1 SIANGPAHRANG 9:16 - Lai (Hakha) Common Language Bible 2006

¹⁶ (Izipt siangpahrang Faro nih khan Gezer khua kha a hung tlaih i mei in a khangh i cu khua chung i a ummi Kanaan mi kha a thah hna i a fanu, Solomon nupi kha, hlawn ah a rak pek;

1 SIANGPAHRANG 9:16 Խաչաձեւ Հղումներ

1 SIANGPAHRANG 3:1

Solomon nih Izipt ram siangpahrang Faro he ṭanṭinak cu ṭhitumnak in a ser; Faro fanu kha a lak i amah inn le Bawipa inn le Jerusalem kulhnak vampang kha a sak dih hna hlan cu David khua ah khan a umter.

1 SIANGPAHRANG 9:24

Sihmanhsehlaw Faro fanu cu David khua khan Solomon nih a sakpiakmi amah inn ah khan a hung kal; cu hnuah Millo kha a sak.

1 SIANGPAHRANG 7:8

Cun a umnak ding ca i amah inn, cu khaan hnulei i a ummi cu, cu bantuk ṭhiamṭhiam in sakmi a si. Cun hi khaan bantuk hin a ṭhit mi Faro fanu caah khan inn pakhat a sak.

JOSHUA 16:10

Sihmanhsehlaw Gezer i a ummi Kanaan mi kha cu an dawi hna lo; cu caah nihin tiangin Kanaan mi hna cu Efraim mi hna lakah an um, sihmanhsehlaw hnekmi rian ṭuan awkah sal ah an cang cang.

JOSHUA 10:33

Cun Gezer siangpahrang Horam cu Lakhish bawmh awkah a hung kal i, Joshua nih amah he a mi hna he, pakhat hmanh taang lo tiangin, a thah hna.