1 SIANGPAHRANG 3:3 - Lai (Hakha) Common Language Bible 2006

³ Solomon nih Bawipa kha a dawt ko, a pa David nawlbia kha a zulh ko hna; amah belte, khuahrum bo ah khan rai a thawi i zihmui a khangh.

1 SIANGPAHRANG 3:3 Խաչաձեւ Հղումներ

1 KORIN 8:3

Sihmanhsehlaw Pathian a dawmipa kha Pathian nih a hngalh.

SALM 31:23

Nannih a mithiang vialte hna, Bawipa cu daw ko u! Bawipa nih zumhawktlakmi cu a huhphenh hna, sihmanhsehlaw miporhlaw cu fak piin dan a tat hna.

DEUTERONOMI 30:16

Nihin ah kan pekmi hna Bawipa nan Pathian i a nawlbia cu, Bawipa nan Pathian kha dawtnak in le a lam zulhnak in le a nawlbia le a phungbia le a phunglam hna kha zulhnak in nan ngaih ahcun, nan nung lai i nan karh lai, cun co awkah nan luhhnawhmi ram ah nan luh tikah Bawipa nan Pathian nih cu ram ah cun thluachuahnak an pek hna lai.

DEUTERONOMI 6:5

Bawipa na Pathian cu na lungthin dihlak le na ruahnak dihlak le na ṭhawnnak dihlak in na dawt lai.

1 SIANGPAHRANG 3:14

Cun ka nawlbia hna le ka phungbia hna kha zul in na pa David nih a zulh bangkhan ka lam kha na zulh hna ahcun, na nunnak ka sauter fawn lai,” tiah a ti.

1 SIANGPAHRANG 3:6

Cun Solomon nih, “Nangmah nih ka pa David cu zumhawktlak in le dinnak in le nangmah lei i lungthin ding ngeihnak in na hmaiah a um caah, a ngan le a fekmi dawtnak cu na hmuhsak cang; cun hi a ngan i a fekmi dawtnak cu na chiahpiak i nihin i a bawi ṭhutdan cung i a ṭhu dingah fapa pakhat na pek.

DEUTERONOMI 30:20

Bawipa nan Pathian kha daw u law, a aw kha ngai u law, amah leiah i bek tuah u, zeitintiah mah cucu nannih caah nunnak le nunsau a si, Bawipa nih nan pupa Abraham, Isak le Jakob sinah pek awkin chiat a sermi ram chungah khan nan um nakhnga, nunnak kha i thim deuh u,” tiah a ti.

DEUTERONOMI 30:6

Bawipa nan Pathian cu nan lung dihlak le nan ruahnak dihlak in nan dawt i nan nun nakhnga, Bawipa nan Pathian nih nanmah lung le nan tefa hna lung cuarpar cu an tan hna lai.

DEUTERONOMI 10:12

“Kha! Israel, Bawipa na Pathian nih an fialmi cu zeidang si loin, Bawipa na Pathian ṭih le, a lam vialte kha zulh le, amah kha dawt le, Bawipa na Pathian cu na lung dihlak le na ruahnak dihlak in a rian ṭuan le,

JEIM 2:5

Ka dawtmi ka u le ka nau hna, ngai hmanh u. Pathian nih hi vawlei cung i misifak hna hi, zumhnak i a rummi si awk le amah a dawtu a kamhmi hna Pennak kha a comi si awkah a thim hna.

JEIM 1:12

Hneksaknak a in tikah fek tein a ummi cu a lung aa lawm, zeicahtiah cu bantuk hneksaknak kha a tei khawh caah Pathian nih amah a dawtu hna a kamhmi nunnak kha laksawng ah a hmuh lai.

ROM 8:28

Pathian nih hin, amah a dawmi hna caah le amah nih aa tinhmi ningin a kawhmi hna caah cun, zeizong vialte hi a ṭha lei ah a serpiak ko hna ti kha kan hngalh.

JOHAN 14:21

“Ka nawlbia kha a cohlang i a zulmi paoh cu keimah a ka dawmi an si. A ka dawmi cu ka Pa nih a dawt ve hna lai; kei zong nih ka dawt ve hna lai i an sinah kaa phuang lai,” tiah a ti.

