2 CHANRELNAK 12:3 - Lai (Hakha) Common Language Bible 2006

³ rangleng thong khat za hnih le rangcung ralkap thong sawm ruk he a hunhnawh. Izipt ram in amah he a rami hna cu rel cawk lo an si — Libia mi, Sukkiim mi le Ethiopia mi an si.

2 CHANRELNAK 12:3 Խաչաձեւ Հղումներ

NAHUM 3:9

Kush le Izipt kha a thazang an si i a thazang cu dongh a hngal lo, Put le Libia nih bawmhnak kha an pek.

2 CHANRELNAK 16:8

Ethiopia mi hna le Libia mi hna kha ralkapbu ngan ngaingai, rangleng tam hringhran le rangcung ralkap tam hringhran he a ummi an si lo maw? Asinain, Bawipa kha naa bochan caah annih cu na kut chungah amah nih an pek hna.

DANIEL 11:43

Izipt nih aa thuhmi a sui vialte hna le a ngun vialte hna le a ro vialte hna cu aa kalpi hna lai i Libia ram le Ethiopia ram zong kha a tei hna lai.

BIAPHUAN 9:16

An rangcung ralkap hna cu nuai za hnih an si tiah an ka chimh.

EZEKIEL 30:5

Kush le Put le Lud, Arab mi vialte le Libia mi vialte le a ṭangṭimi ram vialte hna cu, Amah he cun vainam in an thi dih lai.

ISAIAH 43:3

Zeicahtiah keimah cu Bawipa na Pathian ka si, nangmah an khamhtu Israel Pathian thiang cu ka si. Nangmah luatternak ding caah Izipt cu ka hlawt lai i Ethiopia le Seba zong ka hlawt ko hna lai.

2 CHANRELNAK 14:12

Cucaah Bawipa nih Ethiopia mi hna cu Asa le Judah mi hna hmaiah a tei hna i Ethiopia mi cu an zam.

2 CHANRELNAK 14:9

Ethiopia mi Zerah nih ralkap nuai khat le rangleng sing thum he a chuahhnawh hna i Mareshah tiang a ra phan.

2 SAMUEL 10:18

Cun Siria mi cu Israel mi hna hmai in an zaam i David nih mi chungin rangleng za sarih aa citmi hna le rangcung ralkap sang li kha a thah hna i an ralkapbu ralbawi Shobak kha a hliam i cucaah cun khika ah a thi.

1 SAMUEL 13:5

Cun Filistin mi cu Israel mi kha doh awkah an i pum, rangleng sang thum, rangcung ralkap thong ruk le ke ralkap an tam ning cu rilikam thetse zat; cun an hung kai i Mikmash ah an riak, Beth-aven nichuahlei ah khan.

BIACEIHTU 6:5

Zeitintiah annih nih an saṭil he an thlam he an ra i khaubawk zat in an ra; anmah he an kalauk he rel cawk an si lo; cucaah an ra luhpah in ram cu an hrawh dih ko.

BIACEIHTU 4:13

Sisera nih cun a rangleng vialte, thir rangleng za kua kha le amah sin i a ummi vialte kha Harosheth-hagoiim in Kishon tiva ah a pumh hna.

2 SIANGPAHRANG 7:6

Zeitintiah Bawipa nih Siria ralkapbu hna cu rangleng thawng le rang thawng le ralkapbu nganpi thawng kha a theihter hna i cucaah pakhat le pakhat cu, “Zohhmanh, Israel siangpahrang nih kanmah doh awkah Hit mi siangpahrang hna le Izipt mi siangpahrang hna kha aa ruaih ko hna hi ta,” tiah an i ti.

2 CHANRELNAK 14:8

Asa nih Judah in ralkapbu mi sing thum, phaw ngan pipi le fei in aa thuammi le Benjamin in phaw a thlir i likuk a kuaimi sing hnih le sang riat a ngeih hna; hi hna hi an dihlak tein ralṭha miṭhawng an si.