1 SIANGPAHRANG 7:14 - Lai (Hakha) Common Language Bible 2006

¹⁴ Amah cu Naftali phun chung i nuhmei pakhat i a fapa a si i a pa cu Tair mi a si, amah cu dar lei i zungthiam a si; amah cu dar leiah cun fimnak le hngalhthiamnak le zung thiamnak in a khatmi a si. Siangpahrang Solomon sinah khan a ra i a rian vialte kha a ṭuanpiak.

1 SIANGPAHRANG 7:14 Խաչաձեւ Հղումներ

2 CHANRELNAK 4:16

Um hna le cawhlek hna le keuṭe hna le hi hna ca i thilri vialte cu Huram-abi nih khan Siangpahrang Solomon caah Bawipa inn caah khan dar tleu in a ser hna.

2 CHANRELNAK 2:14

amah cu Dan phun minu hna lak i pakhat nu fa a si, a pa cu Tair mi a si. Amah cu sui, ngun, dar, thir, lung le thing lei rian, cun puan sendung, a dum, a senpau le puan hmangṭhia, cun ṭamhnak zei ṭial paoh ah le thil muisam tuahnak paohpaoh ah zungthiam a si; na zungthiammi hna, na pa David ka bawipa zungthiam hna sinah cun a ra ṭuan ve lai.

ISAIAH 28:26

Pathian nih a cawnpiak caah a rian kha a ṭuanning a thiam.

2 CHANRELNAK 4:11

Huram nih um hna le cawhlek hna le khengkuar hna kha a ser hna. Cuticun Huram nih Bawipa inn ca i Siangpahrang Solomon a tuahpiakmi rian kha a lim:

EXODUS 36:8

Rian a ṭuanmi hna lak i zungthiam bikbik pawl nih khan Pathian umnak thlam cu an ser. Puan zun hra in cu biakinn cu an ser i cu puan cu khumlahrual hmangṭhia le tuuhmul dum, sendung le a sen in tahmi an si i an cungah cherubim kha dawh tein an suai hna.

EXODUS 35:30

Moses nih Israel mi cu a thawh hna i, “Bawipa nih Judah phun chung mi Hur fapa Uri fapa Bezalel kha a thim cang.

EXODUS 28:3

Keimah nih thiamnak ka pekmi hna zungthiam vialte kha Aaron thuam cu serter hna law Aaron nih cun ka tlangbawi rian cu ṭuan seh.

EXODUS 35:31

Amah cu Bawipa nih Pathian Thlarau in a khahter caah thil dawh a phunphun ser khawhnak thiamnak le thil ti khawhnak le hngalhnak kha a ngei i

EXODUS 35:35

Lung ṭialtu hna le pungsan suai thiammi hna le tuuhmul a dum, a sendung, a sen le khumla hmang ṭhia tah a thiammi hna le puantah thiammi hna zungthiamnak kha, thil a phunphun an tuah khawh nakhnga a pek hna. Thil a phunphun kha an tuah khawh i pungsan suai thiam ngaingaimi an si.

EXODUS 36:1

“Bazalel le Oholiab le Bawipa nih thiamnak le hngalhnak a pekmi zungthiammi vialte hna, biakinn saknak caah a herhmi thil paohpaoh tuah a thiammi hna nih khan, zeizong vialte cu Bawipa nih a chimning tein an ser awk a si lai,” a ti hna.

2 CHANRELNAK 2:6

Asinain vancung, a sang bik vancung hmanh nih khin amah cu a tlum lo caah, aho nih dah inn cu a sakpiak khawh lai? Amah hmai i zihmui khanghnak hmun ca men ah dah ti lo ahcun, amah ca i inn sa dingah cun kei cu aho hen dah ka si i?