1 SIANGPAHRANG 8:29 - Lai (Hakha) Common Language Bible 2006

²⁹ zeitintiah nangmah nih, ‘Khika ah ka min a um lai,’ tiin na rak timi, hi inn leiah hin chunzan in na mit na au nakhnga le hi inn lei hoih in na salpa nih thla ka cammi hi na theih nakhnga.

1 SIANGPAHRANG 8:29 Խաչաձեւ Հղումներ

2 CHANRELNAK 6:20

zeitintiah nangmah nih na min chiahnak caah bia na kammi hmun, hi inn leiah hin chun zan in na mit na chiah nakhnga le hi inn lei hoih in na salpa nih thla ka cammi hi na theih nakhnga.

NEHEMIAH 1:6

Israel mi hna nih nangmah cungah kan sual cang i cu sualnak cu phuang in na sal Israel mi hna caah chun zan in nangmah hmaiah thla ka cammi hi theih awkah na hna in ka ngaihpiak law, na mit in ka hmuhpiak ko sawh. Asi, keimah le ka pa innchungkhar hna cu kan sual cang.

1 SIANGPAHRANG 8:16

sihmanhsehlaw David cu ka mi hna cung i um awkah ka thim,’ tiin a kaa in a chimmi a biakamnak kha a kut in a tlintertu Bawipa, Israel Pathian cu thangṭhat si ko seh.

DEUTERONOMI 12:11

khi tikah Bawipa nan Pathian nih a min umnak dingah a thim laimi hmun ah nawl kan pekmi hna vialte cu nan rak put hna lai: nan khangh thawinak hna le raithawinak hna, nan cheu hra cheu khat le nan pekchanhmi pekchanhnak, cun Bawipa sinah bia nan i kammi biakamnak pekchanhnak vialte na rak put lai.

DANIEL 9:18

Maw Pathian, na hna chi law kan theihpiak law kan zohpiak law kan ṭiaonak le na min a pumi khua cu kan hmuhpiak ko sawh; kannih nih dinnak kan tuahmi thawngin si hin loin nangmah na vel thawng lawngin kan thlacamnak na hmai i kan rak chuahpinak cu a si.

NEHEMIAH 1:9

sihmanhsehlaw ka sinah nan kir i ka nawlbia kha nan zulh hna i nan tuah hna ahcun, nan mi aa ṭhekmi hna cu a hlatnak bik vanhramdeng khi phan hna hmanh seh law, khika khan ka pumh hna lai i ka min chiahnak ah ka thim cangmi hmun ah cun ka pumh hna lai,’ ti in na timi kha philh hin hlah.

2 CHANRELNAK 33:4

Bawipa nih, “Jerusalem khua ah hin ka min cu zungzal in a um lai,” tiah a rak timi, Bawipa inn chungah khan biakṭheng a ser hna.

2 SIANGPAHRANG 23:27

Cun Bawipa nih, “Israel ka ṭhial bantuk khan Judah zong hi ka mithmuh phak lonak ah ka ṭhial lai, cun ka thimmi khuapi Jerusalem hi le “Hi chungah ka min a um lai,” ti in ka rak timi inn zong hi ka hlonh hna lai,” tiah a ti.

DANIEL 6:10

Daniel nih cu nawlbia cu chuah a si cang ti a theih tikah a inn ah a lawi. A inn khaan cung dot ah khan Jerusalem lei hoih in thlalangawng pathum an um. Khika ah khan a tuah tawn phung a si zungzal bantukin a khuk aa bil i ni khat ah voi thum lengmang thla a cam i a Pathian kha a thangṭhat.

2 CHANRELNAK 20:8

Cu ram chungah cun khua an sa i na min caah hmunthiang pakhat an in sakpiak i,

2 CHANRELNAK 16:9

Zeitintiah vawlei cung dihlak ah hin Bawipa mit cu aa chawk dih i amah lei i an lung soisel awk a um lomi hna cungah a ṭhawnnak kha a langhter. Hi thil ah hin hrut piin na tuah cang; zeitintiah atu cun ral na ngei cang lai,” tiah a ti.

2 CHANRELNAK 6:40

Maw ka Pathian, hi hmun thlacamnak hi run hmu ko sawh law, run thei ko sawh.

2 SIANGPAHRANG 21:7

Bawipa nih David le a fapa Solomon sinah, “Hi inn chungah le Israel miphun vialte lakin ka thimmi Jerusalem khua chungah ka min ka chiah zungzal lai i ka mi Israel mi hna nih hin nawl ka pekmi vialte hna ning le Moses nih nawl a pekmi vialte hna ning in an tuah ahcun an pupa hna sinah ka rak pekmi ram chung hin an ke cu ka pialter lai lo,” tiah a timi inn chungah khan amah nih a serchommi Asherah siasal cu a chiah.

2 SIANGPAHRANG 21:4

Bawipa nih, “Jerusalem khua ah ka min cu ka chiah lai,” tiin a rak tihnawh chanmi Bawipa inn chungah biakṭheng a ser hna.