JOHAN 14:15

“Nan ka dawt ahcun ka nawlbia kha nan zulh hna lai.

MATTHAI 22:37

Jesuh nih cun, “‘Bawipa na Pathian cu na lungthin dihlak le na ruahnak dihlak le na nunnak dihlak in na dawt lai,’

2 SIANGPAHRANG 18:22

Sihmanhsehlaw, “Bawipa kan Pathian kan i bochan” nan ka ti ahcun, amah cu Hezekiah nih a khuahrum bo hna le a biakṭheng hna a hrawhpiak i Judah le Jerusalem cu, “Jerusalem i a ummi biakṭheng hmaiah hin nan biak lai,” a timi kha a si lo maw?

2 SIANGPAHRANG 18:4

Khuahrum bo kha a hrawh hna i lungphun kha a chimh hna i Asherah kha a hau. Cun Moses nih a rak sermi dar rul kha a den cikcek, zeicaahdah tiah, Israel mi nih cu caan tiang cun zihmui kha an khanghhnawh; Nehushtan tiah an ti.

2 SIANGPAHRANG 15:35

Asinain khuahrumbo cu an hrawk hna lo i mi nih khan khuahrumbo ah cun rai an thawi i zihmui an khangh ṭhiamṭhiam ko. Amah nih Bawipa inn cunglei kutka kha a ser.

2 SIANGPAHRANG 15:4

Sihmanhsehlaw khuahrum bo hna kha cu an hrawk hna lo i mi nih khuahrum bo hna ah khan rai an thawi i zihmui an khangh ṭhiamṭhiam ko.

2 SIANGPAHRANG 14:4

Sihmanhsehlaw khuahrum bo kha a hrawk hna lo i khua hrum bo ah cun mi nih rai an thawi i zihmui kha an khangh ṭheo ko rih.

2 SIANGPAHRANG 12:3

Asinain khuahrum bo hna kha an hrawk hna lo i khuahrum bo ah cun mi nih rai an thawi i zihmui an khangh ṭheo ko.

1 SIANGPAHRANG 22:43

A pa Asa lam vialte kha a zulh dih; Bawipa mithmuh i a dikmi tuah awkah a pialtak hin lo; asinain khuahrumbo hna kha a hrawk hna lo i mi nih khan khuahrumbo ah cun rai an thawi i zihmui an khangh ṭheo ko rih.

1 SIANGPAHRANG 15:14

Sihmanhsehlaw khuahrum bo hna kha cu a hrawk hna lo. Asinain, Asa cu a nun chung vialte, Bawipa leiah a lung dihlak in aa biatak ko.

1 SIANGPAHRANG 15:3

Cun amah hlan i a pa nih a rak tuahmi sualnak vialte chungah khan a kal ve i a pu David lung bantuk kha si loin, a lung cu Bawipa a Pathian sinah khan a dihlak in aa biatak ngaingai lo.

1 SIANGPAHRANG 11:38

Cun nangmah nih nawl kan pekmi vialte kha na ngaih i ka lam kha na zulh hna i ka sal David nih a rak tuah bantukin ka nawlbia le ka phungbia zulhnak thawngin ka mit na tlin ahcun, na sinah ka um lai i David ca i ka sak bantuk khan, a fekmi innchungkhar kan sakpiak lai i Israel cu nangmah kan pek lai.

1 SIANGPAHRANG 11:34

Asinain pennak cu a ning piin a kut chungin ka la lai lo; sihmanhsehlaw ka thimmi ka sal David ka nawlbia hna le ka phungbia hna a zultu ruangah khan a chan chung paoh cu uktu ka siter ko lai;

1 SIANGPAHRANG 11:6

Cucaah Solomon nih Bawipa mithmuh i thil ṭhalo a simi kha a tuah i a pa David bantukin Bawipa kha a lung dihlak in a zul lo.

1 SIANGPAHRANG 11:4

Zeitintiah Solomon cu a hung tar tikah a nupi hna nih cun a lung cu pathian dang hna leiah an pialter i a pa David lung bang khan cun a lung cu a dih umnak in a Pathian Bawipa sinah khan a hmun lo.

