2 CHANRELNAK 10:8 - Lai (Hakha) Common Language Bible 2006

⁸ Sihmanhsehlaw upa hna nih fim an chimhmi kha a hlawt i amah ṭhirual a hmaiah a um tawnmi tlangval hna kha ruahnak cheuh a hal hna.

2 CHANRELNAK 10:8 Խաչաձեւ Հղումներ

PHUNGTHLÛKBIA 1:25

Fim kan chimhmi hna vialte kha nan hnon i Kan chimhhrin hnanak vialte cu zeihmanh nan duh lo caah,

2 SAMUEL 17:14

Cun Absalom le Israel mi vialte nih cun, “Hushai ruahnak cheuhmi cu Ahithophel ruahnak cheuhmi nakin a ṭha deuh,” tiah an ti. Zeitintiah Bawipa nih Absalom cungah ṭhat lonak a tlunter nakhnga, Bawipa nih Ahithophel cheuhmi ruahnak ṭha cu sunghter awkah a rak ruah cia cang.

ISAIAH 30:1

Bawipa nih aa thawh i, “Keimah kha an ka doh caah Judah ram a uktu hna cu an lo cang. Ka khuakhanmi a si lomi kha an zulh i ka duh lo nain hnatlak ṭinak an tuah, sualnak pakhat cungah a dang pakhat an chap chin lengmang.

PHUNGCHIMTU 10:16

A siangpahrang a lung fawi tein tei khawh a simi ram cu harnak a phan tawn, A bawile hna zan khuadei in puai ah aa nuammi ram cu harnak a phan ṭheo.

PHUNGTHLÛKBIA 25:12

Chimhringtu a fimmi cu, a bia ngaih a duhmi caah cun, Sui kutdonghrolh le sui hlawn bantuk a si.

PHUNGTHLÛKBIA 19:20

Lungthin cheuhnak le cawnpiaknak kha ngai tuah, ni khatkhat cu na fim ve te ko lai.

PHUNGTHLÛKBIA 13:20

Mifim hna sinah i chawk ve lengmang law na fim lai, mihrut hna he i kom law a ping ah an in hruai lai.

PHUNGTHLÛKBIA 9:9

Mifim cu cawnpiak law a fim chin lai, miding cu cawnpiak law a thiamnak aa chap lai.

2 CHANRELNAK 10:9

Annih cu a thawh hna i, “ ‘Na pa nih kan cungah a kan khinhmi seihnam rit hi zanter tuah,’ tiah a ka timi hna hi zeitindah ka leh hna lai, zei ruahnak dah nan ka cheuh lai?” tiah a ti.

PHUNGTHLÛKBIA 27:10

Na hawikom siseh, na pa hawikom siseh, hlaw hna hlah; na vanchiat ni ah na unaupa kha bawmh hal hlah, lam hlat i a ummi unau nakin lamnai i a ummi innpa nih an bawmh khawh deuh lai.