2 SIANGPAHRANG 19:16

Maw Bawipa, na hna chi law thei tuah, na mit cu au law hmu tuah; cun Sennakherib nih a nungmi Pathian zawmhtaih awkah a chimmi bia hi thei tuah hna.

1 SIANGPAHRANG 11:36

Sihmanhsehlaw ka sal David nih ka min chiahnak caah ka thimmi khua Jerusalem ah ka hmaiah mei inn a ngeih zungzal nakhnga, a fapa cu phun khat cu ka pek lai.

1 SIANGPAHRANG 8:52

Na salpa nih kan nawlnak le na mi Israel mi nih an in nawlnak ah hin na mit chia hram ko, an in auh tik paoh ah na hna chit ko hna.

1 SIANGPAHRANG 8:43

na umnak van ah khin rak theihpiak law, ramdangmi nih an in auhnak vialte ningin tuahpiak ko hna; zeitintiah vawleicung mi vialte nih na mi Israel mi bangin, na min kha an theih i nangmah kha an in ṭih i hi inn ka sakmi hi nangmah min in kawh a si kha an hngalh nakhnga.

DEUTERONOMI 26:2

Bawipa nan Pathian nih an pekmi hna nan ram chungin vawlei theitlai nan hmuh hmasa bikmi rawl chungin tlawmpal nan lak lai i, bawm ah nan rawn lai i, Bawipa nan Pathian nih a min umnak ah a thim laimi hmun ah cun nan kal lai.

DEUTERONOMI 16:6

sihmanhsehlaw Bawipa nan Pathian nih a min umnak caah a thim laimi hmun ah, khika ah, zanleisang i ni a tlak cuahmah lio, Izipt ram in nan chuah caan ah khan, lanhtak thawinak cu nan pekchanh lai.

DEUTERONOMI 16:2

A min umnak ah Bawipa nih a thim laimi hmun ah nan tuurun chungin siseh, nan cawrun chungin siseh, Bawipa nan Pathian sinah lanhtak puai thawinak cu nan pekchanh lai.

EXODUS 20:24

Vawlei in biakṭheng pakhat ka caah nan ser lai i cu cungah cun khangh thawinak le hawikomhnak thawinak ca i nan hmanmi nan caw le nan tuu hna kha nan khangh hna lai. Cuka hmun ah nan ka biak lai tiah kan timi hna hmun paoh ah khan nan sinah ka ra lai i thluachuahnak kan pek hna lai.

SALM 34:15

A dingmi cu Bawipa nih a zohkhenh hna i an aunak kha a theih;

2 CHANRELNAK 33:7

Cun amah nih a sermi siasal milem cu Pathian inn chungah khan a chiah. Cun inn kongah cun Pathian nih David le a fapa Solomon sinah khan, “Israel phun dihlak chungin ka thimmi Jerusalem le hi inn chungah hin zungzal in ka min cu ka chiah lai;

1 SIANGPAHRANG 9:3

Cun Bawipa nih a thawh i, “Ka hmai i na thlacamnak le na ka nawlnak vialte cu ka theih cang; hi na sakmi inn hi ka thianter cang i zungzal ca in a chungah ka min ka chiah cang; ka mit le ka lung cu khika ah an um camcin lai.

1 SIANGPAHRANG 11:13

Asinain ram cu a dihlak in ka thlek lai lo, ka sal David le ka thimmi khua Jerusalem ruangah hin hrin khat cu na fapa cu ka pek lai,” tiah a ti.

SALM 138:2

Na biakinn thiang hmaiah ka kun i na min kha ka thangṭhat, zeicahtiah na dawtnak cu a fek i zumhawktlak na si, nangmah le na nawlbia cu a sang bik nan si kha na langhter.

DEUTERONOMI 12:5

Sihmanhsehlaw Bawipa nan Pathian nih a min chiahnak le a umnak i ser awkah nanmah phun chungin a thim laimi hmun cu nan kawl lai;

DEUTERONOMI 12:14

sihmanhsehlaw nanmah phun chung pakhatkhat ah Bawipa nih a thim laimi hmun ah, khika ah nan khangh thawinak cu nan pekchanh hna lai i khika ah nawl kan pekmi vialte hna cu nan tuah lai.

1 SIANGPAHRANG 14:21

Cun Solomon fapa Rehoboam nih khan Judah ram cu a pen. Pen hram aa thawk ah khan Rehoboam cu kum sawm li le kum khat a si i, Bawipa nih Israel mi phun vialte chungin amah min chiahnak caah aa thimmi Jerusalem khua ah khan kum hleisarih a bawi. A nu min cu Naamah a si, Ammon minu a si.

ZEKHARIAH 12:4

Khi ni ah cun rangtum vialte kha ka lauter hna lai i an cung i aa citmi kha ka molhter hna lai, Judah kha cu ka zohkhenh lai, sihmanhsehlaw miphun dang rangtum vialte kha cu an mit ka cawtter hna lai, tiah Bawipa nih a ti.