1 SIANGPAHRANG 7:23 - Lai (Hakha) Common Language Bible 2006

²³ Cun hmaihum pakhat a ser, a bial i khattelei tlang in khattelei tlang cu dong hra a si, a san cu dong nga a si i a velchum in tah tikah dong sawm thum a si.

1 SIANGPAHRANG 7:23 Խաչաձեւ Հղումներ

2 CHANRELNAK 4:2

Hmaihum a ser i a pum i khattelei tlang in khattelei tlang cu dong hra a si i dong nga a sang i a tlang velchum cu dong sawm thum a si.

2 SIANGPAHRANG 25:13

Cun Bawipa inn chungah a ummi dar tung pipi hna le Bawipa inn chungah a ummi hmaihumpi le a hunnak hna kha Khaldi mi hna nih cun an den cikcek hna i a dar cu Babilon ah an kalpi.

JEREMIAH 52:17

Cun tawngca tung Bawipa inn chung i a ummi hna kha le dar hmaihum nganpi le a dohnak hna Bawipa inn chung i a ummi hna cu Khaldi mi hna nih cun an den cikcek hna i a dar vialte cu Babilon ah an kalpi.

JEREMIAH 52:20

Cun Siangpahrang Solomon nih Bawipa inn ca i a sermi tung pahnih, hmaihum nganpi, hmaihum nganpi tang i a ummi cawtum dar in sermi hleihnih hna le hmaihum dohtu hna cu a thlai in thlai cawk an si lo.

1 CHANRELNAK 18:8

Cun Hadadezer khua a simi Tibaath le Kun in David nih dar tampi a lak; mah cu cun Solomon nih khan dar hmaihum kha le tungpi hna kha le dar umkheng hna kha a ser hna.

EXODUS 38:8

Kut ṭawlnak dar kheng le a hunnak dar tawdanh cu nu pawl bihnak thlalang in a ser hna, cu nu pawl cu pumhnak thlam luhnak i rian a ṭuanmi kha an si.

2 SIANGPAHRANG 16:17

Cun Siangpahrang Ahaz nih a dirnak a tung hna cu a tan hna i an sin cun i ṭawlnak kheng kha a ṭhial, cun dar cawtum nih an dohmi hmaihumpi kha a ṭhial i lung tianmi cungah a hun.

1 SIANGPAHRANG 7:22

Cun tungpi dong cu lili pangpar mui in a ṭelh hna. Cuticun tungpi rian cu a lim hna.

1 SIANGPAHRANG 7:44

hmaihum pakhat le hmaihum tang i cawtum hleihnih.

EXODUS 30:17

Bawipa nih Moses cu a thawh i,

2 SIANGPAHRANG 16:15

Cun Siangpahrang Ahaz nih tlangbawi Urijah cu nawl a pek i, “Biakṭheng ngan ah hin zinglei khangh thawinak le zanlei changvut thawinak le siangpahrang khangh thawinak le a changvut thawinak cu, hi rammi hna an khangh thawinak le an changvut thawinak le an thlet thawinak vialte he khan na khangh lai; cun a cungah khangh thawinak thisen vialte le raithawinak thisen vialte kha na bungh hna lai; sihmanhsehlaw dar biakṭheng cu keimah nih Pathian ka chawnhnak caah a si lai,” tiah a ti.

JEREMIAH 27:19

Zeicahtiah Babilon siangpahrang Nebukhadnezzar nih Judah siangpahrang Jehoiakim fapa Jekoniah cu Judah ram chung tuavon hna le Jerusalem khua chung tuavon hna he