2 CHANRELNAK 13:12 - Lai (Hakha) Common Language Bible 2006

¹² Zohhmanh u, kan hmaisuang ah Pathian cu a um i nannih doh awk i thawng thanhtu ah tlangbawi hna cu an raldohnak muko he an um. Maw Israel fale hna, Bawipa nan pupa hna Pathian cu doh hlah u, zeitintiah nan hlawhtling lai lo,” tiah a ti.

2 CHANRELNAK 13:12 Խաչաձեւ Հղումներ

LAMKALTU 5:39

sihmanhsehlaw Pathian sinin a rami a si ahcun, nan tei kho hlei lai lo. Pathian dotu lehlam ah nan cang sual lai,” tiah a ti hna. Khawngsil pawl nih cun Gamaliel ruah-nak cheuhmi kha an zulh.

ROM 8:31

Hi vialte hi kan lung chungah i chiah in zeitindah kan ti lai? Pathian cu kanmah lei i a ṭan ahcun aho nih dah an kan doh khawh lai?

ZEKHARIAH 10:5

Annih cu ralkap bantuk an si lai i raltuk hmun lam cet lak i aa nang lenmi bantuk an si lai; Bawipa cu an sinah a um caah an ral kha an tuk hna lai i Rangcung ralkap hna kha ningzak in an hloh hna lai.

HEBRU 2:10

Zeizong vialte a ser i a zohkhenhtu Pathian nih, a sunparnak i fa tampi phakter awkah, Jesuh cu harnak innak in mi tling ah a ser cu aa tlakmi thil hrimhrim a si, zeicahtiah Jesuh cu khamhnak ah a phakpitu hna a si.

EZEKIEL 17:9

Cucaah Bawipa Pathian bia hihi a si tiah chim hna: hi mitsur ruang hi a nung kho in a ṭhang kho ngai lai maw? Mupi pakhatkhat nih khan a hram in a bongh i a thei kha a zun dih hna lai lo maw? A nge kha a khiak hna in an car dih lai lo maw? Cuti i phawinak dingah cun thazang ṭhawng tuk zong a herh lai lo i miphun ṭhawngpi zong a herh lem lai lo.

JEREMIAH 50:24

Maw Babilon, rap na chiah i nangmah rawhnak caah a si; Hngalh loin nangmah le nangmah naa foih ai; Khakha na si cang ko khah, naa foih ko cang khah, Zeicahtiah Bawipa pei na zuamcawh cu.

JEREMIAH 2:37

Izipt ram in hmaichia in nan kir ko lai, Zeicahtiah nan i bochanmi cu Bawipa nih a hlawt cang hna i Anmah thawng in khuaawng zeihmanh nan pem lai lo.

ISAIAH 54:17

Sihmanhsehlaw sermi hriamnam zeihmanh nih khan nangmah cu an pem kho lai lo; sual an puhtu vialte hna kha na leh khawh dih hna lai. Ka salle cu ka ven hna lai i teinak ka pek hna lai,” a ti. Hi bia cu Bawipa nih a chim.

ISAIAH 45:9

Tlak um nih a sertu kha bia a al ngam hnga maw? Um dang bantuk cio a si vemi nih khan a al ngam hnga maw? Um nih khan, a sertu kha, a ser na ka thiam lo, tiah a zaihnawh bal maw?

ISAIAH 8:10

Khua cu khang lengmang ko u, sihmanhsehlaw nan khuakhanmi cu thlua an chuak bal lai lo. Nan duh zat in chim u, sihmanhsehlaw pakpalawng an si ko lai, zeicahtiah Pathian pei kan sinah a um cu.

SALM 20:7

Mi a cheu nih an raltuknak rangleng kha an i bochan; a cheu nih an rangtum kha an i bochan hna; sihmanhsehlaw kannih cu Bawipa kan Pathian ṭhawnnak kha kan i bochan.

JOB 40:9

Pathian kut bantuk kut na ngei maw? Amah aw bantukin khuarit in na ri kho maw?

JOB 9:4

Pathian cu a lungthin in a fim i a thazang in a ṭhawng Aho nih dah an doh khawh lai?

2 CHANRELNAK 24:20

Khi tikah tlangbawi Jehoiada fapa Zekhariah kha Pathian thlarau nih a tlunhnawh i mizapi cungah cun a dir i a thawh hna i, “Hi bangin Pathian nih, ‘Zeicahdah Bawipa nawlbia kha nan buar? Cucaah pei khua awng nan pemh khawh lo cu. Nannih nih Bawipa kha nan hlawt caah amah nih an hlawt ve hna,’ a ti,” tiah a ti.

DEUTERONOMI 28:29

mitcaw nih mui lakah aa dah lengmang bantukin chun lai ah nan i dap lai i, nan lam ah khua awng nan pem lai lo. Hrem le ramh lawnglawng nan si thluangthluan ko lai i an bawmtu hna ahohmanh an um lai lo.

DEUTERONOMI 20:4

zeitintiah teinak cu in pek hna awk le nan ral cu in dohpiak hna awkah nannih sinah a kalmi cu Bawipa nan Pathian cu a si,’ tiah a ti lai.

NAMBAR 31:6

Moses nih phun khat chungin thong khat cio cu le, tlangbawi Eleazar fapa Phinehas a kut in hmunthiang umkheng le ralrin peknak muko aa putmi cu, raldohnak ah a thlah hna.

NAMBAR 14:41

Sihmanhsehlaw Moses nih, “Zeicaahdah atu ah Bawipa nawlbia kha nan buar, zeitintiah mah cucu santlai ding a si ṭung lo?

SALM 46:7

Lian Ngan Bawipa nih a kan umpi, Jakob Pathian cu kan himnak a si. Selah

2 CHANRELNAK 32:8

Amah sin i a ummi cu titsa hriamnam a si, sihmanhsehlaw kan sin i a ummi cu Bawipa kan Pathian a si, amah nih a kan bawmh lai i kan ral hna cu a kan dohpiak lai,” tiah a ti. Cun Judah siangpahrang Hezekiah bia cun mi nih zumhnak an i lak.