2 CHANRELNAK 13:15 - Lai (Hakha) Common Language Bible 2006

¹⁵ Khi tikah Judah mi hna cu raldohnak au khan an au. Cun Judah mi kha an au tikah Pathian nih Jeroboam le Israel mi vialte kha Abijah le Judah mi hna hmaiah a sunghter hna.

2 CHANRELNAK 13:15 Խաչաձեւ Հղումներ

2 CHANRELNAK 14:12

Cucaah Bawipa nih Ethiopia mi hna cu Asa le Judah mi hna hmaiah a tei hna i Ethiopia mi cu an zam.

ISAIAH 37:36

Bawipa vancungmi pakhat kha Assiria mi ralkap riahnak hmun ah khan a va kal i sing khat le sang riat le thong nga a va thah hna. A thaizing khua a hung dei tikah cun an thi phengphung ko.

SALM 47:5

Pathian cu a bawiṭhutdan cungah cun a hung kai; Bawipa a hung kai lioah cun lunglawmhnak au thawng le muko tum thawng a thang.

SALM 47:1

Mi vialte hna, lunglawm in nan zapei beng tuah u, hla dawhdawh in Pathian cu thangṭhat u!

2 CHANRELNAK 20:21

Cun mizapi kha ruahnak a hal hna hnuah, puan thiang i aih in ralkapbu hmai i an kal pah ah: “Bawipa sinah lawmhnak bia chim tuah u, Zeitintiah a fekmi a dawtnak cu zungzal in a hmun,” tiin a titu ding, Bawipa sinah thangṭhatnak hla a satu ding le amah cu a hlorhtu ding kha a thiah hna.

2 SIANGPAHRANG 5:1

Siria siangpahrang i a ralkapbu haotu Naaman cu, Bawipa nih amah thawng in Siria cu teinak a pek caah, a bawipa mithmuh ah mi ngan le hmaizah ngaingaimi a si. Amah cu a ṭhawng i a ral a ṭhami a si, sihmanhsehlaw mithinghmui a si.

BIACEIHTU 4:15

Cun Bawipa nih Sisera le a rangleng vialte le a ralkap vialte cu vainam in a sualsawhrok dih cikcek hna; Sisera cu a rangleng cungin a ṭum i a ke in a zaam.

JOSHUA 11:8

Cun Bawipa nih annih cu Israel mi kut chungah a pek hna i an thah hna i, Sidon Ngan le Misrefoth-maim tiang, cun nichuahlei ah Mizpah nelrawn tiang an dawi hna; pakhat hmanh an taan ti lo tiang an thah lengmang hna.

JOSHUA 6:20

Cucaah mi cu an au i muko cu tum an si. Mi nih muko thawng kha an theih cangka tein, mi cu fak piin an au i ralhau cu a tlu, cu caah anmah le an hmai zawn cio khan mi cu khua chungah cun an hung lut i khua cu an lak.

JOSHUA 6:16

Cun a voi sarihnak ah cun, tlangbawi nih muko an tum tikah khan, Joshua nih mi zapi hna sinah cun, “Au tuah u; zeitintiah Bawipa nih khua cu an pek cang hna,” a ti.

NAMBAR 32:4

Bawipa nih Israel mibu hmaiah a teimi ram hi, saṭil ram a si, cun na salle hna nih hin saṭil kan ngei,” tiah an ti.

2 CHANRELNAK 18:31

Cun rangleng ralbawi hna nih khan Jehoshafat kha an hmuh tikah, “Amah hi Israel siangpahrang cu a si ko,” tiah an ti. Cucaah amah tuk awkah khan an i mer; cun Jehoshafat cu a au i Bawipa nih a bawmh.

2 CHANRELNAK 14:11

Cun Asa nih Bawipa a Pathian kha a auh i, “Maw Bawipa, a ṭhawngmi le a dermi karlak ah, bawmtu nangmah bantuk ahohmanh an um lo. Maw Bawipa kan Pathian, kan bawm ko sawh, zeitintiah nangmah kha kan in bochan i hi mibu nganpi hi nangmah min in kan chuahhnawh hna. Maw Bawipa, nangmah cu kan Pathian na si; minung nih nangmah cu in tei hna hlah seh,” tiah a ti.

2 CHANRELNAK 20:22

Cun annih nih hlasak le thangṭhat kha an thawk tikah Bawipa nih Ammon, Moab le Seir Tlang mi, Judah tuk awk i a rami hna kha lamhruang a ahter hna i cucaah an sung dih.