1 SIANGPAHRANG 9:24 - Lai (Hakha) Common Language Bible 2006

²⁴ Sihmanhsehlaw Faro fanu cu David khua khan Solomon nih a sakpiakmi amah inn ah khan a hung kal; cu hnuah Millo kha a sak.

1 SIANGPAHRANG 9:24 Խաչաձեւ Հղումներ

2 CHANRELNAK 32:5

Rianṭuan awkah khan lung fek tein aa tim i a cimmi vampang kha a remh i a cungah innsang a sak i a lengah vampang dang pakhat a ser ṭhan; cun David khua i Millo kha fek chin in a tuah. Cun hriamnam le phaw kha tampi a ser hna.

1 SIANGPAHRANG 11:27

Siangpahrang cung i a kut a hun leknak cu mahtihin a si: Solomon nih cun Millo kha a hun sak i a pa David khua a pemnak zawn kha a remh.

1 SIANGPAHRANG 7:8

Cun a umnak ding ca i amah inn, cu khaan hnulei i a ummi cu, cu bantuk ṭhiamṭhiam in sakmi a si. Cun hi khaan bantuk hin a ṭhit mi Faro fanu caah khan inn pakhat a sak.

2 SAMUEL 5:9

Cun David cu ralhruang chungah khan a um i cucu David khua tiah min a sak. Cun David nih khua cu, Millo in a chunglei tiang khan a velchum in a kulh.

1 SIANGPAHRANG 3:1

Solomon nih Izipt ram siangpahrang Faro he ṭanṭinak cu ṭhitumnak in a ser; Faro fanu kha a lak i amah inn le Bawipa inn le Jerusalem kulhnak vampang kha a sak dih hna hlan cu David khua ah khan a umter.

2 CHANRELNAK 8:11

Solomon nih Faro fanu cu David khua khan, amah ca i a sakmi inn ah a hunpi i, “Bawipa biakamnak kuang a phanhnak hmun cu hmunthiang an si caah ka nupi cu Israel mi siangpahrang David inn chungah khan a um hnga lo,” tiah a ti.

2 SAMUEL 5:7

Sihmanhsehlaw David nih Zion ralhruang cu a lak ko ai, cucu David khua ti a si.