti lai lo, tiah ka ruah.

2 SAMUEL 14:11

Cun anih nih, “Thisen phuhlamtu nih khan a thah ti nakhnga lo le, ka fapa cu hrawh a si nakhnga lo, siangpahrang nih Bawipa na Pathian min chalh in chim tuah, tiah kan nawl,” tiah a ti. Cun anih nih, “Bawipa a nun bangin na fapa cu a samfa fa khat hmanh vawlei ah a tla lai lo,” tiah a ti.

1 SAMUEL 3:13

A fapa hna nih Pathian an vawlhpamhnak sualnak kha a hngal ko nain a thlauh hna lo caah, a innchungkhar cu zungzal ca in dantatnak ka pek dengmang cang, tiah amah kha ka chimh.

BIACEIHTU 11:27

Cucaah nangmah cungah ka sual lo, ka cung i ral na ser caah hin nangmah tu nih ka cungah na sual; Bawipa, Biaceihtu nih nihin ah hin Israel mi le Ammon mi hna karlak ah bia khiak seh,” tiah a ti.

BIAPHUAN 19:11

Cun van kha aa hung i rang rang pakhat ka hmuh. A cung i aa citmi cu a min ah Zumhawktlak le Ahmaanmi ti a si; bia a ceih tik le ral a doh tikah dinnak in a ceih i a doh.

SALM 7:8

Bawipa, nangmah cu mi vialte biaceihtu bawi na si. Kei cu miṭha le a sual lomi ka si caah keimah lei ṭanh in biakhiahnak kha tuah ko.

JOEL 3:12

Bawipa Biaceihnak Nelrawn ah cun ra hna seh; Khuazakip ah a ummi miphun vialte hna cu biaceih awkah Khika ah keimah cu biaceihnak ṭhutdan cungah ka ṭhu lai.

2 SIANGPAHRANG 6:15

Pathian mipa sinum cu zingka in a thawh i a chuah tikah, zohhmanh, ralkapbu cu rang le rangleng he khua velchum cun an rak um. Cun sinum nih cun, “Aize, ka bawipa! Zeidah kan tuah lai?” tiah a ti.

ISAIAH 42:4

A lung a dong lai lo, a tha zong a chia lai lo, vawlei cungah dinnak kha a hmunhter lai. Lamhlat pipi i a ummi ram nih a cawnpiaknak kha ngangngan in an hngak ko,” a ti.

ISAIAH 2:4

Miphun ngan pipi an i siknak cu a remh hna lai. An vainam cu tuhmui ah an ser hna lai i an fei cu namtong ah an ser hna lai. Phun khat le phun khat an i do ti lai lo, ral doh zong an i tim ti lai lo.

SALM 7:6

Na thinhun in tho tuah, maw Bawipa, ka ral hna thinhunnak kha doh awkah dir tuah. I hlau law ka bawm tuah, zeicahtiah na duhmi cu ding tein biaceih kha a si.

1 SAMUEL 14:6

Cun a ralthuam putu tlangval sinah cun Jonathan nih, “Hi cuarpartan lomi hna an ralvengtu ralkapbu sinah khin va kal tuah u sih; Bawipa nih kan caah rian a hei ṭuan ko hmanh hnga maw, zeitintiah khamhnak cu mi tam thawngin a si ah siseh, mi tlawm thawngin a si ah siseh, Bawipa cu zeihmanh nih a dawnh khawh ṭung lo,” tiah a ti.

2 CHANRELNAK 20:13

Cu lioah cun Judah mi vialte hna cu an ngakchia hna le an nupi le an fale hna he, Bawipa hmaiah khan an dir.

ISAIAH 45:22

Vawleicung mi vialte hna, keimah leiah khan i mer u law khamhnak hmu u. Keimah lawnglawng hi Pathian cu ka si ko.

1 SIANGPAHRANG 1:20

Cucaah siangpahrang ka bawipa, atu cu Israel mi vialte hna nih, ahodah siangpahrang ka bawipa ṭhutdan ah hin amah hnu in a ṭhu lai, ti chimh awkah nangmah cungah an mit an chiah dih.

SALM 94:2

Nangmah cu mi vialte bia a ceihtu na si, tho law miporhlaw kha hmuh awk an i tlakmi dantatnak kha pe hna.