Biblia Todo Logo
Առցանց Աստվածաշունչ

- Գովազդներ -




1 SIANGPAHRANG 8:35 - Lai (Hakha) Common Language Bible 2006

35 “Cun nangmah cung i an sual ruangah van cu a pih i ruah a sur lo tikah, hi hmun lei hoih in thla an cam i na min kha an upat i nangmah nih na hrem hna tikah, an sualnak kha an mertak ahcun,

Տես գլուխը Պատճենել




1 SIANGPAHRANG 8:35
30 Խաչաձեւ Հղումներ  

“Na mi Israel mi hna nih nangmah cung i an sual caah an ral hna hmaiah an sungh tikah, nangmah leiah khan an i mer ṭhan i na min kha an upat i nangmah kha hi inn chungah an in nawl i na sinah thla an cam ahcun,


cu ti nan tuah ahcun Bawipa thinhunnak cu nan cungah a alh lai i, van khi a khar hna lai i, ruah a sur lai lo i, vawlei nih a theitlai a chuahter lai lo i, Bawipa nih an pekmi hna ram ṭha hin khulrang tein nan lo sual ko lai.


nan ṭhawnnak nan i porhlawtnak kha ka hrawh lai i nan van hna cu thir bantuk ah ka ser hna lai i nan vawlei cu dar bantuk ah ka ser lai;


Van kharnak nawl kha an ngei i cucaah cun Pathian bia an chim chung cu ruah a sur lai lo. Cerhti put zong kha thi i canternak nawl an ngei fawn. Cun vawlei zong kha an duh tik caan paoh ah hremnak a phunphun in hremnak nawl an ngei.


Cucaah ka bia hi ngai hmanh u. Elijah chan i kum thum le a cheu khua a khen i Israel ram chung dihlak ah pam a tlun ah khan, cu ram chungah nuhmei tampi an rak um taktak ko,


Gad cu a sinah khan a va kal i Bawipa nih a chimhmi kha a va chimh i, “Zeidah naa thim lai? Na ram chung i kum thum mangṭam maw, na ral hna sinin thla thum zam maw, na ram chung i ni thum chung rai tlun dah? Cucaah i ruat law Bawipa sinah zei bialehnak dah ka kirpi lai ka chim tuah,” tiah a ti.


Cu lawng si loin, Pathian cu mi cungah zaangfahnak a ngeih caah Jentail mi hna nih an thangṭhat lai ti duhnak a si fawn. Cucu Cathiang nih, “Jentail mi hna lak hmanh ah nangmah cu kan lawmh lai i Na min cu hla in ka thangṭhat lai,” a ti bantuk le


Nan kaa in, “Jesuh cu Bawipa a si,” tiah nan ti i “amah cu Pathian nih mithi hna sinin a thawhter” tiah nan lung in nan zumh ahcun, khamh nan si lai.


Cheu hra cheu khat cu a dihlak in thawhlawm inn ah rak pu u, cun ka inn chungah cun rawl um seh. Ka hneksak tuah ngat u, van innka cu kan hunpiak hna le hunpiak hna lo; thluachuah vanluhnak cu kan thlethnawh hna le hnawh hna lo zoh tuah ngat u, tiah ralkapbu Bawipa nih a ti.


Maw Israel, Bawipa na Pathian sinah cun kir ṭhan tuah; Na sualnak nih khan an rilhter cang i an tlukter cang.


Israel mi cu an i ngaihchih lo; Ralkapbu Bawipa nih dan a tat hna nain amah leiah an i mer hlei lo.


“Cun nangmah cung i an sual ruangah van cu a pih i ruah a sur lo tikah, hi hmun lei hoih in thla an cam i na min kha an upat i nangmah nih na hrem hna tikah an sualnak kha an mertak ahcun,


“Na mi Israel mi hna cu nangmah cung i an sual caah an ral hna hmaiah an sungh ahcun, annih nih an i mer ṭhan i na min kha an upat i nangmah kha hi inn chungah an in nawl i na sinah thla an cam tikah,


Gilead ram chung Tishbe khua Tishbe mi Elijah nih Ahab cu a thawh i, “Bawipa, Israel Pathian, a hmaika i ka dir tawnmi a nun bangin, dap siseh, ruah siseh, ka bia in dah ti lo ahcun, hi kum hna chungah hin a um lai lo,” tiah a ti.


Nan ram ruah cu amah caan te ah surter awk le nan kut rianṭuanmi cu thluachuah pek awkah, Bawipa nih a ro khonnak hmun ṭha, van hna cu, an hunpiak hna lai. Miphun tampi cu nan coih hna lai, sihmanhsehlaw ahohmanh nan cawi hna lai lo.


I ralring tuah u. Cu ti a si lo ahcun nan lung cu dehhlen a si lai i, nan pial lai i, pathian dang hna rian kha nan ṭuan lai i nan biak sual ko hna lai;


Sihmanhsehlaw mi an rel dih hna hnuah khan David cu lung sivang in a um. Cun David nih Bawipa sinah cun, “Ka tuahmi ah hin fak piin ka sual cang. Sihmanhsehlaw, maw Bawipa, hruhnak piin ka tuah cang caah, na salpa ka ṭhat lonak hi ka hlohpiak ko sawh, tiah kan nawl,” tiah a ti.


van ah khin rak theihpiak hna law na mi Israel mi sualnak cu ngaithiam ko, cun an pupa hna sinah na rak pekmi ram ah khan kirpi ṭhan ko hna.


Ti kha a tlaih hna ahcun an kao ko, a thlah hna ahcun vawlei kha an khuh dih.


Ka buatter lai i mitsur ruang cu an nge ka tanpiak hna lai lo; vawlei zong kha ka co lai lo, hling le so tu ka khahter hna lai. Khuadawm hmanh kha, ruah pe hlah, tiah ka thlauh lai,” a ti.


Van nih dap tlakter duh lo le vawlei nih a theitlai a chuah duh lo cu nanmah ṭhat lonak ruangah pei a si cu.


Siangpahrang, ralkapbu Bawipa biak awkah Jerusalem i a hung kal lomi vawleicung innchungkhar hna lakah an um ahcun, cu hna cungah cun ruah a sur lai lo.


Հետեւեք մեզ:

Գովազդներ


Գովազդներ