1 SIANGPAHRANG 6:13 - Lai (Hakha) Common Language Bible 2006

¹³ Cun Israel mi hna sinah khan ka um lai i ka mi Israel mi kha ka hlawt hna lai lo,” tiah a ti.

1 SIANGPAHRANG 6:13 Խաչաձեւ Հղումներ

DEUTERONOMI 31:6

Ṭhawng u law, nan ral ṭha ko u, ṭih hlah u, an hmaiah therphang hlah u; zeicahtiah nanmah he a kalmi cu Bawipa nan Pathian a si; an deuh hna lai lo i an hlaw fawn hna lai lo,” a ti.

EXODUS 25:8

Biakinn pakhat an ka serpiak lai i cuticun an lakah ka um lai.

BIAPHUAN 21:3

Bawiṭhutdan in aw thangpi pakhat ka theih i, “Pathian umnak inn cu minung hna sinah a um cang. Anmah sinah cun a um lai i annih cu a mi an si lai. Pathian hrimhrim cu an sinah a um lai i amah cu an Pathian a si lai.

HEBRU 13:5

Tangka hi duh tuk hlah u, nan ngeihmi ah khan nan lung awi ko u. Zeicahtiah Pathian nih, “Kan kaltak bal hna lai lo i kan hlaw bal fawn hna lai lo,” a ti.

LEVITIKAS 26:11

Cun ka umnak cu nanmah lakah ka ser lai i ka nunnak nih an hua hna lai lo.

1 SIANGPAHRANG 8:27

“Sihmanhsehlaw Pathian cu vawlei cungah cun khua a sa taktak hnga maw? Zohhmanh, van le a sang bik van nih hin an in tlum lo, zeitindah hi keimah sakmi inn chinchin nih cun an tlum hnga!

DEUTERONOMI 31:8

Na hmaiah a kalmi cu Bawipa a si; na sinah a um lai i an deuh lai lo i an hlaw fawn lai lo; ṭih hlah, na lung zong dong hlah,” tiah a ti.

2 KORIN 6:16

Zeitindah Pathian biakinn cu lawkihmi siasal he an i tlak khawh lai? Zeicahtiah kanmah cu pei a nungmi Pathian biakinn cu kan si cu. Pathian hrimhrim nih, “Ka mi hna sinah ka umnak inn cu ka sak lai i an sinah ka um lai; Keimah cu an Pathian ka si lai i annih cu ka mi an si lai,” a ti bantuk khan a si taktak.

ISAIAH 57:15

“Keimah cu a sang i a thiangmi Pathian, zungzal in a nungmi ka si. Hmun sang le hmun thiang ah khan ka umnak cu a si, sihmanhsehlaw mi toi aa dormi le sual ngaihchihmi hna sin zongah khan ka um i cucaah ruahchannak le hnangamnak kha an ngei ṭhan kho.

SALM 68:18

Tlang sang par ah cun a hung kai i sal tlaihmi tampi aa hruaih hna; amah a dohtu hna nih khan amah cu laksawng an pek. Cuka ah cun Bawipa Pathian cu a um lai.

1 CHANRELNAK 28:20

Khi tikah David nih a fapa Solomon cu a thawh i, “Ṭhawng ngai le ralṭha ngaiin um law ṭuan tuah. Ṭih hlah, na lung dong hlah; zeicahtiah Bawipa Pathian, keimah i ka Pathian hrimhrim cu na sinah a um. Bawipa inn chung rianṭuannak ca i rian vialte cu lim a si hlantiang amah nih cun an deuh lai lo i an hlaw fawn lai lo.

1 CHANRELNAK 28:9

“Cun nang, Solomon ka fapa, na pa i a Pathian hi hngal law lung ṭengnge lo te le a tha a thomi ruahnak he a rian ṭuan tuah; zeitintiah Bawipa nih cun lung vialte cu a purh dih ko i tinhmi le ruahnak vialte cu a hngalh dih. Amah cu na kawl ahcun na hmuh lai; sihmanhsehlaw amah cu na hlawt ahcun zungzal in an hlonh ko lai.

1 SAMUEL 12:22

Nannih cu amah ca miphun i ser kha Bawipa lawmhmi a si caah, a min ngan ruang ah hin, Bawipa nih a mi cu an hlonh hna lai lo.

JOSHUA 1:5

Na nunchung vialte ahohmanh na hmai i a dir khomi an um lai lo; Moses sinah ka um bang khan, nangmah sin zongah ka um lai; kan deuh lai lo i kan hlaw fawn lai lo.

EXODUS 29:45

Israel mi hna lakah khan khua ka sa lai i keimah cu an Pathian ka si lai.