1 SIANGPAHRANG 5:3 - Lai (Hakha) Common Language Bible 2006

³ “Bawipa nih a keza tangah a chiah hna hlantiang a ral hna nih a kenkip in an dum caah, ka pa David nih Bawipa a Pathian min caah inn a sa kho lo ti kha na hngalh.

1 SIANGPAHRANG 5:3 Խաչաձեւ Հղումներ

1 CHANRELNAK 28:3

Sihmanhsehlaw Pathian nih a ka thawh i, ‘Nang nih cun ka min caah inn na sa hnga lo, zeicahtiah nang cu ralkap na si i thisen na chuah,’ tiah a ka ti.

1 CHANRELNAK 22:8

Sihmanhsehlaw Bawipa bia cu ka sinah a ra i, ‘Thisen tampi na chuah i ral ngan kha na doh hna; keimah hmaiah vawlei cungah thisen tampi na chuah caah ka min thangṭhatnak caah inn na sa lai lo.

1 KORIN 15:25

Pathian nih ral vialte cu a tei dih hna i a ke tangah a chiah hna hlantiang Khrih nih cun a uk hna lai.

MALAKHI 4:3

Ka cawlcangh ni ah cun nannih nih miṭhalo kha nan ke tangah nan lamh beh hna lai i annih cu nan keza tang i a ummi vutcam kha an si lai, tiah ralkapbu Bawipa nih a ti.

SALM 110:1

Bawipa nih siangpahrang ka Bawipa cu a thawh i, “Na ral cu na ke tangah ka chiah hna hlantiang, ka orhlei kamah hin ṭhu tuah,” tiah a ti.

SALM 8:6

Na sermi thil vialte a uktu ah na ser i zeizong vialte hna dihlak cungah khan na chiah:

JOSHUA 10:24

Cun cu siangpahrang hna cu Joshua sinah an chuahpi hna tikah, Joshua nih Israel mi vialte kha a kawh hna i amah sinah a kalmi ralkap hna bawi hna sinah khan, “Rak ka naih tuah u, hi siangpahrang hna hngawng hi lam tuah hna u,” tiah a ti.

EFESA 1:22

Pathian nih zeizong vialte cu Khrih ke tangah khan a chiah dih hna i Khrih cu Khrihfabu lu ah a ser i zeizong vialte uktu Bawi ngan bik ah a chiah.

1 SIANGPAHRANG 8:19

asinain, nangmah nih cun inn cu na sa lai lo, sihmanhsehlaw nangmah nih na hrin laimi na fapa nih ka min ca inn cu a run sak te lai,’ a ti.

1 CHANRELNAK 28:2

Cun Siangpahrang David cu a dir i, “Ka unau hna le ka mi hna, ka bia ka ngai tuah u. Bawipa biakamnak kuang caah le kan Pathian ke chiahnak caah dinhnak inn pakhat kha sa ning law tiah ka lung chungin ka rak ti tawnmi a si i cu saknak caah cun timhtuahnak ka rak ngei.

DEUTERONOMI 14:5

sakhi, sazuk, saza, sathar, ramlak sia, ramlak caw, tlangcung tuu.

2 CHANRELNAK 9:4

a cabuai i rawl le a bawi pawl an ṭhut-umning le a sinum hna nih an tuammuai hna ning le an hnipuan le a hrai putu hna le an hnipuan le Bawipa inn i a pekchanhmi a khangh thawinak hna kha a hmuh tikah, a chungah thlarau a tang ti lo.

NEHEMIAH 5:17

Cun ka cabuai ah sawmmi minung za le sawm nga lengmang ka ngei hna, cu chungah cun Judah mi le bawi pawl kha an i tel; cun cu hna piin ah cun kan pawngkam i a ummi miphun hna chungin a rami an um rih fawn.

NEHEMIAH 5:18

Ni khat ca i an chuanmi cu cawtum pakhat le thim khunmi tuu paruk an si tawn; ar zong kha an ka chuanpiak i ni hra dan paoh ah mitsur hang saphaw cua tampi an ka pek lengmang. Asinain, hi mi hna hi an thil a rih ko caah uktu bawi ca rawl kha ka la lo.