2 CHANRELNAK 14:10 - Lai (Hakha) Common Language Bible 2006

¹⁰ Cun amah cu Asa nih a hei chuahhnawh ve i Mareshah i Zefathah nelrawn ah cun i doh awkah an i tiang.

2 CHANRELNAK 14:10 Խաչաձեւ Հղումներ

BIACEIHTU 1:17

Cun Judah cu a unau Simeon he an hung kal i Zefath i a ummi Kanaan mi hna cu an hung tei hna i an hrawh cikcek. Cucaah cu khua min cu Hormah ti a si.

JOSHUA 19:4

Eltolad, Bethul, Hormah,

2 CHANRELNAK 14:9

Ethiopia mi Zerah nih ralkap nuai khat le rangleng sing thum he a chuahhnawh hna i Mareshah tiang a ra phan.

2 CHANRELNAK 14:11

Cun Asa nih Bawipa a Pathian kha a auh i, “Maw Bawipa, a ṭhawngmi le a dermi karlak ah, bawmtu nangmah bantuk ahohmanh an um lo. Maw Bawipa kan Pathian, kan bawm ko sawh, zeitintiah nangmah kha kan in bochan i hi mibu nganpi hi nangmah min in kan chuahhnawh hna. Maw Bawipa, nangmah cu kan Pathian na si; minung nih nangmah cu in tei hna hlah seh,” tiah a ti.

DEUTERONOMI 20:1

“Nannih nih nan ral hna doh awkah nan kal i, rang hna le rangleng hna le nanmah i nakin a ngan deuhmi ralkapbu nan hmuh tikah, nan ṭih hna lai lo; zeitintiah Izipt ram in an chuahpitu hna Bawipa nan Pathian kha nan sinah a um.

1 SAMUEL 14:6

Cun a ralthuam putu tlangval sinah cun Jonathan nih, “Hi cuarpartan lomi hna an ralvengtu ralkapbu sinah khin va kal tuah u sih; Bawipa nih kan caah rian a hei ṭuan ko hmanh hnga maw, zeitintiah khamhnak cu mi tam thawngin a si ah siseh, mi tlawm thawngin a si ah siseh, Bawipa cu zeihmanh nih a dawnh khawh ṭung lo,” tiah a ti.

1 SAMUEL 17:45

Cu tikah David nih cun Filistin mipa cu a thawh i, “Nang nih cun vainam le fei le fei nganpi he na ka chuahhnawh; sihmanhsehlaw kei nih cun ralkapbu Bawipa, Israel ralkapbu hna i an Pathian, na zawmhtaihmi min khan kan chuahhnawh.

2 CHANRELNAK 13:18

Cuticun Israel mi hna cu khi tan ah khan an sung i Judah mi hna nih Bawipa, an pupa hna Pathian kha an i bochan caah an tei hna.

2 CHANRELNAK 26:7

Pathian nih, Filistin mi hna le Gurbaal i a ummi Arab mi hna le Meunim mi hna lakah khan amah cu a bawmh.

2 CHANRELNAK 32:8

Amah sin i a ummi cu titsa hriamnam a si, sihmanhsehlaw kan sin i a ummi cu Bawipa kan Pathian a si, amah nih a kan bawmh lai i kan ral hna cu a kan dohpiak lai,” tiah a ti. Cun Judah siangpahrang Hezekiah bia cun mi nih zumhnak an i lak.

2 CHANRELNAK 32:20

Khi tikah Siangpahrang Hezekiah le Amoz fapa profet Isaiah kha hi ruangah hin thla an cam i van leiah an au.

SALM 9:20

Maw Bawipa, annih cu an thinphanter hna, minung menmen an si kha hngalhter hna. Selah

SALM 20:8

Annih cu an ril i an tlu lai. sihmanhsehlaw kannih cu kan tho lai i, fek tein kan dir lai.

SALM 31:15

Ka caan cu na kut chungah a um dih, ka ral hna kut chungin ka khamh law a ka hremtu hna kut chungin ka khamh tuah.