2 CHANRELNAK 12:5 - Lai (Hakha) Common Language Bible 2006

⁵ Khi tikah profet Shemaiah kha, Jerusalem i Shishak ruangah aa pummi Rehoboam le Judah bawi hna sinah khan a ra i annih cu, “Hi bangin Bawipa nih, ‘Nan ka kaltak caah kei zong nih Shishak kut chungah kan kaltak ve hna lai,’ a ti,” tiah a ti hna.

2 CHANRELNAK 12:5 Խաչաձեւ Հղումներ

2 CHANRELNAK 15:2

Asa ton awkah khan a kal i amah cu a thawh i, “Asa le Judah mi vialte le Benjamin mi vialte hna ka bia ngai tuah u: Amah sinah nan um chung cu Bawipa cu nan sinah a um. Nan kawl ahcun amah cu nan hmuh lai, sihmanhsehlaw nan hlawt ahcun an hlawt ve hna lai.

2 CHANRELNAK 11:2

Sihmanhsehlaw Pathian mi Shemaiah sinah khan Bawipa bia a ra i,

1 SIANGPAHRANG 12:22

Sihmanhsehlaw Pathian mi Shemaiah sinah khan Pathian bia a ra i,

JEREMIAH 23:33

Hi mi hna nih si hna seh, profet nih si hna seh, tlangbawi nih si hna seh, ‘Bawipa bia thilrit cu zeidah a si?’ tiah an in hal ahcun, annih cu, ‘Nanmah hi a thilrit cu nan si, Bawipa nih nannih cu kan hlonh hna lai,’ a ti, tiah na leh hna lai.

JEREMIAH 5:19

Cun nannih nih, “Zeicahdah Bawipa kan Pathian nih hi thil vialte hna hi kan cungah a tuah?” tiah nan ti tikah, “Nannih nih nan ka hlawt i ramdang pathian kha nan ram chungah nan biak hna bang hin, nanmah ram a si lomi ram ah phun dangmi kha nan rianh hna lai,” tiah kan leh hna lai.

JEREMIAH 4:18

Na umtuning le na thil tuahmi nih mah hihi na cungah an tlunter, Mah hihi na dantatnak a si i Mah thil vialte hi na ka doh ruangah an chuak.

JEREMIAH 2:19

Nangmah dan an tattu cu na ṭhat lonak kha a si ko lai i Sual an phawtu cu na tlaunak kha a si ko lai. Bawipa na Pathian hlawt le keimah upat ti lo cu Na caah zeitluk in dah a ṭhat lo i zeitluk in dah a khaat fawn, ti kha hngal tuah; Mah hihi Ralkapbu Bawipa Pathian bia hrimhrim a si.

SALM 37:33

sihmanhsehlaw Bawipa nih a ral kut chungah khan miṭha cu a kaltak lo, tazacuai a si zongah khan sual phawtnak a phakter lo.

1 CHANRELNAK 28:9

“Cun nang, Solomon ka fapa, na pa i a Pathian hi hngal law lung ṭengnge lo te le a tha a thomi ruahnak he a rian ṭuan tuah; zeitintiah Bawipa nih cun lung vialte cu a purh dih ko i tinhmi le ruahnak vialte cu a hngalh dih. Amah cu na kawl ahcun na hmuh lai; sihmanhsehlaw amah cu na hlawt ahcun zungzal in an hlonh ko lai.

2 SAMUEL 24:14

Cun David nih Gad cu a thawh i, “Harnak nganpi chungah ka um; Bawipa kut chungah cun tla ko u sih, zeitintiah anih cu a zaangfahnak a ngan, sihmanhsehlaw minung kut chungah cun tla sawh hlah u sih,” tiah a ti.

2 CHANRELNAK 12:15

Rehoboam tuahsernak hna cu a hramthawk in a donghnak tiang, profet Shemaiah le hmutu Iddo chan relnak cauk ah khan an i ṭial lo mei? Rehoboam le Jeroboam karlak ah khan ral a um thluangthluan ko.

2 CHANRELNAK 24:20

Khi tikah tlangbawi Jehoiada fapa Zekhariah kha Pathian thlarau nih a tlunhnawh i mizapi cungah cun a dir i a thawh hna i, “Hi bangin Pathian nih, ‘Zeicahdah Bawipa nawlbia kha nan buar? Cucaah pei khua awng nan pemh khawh lo cu. Nannih nih Bawipa kha nan hlawt caah amah nih an hlawt ve hna,’ a ti,” tiah a ti.