1 SIANGPAHRANG 8:56 - Lai (Hakha) Common Language Bible 2006

⁵⁶ “A biakam vialte ningin a mi Israel mi dinhnak a petu Bawipa cu thangṭhat si ko seh; a sal Moses sinin a chimmi a biakam ṭha vialte cu bia pakhat hmanh a pelhmi a um lo.

1 SIANGPAHRANG 8:56 Խաչաձեւ Հղումներ

LUKA 21:33

Van le vawlei cu an rawk lai, sihmanhsehlaw ka bia cu an rawk lai lo,” tiah a ti.

1 SAMUEL 3:19

Cun Samuel cu a ṭhang i Bawipa cu a sinah a um i a bia kha pakhat hmanh vawlei ah a lohlakter lo.

DEUTERONOMI 12:10

Sihmanhsehlaw Jordan tiva nan tan tik i Bawipa nan Pathian nih co awkah an pekmi hna ram chungah nan um tikah le, him tein nan um nakhnga, nan pawngkam i nan ral vialte hna sinin dinhnak an pek hna tikah,

DEUTERONOMI 3:20

Bawipa nih nanmah bantukin nan unau hna cu dinhnak a pek hna i Bawipa nan Pathian nih Jordan tiva ral ah ram a pekmi hna an co hlantiang, an taang lai; khi tikah nan dihlak in kan pekmi hna nan covo cio ah khan nan kir lai,’ tiah ka ti.

2 CHANRELNAK 14:6

Ram cu a daih caah Judah ram chungah khan kulh ngeimi khua a ser hna. Cu kum hna chungah cun Bawipa nih daihnak a pek caah ral a ngei lo.

2 SIANGPAHRANG 10:10

Cucaah Bawipa nih Ahab innchungkhar kong ah a chimmi, Bawipa bia cu, sawhsawh in pakhat hmanh vawlei ah a tla lai lo, ti kha hngal tuah u; zeitintiah Bawipa nih a sal Elijah in a chimmi kha a tuah cang,” tiah a ti.

DEUTERONOMI 12:12

Cun Bawipa nan Pathian hmaiah nan i lawm lai, nanmah le nan fapa hna le nan fanu hna, nan salpa hna le nan salnu hna le nannih lak i a ummi Levi mi he tiah, zeicahtiah anih cu nannih sinah covo siseh ro siseh a ngei lo.

EXODUS 18:10

Aa thawh i, “Izipt mi hna kut chung le Faro kut chungin an khamhtu hna Bawipa cu thangṭhat ko u. Izipt mi kut tang sal cannak i a mi a khamhtu hna Bawipa cu thangṭhat ko u.

1 CHANRELNAK 16:36

Bawipa, Israel Pathian cu, zungzal in zungzal tiang thangṭhat si ko seh!” ti tuah u. Cun mi vialte nih, “Amen!” tiah an ti. Bawipa kha an thangṭhat.

1 CHANRELNAK 22:9

Zohhmanh, fapa pakhat na hrin lai; amah cu daihnak mi a si lai. Amah cu a velchum i a ummi ral vialte hna lakin daihnak ka pek lai; zeitintiah a min cu Solomon a si lai i amah chan chungah cun Israel mi cu daihnak le remnak ka pek hna lai.