1 SIANGPAHRANG 8:25 - Lai (Hakha) Common Language Bible 2006

²⁵ Cucaah maw Bawipa, Israel Pathian, na salpa David ka pa sin i, ‘Na fapale hna nih hin, nangmah nih ka hmaiah na rak kal bantuk khan ka hmai i kal awkah an lam kha an i ralrin ahcun, Israel mi bawi ṭhutdan cung i ka hmaiah a ṭhu dingmi na ṭhing lai lo,’ tiin bia na rak kammi kha tlinter ko.

1 SIANGPAHRANG 8:25 Խաչաձեւ Հղումներ

1 SIANGPAHRANG 2:4

Bawipa nih ka sinah keimah kong i, ‘Na fapa hna nih an kalning kha an i ralrin i keimah hmaiah zumhawktlak tein an lung dihlak le an nunnak dihlak in an kal ahcun, Israel mi bawi ṭhutdan cungah a ṭhu dingmi na ṭhing lai lo,’ tiin a chimmi bia kha a fehter lai.

1 CHANRELNAK 28:9

“Cun nang, Solomon ka fapa, na pa i a Pathian hi hngal law lung ṭengnge lo te le a tha a thomi ruahnak he a rian ṭuan tuah; zeitintiah Bawipa nih cun lung vialte cu a purh dih ko i tinhmi le ruahnak vialte cu a hngalh dih. Amah cu na kawl ahcun na hmuh lai; sihmanhsehlaw amah cu na hlawt ahcun zungzal in an hlonh ko lai.

1 SIANGPAHRANG 8:24

na sal David, ka pa sinah na rak chimmi cu na zulh; asi, a sinah na kaa in na rak chim i mah cucu nihin ni ah hin na kut in na tlinter.

SALM 119:9

Zeitindah tlangval nih thiang tein a um lai? Na nawl ngaihnak thawngin thiang tein a um lai.

1 SIANGPAHRANG 3:3

Solomon nih Bawipa kha a dawt ko, a pa David nawlbia kha a zulh ko hna; amah belte, khuahrum bo ah khan rai a thawi i zihmui a khangh.

SALM 132:12

Na fapale hna nih khan ka biakamnak kha an zulh i nawl ka pekmi hna kha an tuah ahcun, an fapale hna zong cu nangmah hnu zulh in siangpahrang an si zungzal lai.”