2 CHANRELNAK 2:3 - Lai (Hakha) Common Language Bible 2006

³ Cun Solomon nih Tair ram siangpahrang Huram kha bia a cah i, “Ka pa David cungah na rak tuah i amah a umnak ding inn saknak caah sidar thing na rak kuat bantuk khan, keimah zong ka kua ve tuah.

2 CHANRELNAK 2:3 Խաչաձեւ Հղումներ

1 CHANRELNAK 14:1

Cun Tair siangpahrang Hiram nih David kha lamkaltu le sidar thing le lungremh thiam le zungthiam hna zong kha amah cu inn sakpiak awkah a kuat hna.

2 SAMUEL 5:11

Cun Tair siangpahrang Hiram nih David kha lamkaltu le sidar thing le zungthiammi hna le lungremhthiam hna zong kha a kuat i David kha inn pakhat an sakpiak.

EXODUS 25:30

Cun ka hmaika cabuai ah khan ka sin i pekchanhmi changreu kha hun zungzal a si lai.

EXODUS 29:38

“Biakṭheng cungah nan thawi awk thil cu hihi an si lai: nifate in, a zungzal in kum khat a timi tuufa pahnih kha nan thawi hna lai.

EXODUS 29:39

Tuufa pakhat cu zinglei ah nan thawi lai i tuufa pakhat cu zanlei ah nan thawi lai.

EXODUS 29:41

Tuufa pahnihnak cu zanlei ah nan thawi lai i zinglei i nan thawimi bantuk khan ei awk thawimi le din awk thawinak kha nan pekchanh chih hna lai. Cun cu rim thaw, Bawipa sinah mei in khanghmi thawinak kha a si.

EXODUS 30:7

Aaron nih meiinn kha a zohkhenh hna tikah hi biakṭheng cungah hin zingfate in zihmui kha a khangh lai.

LEVITIKAS 9:17

Cun changvut thawinak kha a pek; pei khat in a lak i zinglei khangh thawinak hleiah biakṭheng cungah a khangh.

LEVITIKAS 23:2

“Israel mi cu, a caan khiahmi Bawipa puai, nannih nih pumhnak thiang caah nan thanh ding, a caan khiahmi ka puai hna cu, mah hihi an si, tiah chim hna.

NAMBAR 28:9

“Sabbath ni ah kum khat a timi tuufa dotla a pa pahnih le changvut thawinak caah chiti he cawhmi changvut dip ephah cheu hra cheu hnih le a thlet thawinak:

NAMBAR 28:11

“Cun nan thla a det tik paoh ah Bawipa sinah khangh thawinak nan pekchanh lai: cawtum no pahnih, tuukawng pakhat, kum khat a timi tuufa dotla a pa pasarih:

2 CHANRELNAK 4:19

Cuticun Solomon nih Pathian inn chung i a ummi thil vialte cu a ser hna: sui biakṭheng, Hun Camcinmi changreu ca i sui cabuai,

2 CHANRELNAK 8:13

mah cucu Moses nih sabbath hna ca le thla thar hna ca le kum khat voi khat tuahmi puai — thilnu telh lo changreu puai, zarh hna puai le deu puai hna ca i nawl a chiah bangkhan, a ni cio rian nih a hlamning khan an pekchanh hna.

2 CHANRELNAK 13:11

Kannih nih cun Bawipa kan Pathian nawlbia kha kan zulh caah Bawipa sinah zinglei fate le zanlei fate khangh thawinak le rim thawmi zihmui kha an pekchanh i sui thiang cabuai cungah khan hun camcinmi changreu kha an hun i zanlei fate sui meivannak tung cu a meiinn kha an alh naklai an zohkhenh; Bawipa nih a kan fialmi kha kan tuah; sihmanhsehlaw nannih nih cun amah cu nan hlawt.

2 CHANRELNAK 24:14

Cun an lim tikah phaisa a tangmi kha siangpahrang le Jehoiada hmaiah khan an rak put i cu cun Bawipa inn ca i umkheng, biaknak ca le khangh thawinak ca i kha an ser hna i zihmui ca kheng tete le sui umkheng le ngun umkheng zong kha an ser hna. Cun Jehoiada chan chung cu Bawipa inn chungah khan khangh thawinak kha an pekchanh camcin ko.

EZRA 6:3

Sairas siangpahrang a bawi kum khatnak ah, Sairas siangpahrang nih nawlbia a chuah: Jerusalem i a ummi Pathian kongah, raithawinak an pekchanhnak le khangh thawinak an rak putnak hmun inn cu sak ṭhan si seh; a san cu dong sawm ruk a si lai i a vang cu dong sawm ruk a si lai,

NEHEMIAH 10:34

Kannih tlangbawi hna le Levi mi hna le mi zapi hna nih khan thing thawhlawm caah camcawh fung khiahnak kan tuah, kan tining ah cun, innchungkhar cio nih aa chang lengmang in thiahmi caan cio ah khan kum khat hnu kum khat in Bawipa kan Pathian biakṭheng cung i khangh awkah, nawlbia chungah aa ṭial bangin, kan Pathian inn chungah khan kan rak phorh hna lai, kan ti.