1 SIANGPAHRANG 8:66 - Lai (Hakha) Common Language Bible 2006

⁶⁶ A ni riat ni ah cun mi cu a kalter hna; annih nih siangpahrang kha thluachuah an pek i Bawipa nih a sal David le a mi Israel mi cung i ṭhatnak a langhtermi ruangah lunglawm le thanuam in an inn cio ah an tlung.

1 SIANGPAHRANG 8:66 Խաչաձեւ Հղումներ

FILIPI 4:4

Bawipa chung i nan nunnak ah khan i lawm zungzal ko u ti kan duh hna. I lawm ko u, tiah ka nolh ṭhan rih ko lai.

LAMKALTU 2:46

Ni fate in a bute in biakinn chungah khan an i pum i an inn ah khan rawl an i hrawng cio hna i lunglawmhnak lungthin le toidornak lungthin he rawl cu an ei.

ZEKHARIAH 9:17

An rumnak cu zeitluk in a rummi dah a si, an i dawhnak cu zeitluk in aa dawhmi dah a si! Rawl nih tlangval cu an thazang a ṭhawnter hna lai i Mitsur hang thlum nih ngaknu au a ṭhawnter hna lai.

DEUTERONOMI 12:12

Cun Bawipa nan Pathian hmaiah nan i lawm lai, nanmah le nan fapa hna le nan fanu hna, nan salpa hna le nan salnu hna le nannih lak i a ummi Levi mi he tiah, zeicahtiah anih cu nannih sinah covo siseh ro siseh a ngei lo.

DEUTERONOMI 12:7

cun khika ah Bawipa nan Pathian hmaiah nan ei lai i nan tuahmi kip i Bawipa nan Pathian nih thluachuah an pekmi hna ah cun nanmah le nan chungkhar hna he nan i lawm lai.

GALATI 5:22

Sihmanhsehlaw Thlarau nih a chuahtermi hna cu: dawtnak, lawmhnak, daihnak, lungsaunak, zaangfahnak, ṭhatnak, zumhawktlakmi sinak,

ZEKHARIAH 9:9

I lawm tuah, i lawm tuah, Zion fanu, Fak piin au tuah, Jerusalem fanu, Zeicahtiah zohhmanh na siangpahrang cu na sinah a ra lio, Amah cu teitu a si, teinak cu amah ta a si, Toidor tein laa cungin, laa fa note cungah i cit in a ra.

ZEFANIAH 3:14

Zion fanu, lunglawmhnak in au tuah, Israel, teinak au in au tuah; Jerusalem fanu, i lawm law na lungthin dihlak in i lawm tuah.

SALM 122:9

Bawipa kan Pathian inn ruangah, na ṭhatnak ding caah thla ka cam.

SALM 122:6

Jerusalem daihnak caah thla cam u! “Nangmah an duhmi cu an thluachuak hna seh!

NEHEMIAH 8:10

Cun annih cu a thawh hna i, “Va kal u law, rawl thawthaw kha va ei u law mitsur hang thlumthlum kha va ding u; cun zeihmanh aa ngeih kho ve lomi hna kha va hrawm ve hna u; zeicahtiah nihin hi kan Bawipa caah ni thiang a si. Bawipa ah nan i lawmhnak cu nan thazang a si caah nan ngaihchia hlah u,” tiah a ti.

2 CHANRELNAK 30:26

Israel siangpahrang David fapa Solomon chan hnu khan hi bantuk hi Jerusalem ah a um ti lo caah Jerusalem ah lunglawmhnak nganpi a um.

2 CHANRELNAK 29:36

Cun Pathian nih mi zapi ca i a tuahmi caah khan Hezekiah le mi vialte cu an i lawm; zeicahtiah cu thil cu duak tiah a hung ummi a si ko.

2 CHANRELNAK 7:10

Thla sarihnak thla, a ni kul le ni thumnak ni ah mi cu an inn ah an tlunter hna i Bawipa nih David le Solomon le a mi Israel mi hna cung i ṭhatnak a langhtermi ruangah lunglawm le thanuam in an tlung.

1 SIANGPAHRANG 8:47

sihmanhsehlaw sal ah an kalpi hnanak ram ah cun, an lung a hung pem i an i ngaihchih i a tlaitu hna ram ah cun na sinah, ‘Kan sual cang, ding lopi le ṭhalo piin thil kan tuah cang,’ tiin nawlnak an tuah ahcun,

1 SIANGPAHRANG 8:1

Cun Solomon nih Israel mi upa vialte hna le an phun cio i lu a simi vialte hna, Israel mi chungkhar hna haotu vialte hna kha, David khua Zion in Bawipa biakamnak kuang cu hunpi awkah, Jerusalem khua ah Siangpahrang Solomon hmaiah a pumh hna.

DEUTERONOMI 16:11

cun Bawipa nan Pathian nih a min umnak dingah a thim laimi hmun ah cun nanmah le nan fapa le nan fanu le nan salpa le nan salnu le nan khua chung i a ummi Levi mi le nan lak i khua a sami khual le pangeilo le nuhmei hna he cun Bawipa nan Pathian hmaiah nan i lawm lai.

DEUTERONOMI 12:18

sihmanhsehlaw Bawipa nan Pathian nih a thim laimi hmun ah, nanmah le nan fapa le nan fanu le nan salpa le nan salnu le nan khuachung i a ummi Levi mi nih Bawipa hmaiah nan ei hna lai. Cun zei thil nan tuahnak paoh ah Bawipa nan Pathian hmaiah nan i lawm lai.

GENESIS 47:7

Cun Josef nih a pa Jakob kha a ratpi i Faro hmaiah khan a chuahpi. Jakob nih Faro kha thluachuahnak a pek.

1 SIANGPAHRANG 8:65

Cuticun cu tan ah cun Solomon le Israel mi vialte, mi tampi aa pummi bu, Hamath khua luhnak in Izipt tivate tiang, cu mi hna nih cun Bawipa an Pathian hmaiah ni sarih chung puai an tuah.

1 SIANGPAHRANG 9:1

Solomon nih Bawipa inn le siangpahrang inn le Solomon nih sak a duhmi vialte kha a sak dih tikah,

NEHEMIAH 9:25

Cun annih nih kulhmi khua hna le a rummi ram kha an tlaih hna i thil ṭha in a khatmi inn hna le cawhmi tikhor hna le mitsur dum hna le oliv dum hna le thei a tlaimi thingkung tampi hna cu an co hna; an ei hna i an khim i an thau i na ṭhatnak a nganmi ah khan an i lawm.

ISAIAH 63:7

Bawipa dawtnak fek cu ka chim lai, kan ca i a tuahmi thil ruangah ka thangṭhat lai. Israel mi cu thluachuahnak tam piin a pek hna i cu a pek hna cu a zaangfah hna ca le a dawtnak a feh caah a si.

JOSHUA 22:6

Cucaah Joshua nih thluachuah a pek hna i a kalter hna; cun an inn ah an kal.