1 SIANGPAHRANG 22:43 - Lai (Hakha) Common Language Bible 2006

⁴³ A pa Asa lam vialte kha a zulh dih; Bawipa mithmuh i a dikmi tuah awkah a pialtak hin lo; asinain khuahrumbo hna kha a hrawk hna lo i mi nih khan khuahrumbo ah cun rai an thawi i zihmui an khangh ṭheo ko rih.

1 SIANGPAHRANG 22:43 Խաչաձեւ Հղումներ

1 SIANGPAHRANG 15:14

Sihmanhsehlaw khuahrum bo hna kha cu a hrawk hna lo. Asinain, Asa cu a nun chung vialte, Bawipa leiah a lung dihlak in aa biatak ko.

2 SIANGPAHRANG 12:3

Asinain khuahrum bo hna kha an hrawk hna lo i khuahrum bo ah cun mi nih rai an thawi i zihmui an khangh ṭheo ko.

PHUNGTHLÛKBIA 4:27

Orhlei ah siseh, kehlei ah siseh, pial hlah; Ṭhat lonak vialte kha hrial dih hna.

SALM 125:5

Sihmanhsehlaw anmah lam, lam ṭhalo a zulmi hna cu, miṭhalo dan na tat hna tikah khan, dantat ve ko hna. Israel cungah daihnak um ko seh.

SALM 101:3

A thurmi tinhmi zeihmanh ka ngei lai lo; zumhtlaklo si kha a huat in ka huat lai.

SALM 40:4

Bawipa kha aa bochan i siasal leiah aa mer lo i pathian taktak a si lomi a biami hna sinah aa fon lomi cu lunglawmmi an si.

2 CHANRELNAK 15:17

Sihmanhsehlaw khuahrum bo hna kha cu Israel ram chungin a hlo hna lo. Asinain Asa lungthin cu a chan chung vialte soisel awk um lo a si.

2 CHANRELNAK 15:8

Asa nih Oded fapa Azariah nih a chimmi bia hna cu a theih tikah, a ral a ṭha i Judah le Benjamin ram chung vialte le Efraim tlangram chung i a lakmi khua hna i a ummi fihnung siasal vialte kha a hlonh dih hna i Bawipa inn innleng hmai i a ummi biakṭheng kha a remh.

2 CHANRELNAK 14:11

Cun Asa nih Bawipa a Pathian kha a auh i, “Maw Bawipa, a ṭhawngmi le a dermi karlak ah, bawmtu nangmah bantuk ahohmanh an um lo. Maw Bawipa kan Pathian, kan bawm ko sawh, zeitintiah nangmah kha kan in bochan i hi mibu nganpi hi nangmah min in kan chuahhnawh hna. Maw Bawipa, nangmah cu kan Pathian na si; minung nih nangmah cu in tei hna hlah seh,” tiah a ti.

2 SIANGPAHRANG 18:22

Sihmanhsehlaw, “Bawipa kan Pathian kan i bochan” nan ka ti ahcun, amah cu Hezekiah nih a khuahrum bo hna le a biakṭheng hna a hrawhpiak i Judah le Jerusalem cu, “Jerusalem i a ummi biakṭheng hmaiah hin nan biak lai,” a timi kha a si lo maw?

1 SIANGPAHRANG 15:11

Cun a pu David nih a rak tuah bang khan, Asa nih Bawipa mithmuh i a dikmi thil kha a tuah.

1 SIANGPAHRANG 15:5

zeicahtiah David nih Bawipa mithmuh i a dingmi kha a tuah i Hit mi Uriah kong ah khan dah ti lo ahcun nawl a pekmi paoh kha a nun chung vialte pakhat hmanh a pialtak hna lo.

1 SIANGPAHRANG 14:23

Zeitintiah annih zong nih khuahrum bo tehna, lungphun tehna, Asherim tehna kha tlang sang kip cung le thinghring tang kip ah an i ser i

EXODUS 32:8

Nan zulh lai tiah ka timi hna lam cu khulrang in an kaltak i sui cawfa kha an i ser i cucu an biak i raithawinak kha an pek. Annih nih, ‘Israel, Izipt ram in a chuahtertu na pathian cu hihi a si,’ an ti,” tiah a ti.

1 SIANGPAHRANG 3:2

Mizapi cu khuahrum bo ah khan raithawinak an tuah ko, zeicahtiah Bawipa min caah inn sakmi a um rih lo.

1 SIANGPAHRANG 22:42

Jehoshafat cu pennak hram a thawk ah khan kum sawm thum le kum nga a ti i Jerusalem khua in kum kul le kum nga a uk. A nu min cu Shilhi fanu Azubah a si.

PHUNGTHLÛKBIA 13:1

Fapa fim nih cun a pa nih a chimhhrinnak kha a ngaih, Sihmanhsehlaw mi lungpuam nih cun ka palh tiah a ti bal lo.