1 SIANGPAHRANG 9:28 - Lai (Hakha) Common Language Bible 2006

²⁸ cun Ofir ah an va kal i cuka cun sui an rak phorh; an rak phorhmi cu talen za li le kul a si; annih nih Siangpahrang Solomon sinah khan an rak phorh.

1 SIANGPAHRANG 9:28 Խաչաձեւ Հղումներ

2 CHANRELNAK 8:18

Cun Huram nih, rili i a kal tawnmi a sinum hna le lawng hna kha a sinum hna in a hei kuat, cun annih cu Solomon sinum hna he khan Ofir ah an kal i cuka cun sui talen za li le sawm nga an rak phorh i Siangpahrang Solomon sinah khan an ratpi.

1 CHANRELNAK 29:4

vampang nalhnak caah sui talen thong thum, Ofir sui dakmak, er ciami ngun talen thong sarih,

ISAIAH 13:12

A tangmi cu sui nakin an tlawm deuh lai, Ofir sui nakin an tlawm deuh lai.

SALM 45:9

Na inn i a ummi bawinu hna lakah khan siangpahrang fanu zong an um, cun na bawiṭhutdan orhlei kamah khan siangpahrang bawinu cu a dir, sui ṭha bik in sermi hlawn in aa ṭamh.

JOB 28:16

Ofir sui in a man tuak khawh a si lo i Oniks le lapis lazuli lungvar zongin tuak khawh a si lo.

JOB 22:24

Sui kha leidip bantuk ah na rel i Ofir sui kha tiva lung tekem bantuk ah na rel ahcun,

1 SIANGPAHRANG 10:11

Cuhleiah Hiram sangphawlawng rual, Ofir in sui a rak phortu nih khan Ofir in almuk thing tampi le lungvar mansung tampi an rak phorh hna.

2 CHANRELNAK 9:10

Cuhleiah Huram sinum hna le Solomon sinum hna, Ofir in sui a rak phortu nih khan, algum thing le lungvar man sung an rak phorh hna.

GENESIS 10:29

Afir, Havilah le Jobab pa a si. Hi hna hi an dihlak in Joktan fa an si.

1 SIANGPAHRANG 22:48

Jehoshafat nih Ofir i sui va phortu ah Tarshish sangphawlawng a ser hna; sihmanhsehlaw an kal lo; zeicahtiah, Eziongeber ah lawng cu an rawk dih.

PHUNGCHIMTU 2:8

Cun ka ukmi hna ram siangpahrang hna rothil chung khan sui le ngun kaa pumh hna; hlasatu nu he pa he kaa chiah hna i ka duh zat in nu kha kaa ngeih hna.

1 SIANGPAHRANG 10:14

Solomon sinah kum khat ah a lutmi sui a rih lei cu talen za ruk, sawm ruk le paruk a si;

1 SIANGPAHRANG 22:49

Cu tikah Ahab fapa Ahaziah nih khan Jehoshafat cu, “Lawng cun kan sinum hna hi na sinum hna he kal hna seh,” tiah a ti, sihmanhsehlaw Jehoshafat nih a duh lo.

1 CHANRELNAK 1:23

Ofir, Havilah le Jobab pa a si, mah hna vialte hi Joktan fapa an si.

SALM 45:10

Siangpahrang bawipa i a ngaknu, ka chimmi hi ngai tuah — na mi le na rualchan kha philh ta hna.