2 CHANRELNAK 18:18 - Lai (Hakha) Common Language Bible 2006

¹⁸ Cun Mikaiah nih cun, “Cucaah Bawipa bia cu thei tuah: Bawipa cu a bawi ṭhutdan cungah a ṭhut i vancung ralkapbu vialte a orhlei le a kehlei ah an dir kha ka hmuh;

2 CHANRELNAK 18:18 Խաչաձեւ Հղումներ

DANIEL 7:9

Ka zoh ko lioah khan bawi ṭhutdan hna cu an hun hun hna i zungzal in a nungmi cu ṭhutdan cungah khan a hung ṭhu. A puan cu hawhra bantukin a rang i a sam cu tuuhmul thiang bik bantukin a thiang. A bawiṭhutdan cu meizik lengkekual cungah hun a si i meizik kha an chuak i a ṭhutdan cu meialh nih a tuam.

ZEKHARIAH 1:10

Cun lenhmui kung lak i a dirmipa nih cun a ka thawh i, “Annih cu vawlei cung vialte cul dih awkah Bawipa nih a thlahmi an si,” tiah a ti.

AMOS 7:16

Cucaah cun atu cu Bawipa bia hi ngai tuah u: “Israel mi cu bia chim hna hlah, Isak tefa hna cu na hruh bia cu nawnnokpi lengmang hna hlah, nan ka ti.

JEREMIAH 34:4

Maw Judah siangpahrang Zedekiah, Bawipa nih nangmah an cahmi bia cu thei rih tuah. A bia cu hihi a si: Vainam in na thi lai lo.

JEREMIAH 2:4

Bawipa bia cu ngai tuah u, maw Jakob tefa hna le Israel chungkhar vialte hna.

ISAIAH 39:5

Cu tikah Isaiah nih siangpahrang cu a thawh i “Ralkapbu Bawipa nih,

ISAIAH 28:14

Cucaah cun Jerusalem khuami uktu, mi lungpuam rual hna, Bawipa nih a chimmi hi ngai tuah u.

ISAIAH 1:10

Jerusalem, na uktu bawi hna le na mi hna hi Sodom le Gomorrah khuami bantuk kha an si. Bawipa nih an chimhmi bia hi ngai tuah. Kan Pathian nih an cawnpiak mi hi ṭha tein ruat tuah.

GENESIS 32:2

A hmuh hna tikah, “Hi hi pei Pathian ralkapbu a si hi,” a ti i cucaah cuka hmun cu a min ah Mahanaim a sak.

JEREMIAH 19:3

‘Maw Judah siangpahrang hna le Jerusalem khuami hna, Bawipa bia hi thei tuah u,’ va ti. Hi bangin Ralkapbu Bawipa, Israel Pathian nih a ti: Hi hmun cungah hin rawhralnak ka tlunter lai i mah cu a theimi paoh cu, an hna zaizil khing dihlak in a khenh hna lai.

2 CHANRELNAK 18:17

Cun Israel siangpahrang nih Jehoshafat cu, “Keimah kong ah cun ṭhatnak si loin chiatnak a chim lai, tiah kan ti ṭheo lo mei?” tiah a ti.

2 CHANRELNAK 18:19

cun Bawipa nih a thawh i, ‘Israel siangpahrang Ahab cu Ramoth-gilead ah hung kal i khika ah a thih naklai ahodah a lem lai?’ tiah a ti. Cun pakhat nih thil pakhat a chim i a dang pakhat nih thil dang pakhat a chim ve.

DANIEL 7:10

A rianṭuantu dingah mi a thongthong in an um i a hmaiah cun a nuainuai in an dir. Biaceihnak cu hun timh a si i cauk cu an hun kau hna.