1 SIANGPAHRANG 8:43 - Lai (Hakha) Common Language Bible 2006

⁴³ na umnak van ah khin rak theihpiak law, ramdangmi nih an in auhnak vialte ningin tuahpiak ko hna; zeitintiah vawleicung mi vialte nih na mi Israel mi bangin, na min kha an theih i nangmah kha an in ṭih i hi inn ka sakmi hi nangmah min in kawh a si kha an hngalh nakhnga.

1 SIANGPAHRANG 8:43 Խաչաձեւ Հղումներ

SALM 102:15

Miphun kip nih Bawipa cu an ṭih lai, vawlei cung siangpahrang vialte nih a ṭhawnnak cu an ṭih lai.

1 SAMUEL 17:46

Nihin ni ah hin Bawipa nih nangmah cu keimah kut chungah a ka pek lai i kan thah lai i na lu kan tan lai; cun Filistin ralkapbu chung i a thimi ruak hna cu nihin ah hin van i a zuangmi va hna le vawlei i a ummi sahrang hna sinah ka pek hna lai; zeitintiah vawlei cung dihlak nih Israel mi lakah Pathian a um ti kha an hngalh nakhnga le

ISAIAH 11:9

Zion Tlang, Pathian tlang thiang chungah cun thil ṭihnung le thil ṭhalo zeihmanh a um lai lo. Rili cu ti in a khah bantukin hi ram cu Bawipa hngalhnak in a khat lai.

SALM 86:9

Nangmah nih na sermi miphun vialte hi an chuak lai i na hmaiah an kun lai. Na lianhngannak kha an thangṭhat lai,

SALM 67:2

miphun vialte nih na khamhnak kha an hngalh nakhnga, kan zaangfah law thluachuahnak kan pe ko, kan cungah na hmai tlanter ko.

SALM 22:27

Miphun vialte nih Bawipa cu an hngalh camcin lai, vawleicung khuazakip in amah leiah an i mer lai; miphun zakip nih an biak lai.

2 SIANGPAHRANG 19:19

Cucaah maw Bawipa, kan Pathian, vawlei cung pennak vialte nih, maw Bawipa, nangmah lawnglawng hi Pathian na si ti kha an hngalh naklai, amah kut chung hin kan khamh ko, tiah kan nawl,” tiah a ti.

BIAPHUAN 11:15

Cun vancungmi pasarihnak nih khan a muko cu a vun tum i aw thawng fakpi vancung ah cun a thang i, “Vawlei cung uknak nawl cu kan Bawipa le a Messiah ta a si cang,” an ti.

2 CHANRELNAK 6:33

na umnak van khin rak theihpiak law, ramdangmi nih an in auhnak vialte ning in tuahpiak ko hna; zeitintiah vawleicung mi vialte nih na mi Israel mi bangin, na min kha an theih i nangmah kha an in ṭih i hi inn ka sakmi hi nangmah min in kawh a si kha an hngalh nakhnga, theihpiak ko hna.

JOSHUA 4:24

zeitintiah vawlei cung mi vialte nih Bawipa kut cu a ṭhawng ti kha an hngalh nakhnga le Bawipa nan Pathian cu zungzal in nan ṭih nakhnga,” tiah a ti.

JOSHUA 4:23

Bawipa nan Pathian nih kan tan dih hlantiang kan caah a cartermi Rili Sen cungah a tuah bang khan, Jordan tiva ti cu nan tan dih hlantiang a carter,

1 SIANGPAHRANG 8:60

zeitintiah vawleicung mi vialte nih Bawipa cu Pathian a si i a dang ahohmanh an um lo, ti kha an hngalh nakhnga.

1 SIANGPAHRANG 18:36

Cun thlet thawinak caan ah khin profet Elijah cu a pawngah a ra i, “Maw Bawipa, Abraham, Isak le Israel i Pathian, nangmah cu Israel mi chungah hin Pathian na si i keimah cu na sal ka si i hi thil vialte hi nangmah bia in ka tuah ti kha nihin ah hin langhter ko.

1 CHANRELNAK 16:8

Bawipa sinah lunglawmhnak bia chim tuah u, a min kha au tuah u, Mi zakip kha a tuahnak hngalhter hna u!

SALM 33:14

A uknak hmun khin a run kan zoh i vawleicung mi vialte hi a kan hmuh dih.

JEREMIAH 25:29

Ka min in auhmi khua cu dan ka tat hmasa bik lai; nannih cu kan luat hnga tiah nan i ruat maw? Luat hlah, nan luat kho lai lo, zeicahtiah vawlei cung i khua a sami vialte tuknak caah vainam kha ka au lio, tiah Ralkapbu Bawipa nih a ti,’ na ti hna lai.

DEUTERONOMI 26:15

Na umnak hmun thiang vancung khin run zoh law, kan pupa hna sinah chiat na ser bangin, na mi Israel le na kan pekmi ram, cawhnuk le khuaihliti in a luangmi ram hi, thluachuahnak pe ko,’ tiin nan ti lai.