1 SIANGPAHRANG 8:39 - Lai (Hakha) Common Language Bible 2006

³⁹ khi tikah nang nih na umnak van khin rak theihpiak hna law ngaithiam hna law, tuah law an zulhmi lam vialte ning cio ah an lungthin nangmah nih na hngalh ko mi hna cu pe ko hna (zeitintiah nangmah, nangmah lawnglawng nih minung fa vialte hna an lung cu na hngalh);

1 SIANGPAHRANG 8:39 Խաչաձեւ Հղումներ

1 CHANRELNAK 28:9

“Cun nang, Solomon ka fapa, na pa i a Pathian hi hngal law lung ṭengnge lo te le a tha a thomi ruahnak he a rian ṭuan tuah; zeitintiah Bawipa nih cun lung vialte cu a purh dih ko i tinhmi le ruahnak vialte cu a hngalh dih. Amah cu na kawl ahcun na hmuh lai; sihmanhsehlaw amah cu na hlawt ahcun zungzal in an hlonh ko lai.

JEREMIAH 17:10

Bawipa nih minung ruahnak cu ka dah dih i an lungthin cu ka zet dih, An tuahnak nih a phut ningin le an ziaza ning cio in ka cham hna.

LAMKALTU 1:24

Cun thla an cam i, “Bawipa, nangmah nih minung lungthin vialte cu na hngalh dih.

1 SAMUEL 16:7

Sihmanhsehlaw Bawipa nih Samuel sinah cun, “A muisam in siseh, a pumrua in siseh, zoh hlah, zeicahtiah amah cu ka hlawt cang; zeitintiah Bawipa nih cun mi i an zohning in a zoh lo; mi nih cun lenglei langhning kha an zoh, sihmanhsehlaw Bawipa nih cun lungthin kha a zoh,” tiah a ti.

BIAPHUAN 22:12

Jesuh nih cun, “Ngaihmanh, ka ra zau lai. Mi kip an rianṭuanning cio ah pek awkah ka laksawng cu ka rak i put lai.

BIAPHUAN 2:23

Cun a zultu hna zong kha ka thah hna lai i Khrihfabu vialte nih khan keimah cu minung lungthin le duhnak a hngal dihtu ka si kha an hngalh lai. Nannih cu nan tuahmi ning cio ah kan cham hna lai.

JOHAN 21:17

Cun Jesuh nih cun, “Johan fapa Simon, na ka daw maw?” tiah a ti ṭhan hoi. Jesuh nih, voi thum tiang, na ka daw maw, tiah a hal caah khan Peter cu a ngaih a chia i, “Bawipa, nangmah nih zeizong vialte na hngalh dih, kan dawt cu na hngalh ko hen cu,” a ti. Jesuh nih cun, “Ka tuu kha zohkhenh hna.

JEREMIAH 32:19

Maw a lianngan i a ṭhawngmi Pathian, na min cu Ralkapbu Bawipa a si, naa tinhmi thil cu thil lianngan an si i na tuahnak cu khuaruahhar a si. Na mit nih mi an kalnak lam vialte cu a hmuh dih i annih cu an umtuning cio le an tuahmi thil nih hmuh awk aa tlakning cio khan na lehrulh hna.

SALM 28:4

An tuahmi thil ruangah khan dantat hna, thil ṭhalo an tuahmi vialte ruangah khan, dantat hna. An rianṭuanning in lehrul ko hna hmuh awk an i tlakmi kha pe ko hna.

2 CHANRELNAK 6:30

khi tikah nang nih na umnak van khin rak theihpiak hna law, ngaithiam hna law, an zulhmi lam vialte ning cio ah an lungthin nangmah nih na hngalh komi hna cu pe ko hna, zeitintiah nangmah lawnglawng nih minung fa hna an lung cu na hngalh;

1 SIANGPAHRANG 8:36

nangmah nih an kal nakhnga ding lam ṭha kha na cawnpiak hna tikah, van ah khin rak thei law na mi Israel mi na sal hna an sualnak kha rak ngaithiam ko hna; cun na mi hna sinah ro caah na pekmi na ram cungah cun ruah cu surter ko.

1 SIANGPAHRANG 8:32

khi tikah nang nih van in run thei law, run ṭuan law, na salle cu bia run khiak ko hna, a mawhtu cu amah lu lila ah a ziaza kha tlunter in sual run phaw law, a dingmi cu a dinnak ning khan pek awkah thiam run coter ko.

EZEKIEL 18:30

Cucaah cun maw Israel mi hna, Bawipa Pathian nih hitin a ti: Ahohmanh nanmahle nan tuahnak cung cio ah bia kan ceih hna lai. Nan ṭhat lonak khan i mer cang ko sawh u, cu ti a si lo ahcun nan ṭhat lonak kha nan tluknak a si lai.

JOSHUA 22:22

Bawipa cu pathian hna Pathian a si, Amah nih a hngalh dih, Israel zong nih hngal seh. Bawipa kan doh ruang a si ah maw Amah cung i zumhawktlak lo kan si ruangah maw

1 SAMUEL 2:3

Ninghngal tuk in bia chim ti hlah u, Ruamkainak cu nan kaa chung in chuak hlah seh; Zeitintiah Bawipa cu fimnak Pathian a si, Amah nih tuahnak hna kha an khing a thlai tawn hna.

1 SIANGPAHRANG 8:38

Israel mi nih an dihlak in siseh, ahopaoh nih siseh, zei bantuk thlacamnak zong si ko seh, zei bantuk nawlnak zong si ko seh, an tuah i an lung chung cio in hremnak an inmi kha an hngalh i hi inn leiah hin an kut an zau hna ahcun,

1 SIANGPAHRANG 8:40

zeitintiah kan pupa na rak pekmi hna ram ah hin an khuasak chung vialte nangmah kha an in ṭihzah nakhnga.

SALM 33:14

A uknak hmun khin a run kan zoh i vawleicung mi vialte hi a kan hmuh dih.

SALM 130:4

Sihmanhsehlaw nangmah nih kan sualnak cu na kan ngaihthiam, cucaah nangmah cu kan in hmaizah.

SALM 139:1

Bawipa, na ka kawl dih hirhiar i na ka hngalh dih cikcek!