1 SIANGPAHRANG 4:24 - Lai (Hakha) Common Language Bible 2006

²⁴ Zeitintiah amah nih Zufrates tiva in nitlaklei ram vialte Tifsah in Gaza tiang, Zufrates tiva nitlaklei siangpahrang vialte kha a uk hna i a velchum dihlak in daihnak a um.

1 SIANGPAHRANG 4:24 Խաչաձեւ Հղումներ

1 CHANRELNAK 22:9

Zohhmanh, fapa pakhat na hrin lai; amah cu daihnak mi a si lai. Amah cu a velchum i a ummi ral vialte hna lakin daihnak ka pek lai; zeitintiah a min cu Solomon a si lai i amah chan chungah cun Israel mi cu daihnak le remnak ka pek hna lai.

SALM 72:11

Siangpahrang vialte kha a hmaiah an kun lai i miphun vialte nih a rian an ṭuan lai.

GENESIS 10:19

Kanaan ram ramri cu Sidon in Gerar leiah Gaza tiang a phan, Cun Sodom le Gomorrah le Admah le Zeboiim leiah Lasha tiang a phan fawn.

LUKA 2:14

“A sang bik van ah khin Pathian cu sunparnak hmu ko seh, Cun a dawtmi hna umnak vawlei ah hin remnak um ko seh,” tiah an ti.

ISAIAH 9:7

A lianhngannak cu a ṭhang chin lengmang lai; a ram cu a dai zungzal lai. Siangpahrang David tefa pakhat bantukin a ram cu a uk lai i atu thawk in caan donghnak tiang, hmaante le ding tein a uk lai. Ralkapbu Bawipa nih hi vialte hi tuah hrimhrim awkah aa tim.

SALM 72:3

Ram nih hin rumnak i lawmhpi seh law dinnak kha a chungah leng seh.

1 SIANGPAHRANG 5:4

Sihmanhsehlaw atu cu Bawipa ka Pathian nih a kenkip ah daihnak a ka pek i ral siseh, vanchiatnak siseh a um lo.

1 SIANGPAHRANG 4:21

Solomon nih Zufrates in Filistin mi hna ram le Izipt ramri tiang ram vialte cu a uk dih hna; a nun chung vialte Solomon sinah cun ngunkhuai an thawh i a rian an ṭuan.

BIACEIHTU 16:1

Samson cu Gaza ah a va kal i khika ah hlawhhlangnu pakhat a hmuh i a va ihpi.

BIACEIHTU 1:18

Cun Judah nih Gaza le a pawngkam ram. Ashkelon le a pawngkam ram le Ekron le a pawngkam ram hna zong cu a lak hna.

1 SIANGPAHRANG 4:23

a thaumi cawtum pahra, ram hnonak caw pakul, tuu za khat an si, sakhi, sazuk, nengpi le cenhmi ar chim loin.

2 CHANRELNAK 9:26

Cun Zufrates tiva in Filistin mi hna ram tiang, cun Izipt ramri tiang, cuka i a ummi siangpahrang vialte kha a uk hna.

JEREMIAH 47:1

Faro nih Gaza a tuk hlanah, Filistin mi hna kong ah Bawipa bia profet Jeremiah sinah a phanmi cu hihi a si: