2 CHANRELNAK 1:15 - Lai (Hakha) Common Language Bible 2006

¹⁵ Cun siangpahrang nih cun sui le ngun cu Jerusalem ah khan lungtekem tlukin a tamter i sidar thing cu Shefelah i saikamor thing zat in a tamter.

2 CHANRELNAK 1:15 Խաչաձեւ Հղումներ

2 CHANRELNAK 9:27

Cun siangpahrang nih Jerusalem ah ngun cu lungtekem tlukin a lenter i sidar thing cu Shefelah i saikamor thing bantukin a tamter.

AMOS 7:14

Cun Amos nih cun Amaziah cu a leh i, “Kei cu profet ka si lo, profet fa zong ka si lo; saṭil khal le saikamor thing thei a cingmi ka si.

ISAIAH 60:17

Dar can ah sui kan pek lai, thir can ah ngun kan pek lai i thing can ah darsen kan pek lai. Lung can ah thir na hmuh lai. An uktu bawi hna nih khan an in hrem ti lai lo, dinnak le daihnak in ka ukter hna lai.

ISAIAH 9:10

“Tlakrawh inn cu an cim, sihmanhsehlaw lung inn in kan thlen ṭhan sawk hna lai, saikamor thing kaan cu an kiak, sihmanhsehlaw sidar thing ṭha bikbik in kan thlen ṭhan sawk hna lai,” an ti.

2 CHANRELNAK 1:12

fimnak le hngalhnak cu kan pek. Nangmah hlan i a rak ummi siangpahrang hna nih an rak ngeih bal lo i nangmah hnu i a um laimi zong nih an ngeih bal lai lomi rumnak le chawva le upatnak zong kan pek fawn lai,” tiah a ti.

LUKA 19:4

Cucaah cun hmaiah khan a rak tli i saikamor thingkung pakhat ah, cukalei i a kalmi Jesuh hmuh duh ah cun a rak kai.

DEUTERONOMI 17:17

Cun amah caah nupi zong a tamter hna lai lo, a lung a pial sual hnga; ngun le sui zong amah caah a tamter chin luaimai hna lai lo.

1 CHANRELNAK 27:28

Shefelah i a ummi oliv thing le saikamor thing zohkhenhtu cu Geder mi Baalhanan a si; cun chiti khonmi a zohkhenhtu cu Joash a si.