1 SIANGPAHRANG 8:60 - Lai (Hakha) Common Language Bible 2006

⁶⁰ zeitintiah vawleicung mi vialte nih Bawipa cu Pathian a si i a dang ahohmanh an um lo, ti kha an hngalh nakhnga.

1 SIANGPAHRANG 8:60 Խաչաձեւ Հղումներ

DEUTERONOMI 4:35

Bawipa cu Pathian a si kha nan hngalh nakhnga, nannih cu hmuhsak nan si; amah hleiah a dang ahohmanh an um lo.

2 SIANGPAHRANG 19:19

Cucaah maw Bawipa, kan Pathian, vawlei cung pennak vialte nih, maw Bawipa, nangmah lawnglawng hi Pathian na si ti kha an hngalh naklai, amah kut chung hin kan khamh ko, tiah kan nawl,” tiah a ti.

1 SIANGPAHRANG 18:39

Cun mah cucu mi vialte nih khan an hmuh tikah an bawk i, “Bawipa hi pei Pathian cu a rak si hi, Bawipa hi pei Pathian cu a rak si hi,” tiah an ti.

ISAIAH 45:22

Vawleicung mi vialte hna, keimah leiah khan i mer u law khamhnak hmu u. Keimah lawnglawng hi Pathian cu ka si ko.

ISAIAH 44:8

Ka mi hna, nan thinphang hlah u. Thil um lai ding vialte kha hlanlio piin atu tiang, ka rak chimchung cang kha nan hngalh i ka tehte cu nanmah nan si. Pathian dang aho tal an um maw? Lungpi dang ahohmanh an um lo, ka hngalhmi pakhat hmanh an um lo.

ISAIAH 44:6

Israel mi kha a uk i a hupphengtu hna Bawipa, Ralkapbu Bawipa nih hitin a ti: “Keimah cu a hmasa bik le a hmanung bik ka si, Keimah lawnglawng hi Pathian ka si i Keimah chim lo a dang pathian zeihmanh an um lo.

ISAIAH 44:24

“Keimah cu Bawipa, nanmah an sertu hna le an khamhtu hna ka si. Keimah cu zeizong vialte a sertu Bawipa ka si. Keimah lawnglawng nih van cu ka samh hna; vawlei ka rak ser ah hin ahohmanh nih an ka bawm lo.

1 SAMUEL 17:46

Nihin ni ah hin Bawipa nih nangmah cu keimah kut chungah a ka pek lai i kan thah lai i na lu kan tan lai; cun Filistin ralkapbu chung i a thimi ruak hna cu nihin ah hin van i a zuangmi va hna le vawlei i a ummi sahrang hna sinah ka pek hna lai; zeitintiah vawlei cung dihlak nih Israel mi lakah Pathian a um ti kha an hngalh nakhnga le

DEUTERONOMI 4:39

cucaah, Bawipa cu vancung ah khin le vawlei cungah hin Pathian a si; a dang ahohmanh an um lo, ti kha nihin cu hngal u law, nan lungchung ah i cinken tuah u.

JOEL 2:27

Khi tikah Israel, nangmah nih na sin i ka um kha na hngalh lai i Pathian dang si loin, Bawipa keimah cu, na Pathian ka si kha na hngalh lai. Cun ka mi cu ningzahnak nan ing ti lai lo,” tiah a ti.

1 SIANGPAHRANG 8:43

na umnak van ah khin rak theihpiak law, ramdangmi nih an in auhnak vialte ningin tuahpiak ko hna; zeitintiah vawleicung mi vialte nih na mi Israel mi bangin, na min kha an theih i nangmah kha an in ṭih i hi inn ka sakmi hi nangmah min in kawh a si kha an hngalh nakhnga.

JOSHUA 4:24

zeitintiah vawlei cung mi vialte nih Bawipa kut cu a ṭhawng ti kha an hngalh nakhnga le Bawipa nan Pathian cu zungzal in nan ṭih nakhnga,” tiah a ti.

1 SIANGPAHRANG 8:59

Bawipa hmaiah nawlnak ka tuahnak ka bia hna hi Bawipa kan Pathian pawngah chun zan in um seh law, a sal ka rian hi ni khat hnu ni khat a herhnak bangin ka ṭanpi ko seh;

EXODUS 6:7

Nannih cu ka mi ah kan lak hna lai i kei cu nan Pathian ka si lai. Nannih nih kei cu Bawipa nan Pathian, Izipt mi nih hramhram in an in hnekmi hna rian in an luattertu hna ka si kha nan hngalh lai.

ISAIAH 37:20

Cucaah Bawipa kan Pathian, kannih cu Assiria mi hna kut chungin kan khamh ko sawh; cuticun vawlei cung miphun vialte nih nangmah lawnglawng Pathian na si kha an hngalh lai,” a ti.