2 CHANRELNAK 13:19 - Lai (Hakha) Common Language Bible 2006

¹⁹ Cun Abijah nih Jeroboam kha a dawi i a khua kha a chuh hna: Bethel le a pawngkam khuate hna, Jeshanah le a pawngkam khuate hna le Efron le a pawngkam khuate hna.

2 CHANRELNAK 13:19 Խաչաձեւ Հղումներ

2 CHANRELNAK 15:8

Asa nih Oded fapa Azariah nih a chimmi bia hna cu a theih tikah, a ral a ṭha i Judah le Benjamin ram chung vialte le Efraim tlangram chung i a lakmi khua hna i a ummi fihnung siasal vialte kha a hlonh dih hna i Bawipa inn innleng hmai i a ummi biakṭheng kha a remh.

JOSHUA 15:9

cun ramri cu tlangpar cun Neftoah Ti a putnak tiang a vung kal i cuka cun Efron Tlang khua hna tiang a lan; cun ramri cu Baalah (cucu Kiriath-jearim) leiah aa kuai i

JOHAN 11:54

Cucaah Jesuh cu Judea peng ah khan langhngan in a tlawng ti lo, kha peng khan a chuak i thetse ram hril i a ummi khua Efraim an timi ah khan a kal i cuka ah cun a zultu hna he khan an um.

1 SAMUEL 31:7

Cun ralchan ah a ummi Israel mi hna le Jordan tiva ral ah a ummi hna nih Israel mi kha an zam i Saul le a fapa hna kha an thi, ti an theih tikah, an khua kha an chuahtak hna i an zam; cun Filistin mi kha an ra i an khua kha an rawlh hna.

JOSHUA 11:12

Cun cu siangpahrang hna khua vialte le an siangpahrang hna cu Joshua nih a lak hna i vainam in a thah hna, a hrawh cikcek hna, Bawipa sal Moses nih nawl a rak pek bang khan.

JOSHUA 10:39

a siangpahrang he a khua hna he a lak dih; vainam in an sam dih hna i a chung i a ummi vialte cu an hrawh cikcek hna; pakhat hmanh a zuah hna lo; Hebron cung le Libnah le a siangpahrang cung i a tuah bang khan Debir le a siangpahrang cungah a tuah.

JOSHUA 10:19

sihmanhsehlaw cuka ah cun nannih cu um hlah u, nan ral kha dawi hna u, an hnu dawn pawl kha tlak phuat hna u, an khua chungah khan luhter hrimhrim hna hlah u; zeitintiah Bawipa nan Pathian nih annih cu nan kut chungah an pek cang hna,” tiah a ti.

2 CHANRELNAK 13:18

Cuticun Israel mi hna cu khi tan ah khan an sung i Judah mi hna nih Bawipa, an pupa hna Pathian kha an i bochan caah an tei hna.

2 CHANRELNAK 13:20

Abijah chan ah cun Jeroboam nih a ṭhawnnak kha a hmu ṭhan kho ti lo i Bawipa nih a tuk i a thi.

GENESIS 28:19

Cu hmun cu a min ah Bethel a sak. (Cu hlanah cun cu khua cu a min ah Luz rak ti a si).

2 CHANRELNAK 17:2

Judah ram chung i kulhnak ngei khua vialte ah khan ralkap a chiah hna i Judah ram chung le a pa Asa nih Efraim khua a rak lakmi hna chungah khan ralvengtu ralkapbu a chiah hna.