1 SIANGPAHRANG 6:29 - Lai (Hakha) Common Language Bible 2006

²⁹ Inn vampang vialte cu a velchum in cherubim muisam le tumkung le pangpar mui in a chunglei khaan he a lenglei khaan he a ṭial dih hna.

1 SIANGPAHRANG 6:29 Խաչաձեւ Հղումներ

1 SIANGPAHRANG 6:32

Oliv thing in sermi innka pahnih hna cu cherubim le tumkung le pangpar mui in a suai hna i sui in a hut hna i cherubim le tumkung cu sui in a nalh hna.

BIAPHUAN 7:9

Cu hnuah cun khua ka hun zoh i mibu nganpi, ahohmanh nih a rel in an rel cawk lomi khi ka hmuh. Annih cu phun kip, ram kip, holh kip le hrin kip chungin a rami an si i bawiṭhutdan hmai le Tuufa hmaiah cun an dir i puan rang an i aih i tum hnah kha an i put.

EFESA 3:10

cu ti a rak thuh cu, khrihfabu thawng hin vancung khua uktu vanmi hna nih hin, Pathian fimnak a phunphun cu, atu caan ah hin hngal hna seh ti a duh caah a si.

SALM 148:2

A vancungmi vialte hna, amah cu thangṭhat u, a vancung ralkap vialte hna, amah cu thangṭhat tuah u!

SALM 103:20

Nannih a ṭhawng i a liannganmi vancungmi hna, Bawipa cu thangṭhat tuah u; a nawlbia kha a ngai i a chimmi a tuahmi vialte hna, Bawipa cu thangṭhat tuah u!

2 CHANRELNAK 3:14

Cun puanzar a dum, sendung, le sen eu hna kha la hmangṭhia in a ser hna i an cungah cherubim kha a cuanter hna.

1 SIANGPAHRANG 6:18

Cun innchung i sidar thing hna cu umruang le pangpar mui in an ṭial hna; a dihlak in sidar thing lawngte a si dih, lung cu pakhat hmanh a lang lo.

EXODUS 36:8

Rian a ṭuanmi hna lak i zungthiam bikbik pawl nih khan Pathian umnak thlam cu an ser. Puan zun hra in cu biakinn cu an ser i cu puan cu khumlahrual hmangṭhia le tuuhmul dum, sendung le a sen in tahmi an si i an cungah cherubim kha dawh tein an suai hna.

1 SIANGPAHRANG 6:28

Cun cherubim cu sui in a hut hna.

1 SIANGPAHRANG 6:30

Inn cu a chunglei dal he a lenglei dal he a zelṭuang kha sui in a hut hna.

2 CHANRELNAK 3:7

Cuticun inn cu sui in a hut — a kaan le a innleng le a vampang hna le a innka khar hna kha; cun vampang hna ah khan cherubim a suai hna.

SALM 74:6

thingphel vialte kha an hreitlung le an sobul in an khuai dih hna.

EZEKIEL 40:16

A khaan hna le tung hna nih cun a chunglei cio ah kutka lam lei hoih cio ah cun, thlalangawng an ngei i innleng a chunglei zongah cun thlalangawng an um i tung ah cun tumkung kha an suai cio hna.

EZEKIEL 41:18

an suaimi hna cu cherubim le tumkung an si, cherubim pahnih karlak ah tumkung pakhat lengmang in.

EXODUS 26:1

“Puan biakinn kha, khumlahrual a hmang a ṭhiami le tuuhmul a mui a dum, maimaw le a sen a simi in tahmi puan zun hra in na ser lai. Cun hi puan cungah cun cherubim kha dawh tein nan suai hna lai.