1 SIANGPAHRANG 9:25 - Lai (Hakha) Common Language Bible 2006

²⁵ Kum khat ah voi thum Solomon nih, Bawipa ca i a sermi biakṭheng cungah khan, khangh thawinak hna le daihnak thawinak hna kha a pekchanh tawn hna i Bawipa hmaiah zihmui kha a khangh tawn. Cuticun inn cu a lim.

1 SIANGPAHRANG 9:25 Խաչաձեւ Հղումներ

2 CHANRELNAK 8:16

Bawipa inn a hram an dirh ri in an lim tiang, Solomon rian vialte cu, cuticun lim a si. Cucaah Bawipa inn cu an lim.

DEUTERONOMI 16:16

“Kum khat ah nan lak i pa vialte nih Bawipa hmaiah a thim laimi hmun ah voi thum an chuak lai: thilnu telh lo changreu puai le zarh hna puai le deu puai ah an si lai. Bawipa hmaiah kutro in an chuak lai lo;

2 CHANRELNAK 34:25

Annih nih an kut in an ṭuanmi rian vialte in ka thin an ka phawh i keimah kha an ka hlawt i pathian dang hna sinah zihmui an khangh caah, cucaah hi hmun cungah hin ka thinhunnak ka bungh lai i hmih khawh a si lai lo.

2 CHANRELNAK 29:11

Ka fapale hna, atu cu thluarthlap in um hlah u, zeitintiah Bawipa nih nannih cu a hmai i dir awk le amah rianṭuan awk le amah rianṭuantu si awk le amah sinah zihmui khangh awkah an thim hna,” tiah a ti.

1 CHANRELNAK 23:13

Amram fapa hna: Aaron le Moses. Aaron cu amah le a fapa hna nih zungzal in Bawipa hmaiah zihmui kha an khangh i amah rian kha an ṭuan i amah min in zungzal in thluachuah peknak an chim nakhnga, Aaron cu a thiang bikmi thil hna kha pekchanh awkah thleidan a si.

1 SIANGPAHRANG 6:38

Cun a kum hleikhatnak, thla riatnak thla a simi Bul thla ah inn cu a dihlak in le rak tuakning te khan, lim a si. Kum sarih chung a saknak ah a rau.

EXODUS 34:23

“Nan lak i pa vialte cu kum khat ah voi thum lengmang Bawipa Pathian Israel Pathian ka hmaiah nan chuak lai.

EXODUS 30:7

Aaron nih meiinn kha a zohkhenh hna tikah hi biakṭheng cungah hin zingfate in zihmui kha a khangh lai.

BIACEIHTU 11:40

Israel mi fanu hna nih kum khat hnu kum khat Gilead mi Jepthah fanu kha kum khat ah ni li lengmang an ngaih.

1 SIANGPAHRANG 6:9

Cuticun inn cu a sak i a lim; cun cu inn siling cu sidar thing tlang le thing per in a ser.

1 SIANGPAHRANG 6:14

Cucaah Solomon nih cun inn kha a sak i a lim.