1 SIANGPAHRANG 9:4

Cun nangmah kongah, na pa David nih a rak kal bantuk khan, ka hmaiah lung hlumte le dinnak in na kal i nawl kan pekmi vialte ningin na tuah i ka nawlbia le ka phung lam kha na zulh hna ahcun,

DEUTERONOMI 10:13

nihin ah nangmah ṭhatnak ding caah nawl kan pekmi hna Bawipa phungbia le nawlbia hna ulh hi, a si lo maw?

DEUTERONOMI 11:13

“Cun nihin ah nawl kan pekmi hna ka nawlbia, Bawipa nan Pathian dawt le, a rian nan lung dihlak le nan ruahnak dihlak in ṭuan cu, nan zulh hna ahcun,

SALM 145:20

Amah a dawtu cu an dihlak in a huhphenh hna, sihmanhsehlaw miṭhalo cu a hrawh dih hna lai.

LEVITIKAS 17:5

Mah hihi, Israel mi nih khualeng i an thahmi an i thawinak hna kha Bawipa sinah, tonnak thlam innka i a ummi tlangbawi sinah an rak put hna i Bawipa sin i daihnak thawinak ca i an thahnak hna hnga caah a si;

1 SAMUEL 9:12

Annih nih, “A um ko; zohhmanh u, nan hmaite ah khan a kal. I khulranh u; nihin ah hi khuami nih khuahrum bo ah khan raithawinak an ngeih caah khua chungah atu naite ah khan a ra.

1 SIANGPAHRANG 8:25

Cucaah maw Bawipa, Israel Pathian, na salpa David ka pa sin i, ‘Na fapale hna nih hin, nangmah nih ka hmaiah na rak kal bantuk khan ka hmai i kal awkah an lam kha an i ralrin ahcun, Israel mi bawi ṭhutdan cung i ka hmaiah a ṭhu dingmi na ṭhing lai lo,’ tiin bia na rak kammi kha tlinter ko.

1 SIANGPAHRANG 8:61

Cucaah a nawlbia le a phungbia kha zul in, nihin i nan tuah bangin, Bawipa kan Pathian sinah nan lungthin cu a dih umnak in fehter ko u,” tiah a ti.

1 SIANGPAHRANG 14:8

David innchungkhar sinin pennak kha ka thleh i nangmah kha kan pek; asinain, ka nawlbia kha a ul hna i a lung dihlak in a ka zul i ka mithmuh ah a dingmi lawng a tuahtu ka sal David bantuk kha nang cu na si lo,

1 SIANGPAHRANG 14:23

Zeitintiah annih zong nih khuahrum bo tehna, lungphun tehna, Asherim tehna kha tlang sang kip cung le thinghring tang kip ah an i ser i

1 SIANGPAHRANG 15:5

zeicahtiah David nih Bawipa mithmuh i a dingmi kha a tuah i Hit mi Uriah kong ah khan dah ti lo ahcun nawl a pekmi paoh kha a nun chung vialte pakhat hmanh a pialtak hna lo.

1 SIANGPAHRANG 15:11

Cun a pu David nih a rak tuah bang khan, Asa nih Bawipa mithmuh i a dikmi thil kha a tuah.

1 SIANGPAHRANG 22:44

Jehoshafat nih Israel siangpahrang he remnak zong a tuah.

2 SIANGPAHRANG 12:4

Joash nih tlangbawi kha a thawh hna i, “Bawipa inn chungah rak putmi thil thiang man tangka vialte, ahohmanh cu zat cio na thawh awk a si tiin tuahpiakmi — cu zat cu nang na thawh awk a si ti i tuakpiak ciomi tangka — le lungtho tein Bawipa inn chungah ratpimi tangka kha,

2 SIANGPAHRANG 14:3

Bawipa mithmuh ah a dikmi kha a tuah, asinain a pu David bantuk ngaingai kha cu a si lo; zeizong vialte a tuahnak ah khan a pa Joash nih a tuah bantuk khan a tuah.

2 CHANRELNAK 15:17

Sihmanhsehlaw khuahrum bo hna kha cu Israel ram chungin a hlo hna lo. Asinain Asa lungthin cu a chan chung vialte soisel awk um lo a si.