1 SIANGPAHRANG 22:25 - Lai (Hakha) Common Language Bible 2006

²⁵ Cun Mikaiah nih a thawh i, “Zohhmanh, khi ni ah, innchung chungchin dal i thuh awkah na kal tikah na hngalh te lai,” tiah a ti.

1 SIANGPAHRANG 22:25 Խաչաձեւ Հղումներ

1 SIANGPAHRANG 20:30

Cun a tang rihmi hna cu Afek khua ah an zam i a tangmi hna chungah sang hnih le thong sarih cu vampang nih a nenh hna. Benhadad zong cu a zam i khua chung i inn pakhat a dal chungchin ah a lut.

BIAPHUAN 19:20

Sahrang cu an tlaih i thong ah an thlak, cun a hmaika i khuaruahharnak a tuah tawntu nal profet zong kha an tlaih chih. (Sahrang hmelchunhnak a ngeimi hna le sahrang milem a biami hna kha, khuaruahharnak a tuahmi khan a hlen hna). Cun sahrang le nal profet cu an pahnih in kat meialh tili ah a nung in an paih hna.

2 PETER 2:1

Hlan lioah Israel mi hna lakah nal profet an rak chuah tawn bangin, nanmah lak zongah hin cawnpiaktu hmaanlo an chuak ve lai. Thil hrawktu a simi le ahmaan lomi zumhning kha an chuahpi lai i anmah a tlantu hna kan Bawipa kha an hlawt lai i cucaah an cungah a rian a rangmi rawhralnak kha an i tlunter lai.

AMOS 7:17

Cucaah Bawipa bia cu hihi a si: Na nupi cu khuapi chung hlawhhlangnu ah a cang lai i Na fapale hna le na fanule hna cu vainam in an thi lai. Na vawlei cu tahnak hri in an tah hna lai i mi an phawt hna lai; Nangmah cu lawkihmi ram ah na thi lai; Cun Israel cu anmah an ram khan lamhlapi ah an kalpi hna lai i sal ah an tang lai,” tiah a ti.

JEREMIAH 29:32

“Keimah Bawipa nih, Shemaiah le a tefa vialte cu dan ka tat hna lai. Amah cu ka thlahmi a si lo. Asinain profet bantukin bia a chim hna i lih kha a zumhter hna. Nan lakah tefa zeihmanh a ngeih hna lai lo. Ka mi hna cu, keimah doh awk kha a fial hna caah ka mi hna ca i thil ṭha ka tuah ding kha a thih hlanah a hmu manh hna lai lo. Keimah Bawipa nih hi bia cu ka chim,” tiah a ka ti.

JEREMIAH 23:15

Cucaah profet hna kong ah Ralkapbu Bawipa nih, “Annih cu ei awkah anfangkha ka pek hna lai i Din awkah a khami sivai ka pek hna lai; Zeicahtiah Jerusalem profet hna sinin ram dihlak ah Pathian zeirellonak kha a karh cang,” tiah a ti.

NAMBAR 31:8

An thahmi hna lakah Midian mi siangpahrang hna, Evi, Rekem, Zur, Hur, le Reba, zong an i tel; Beor fapa Balaam zong nam in an thah.

1 SIANGPAHRANG 22:26

Cun Israel siangpahrang nih cun, “Mikaiah kha tlai u law khua uktu Amon le siangpahrang fapa Joash sinah khan va kalpi u;

JEREMIAH 32:8

Bawipa nih a ka chimh chung bangin ka unau Hanamel cu ka sinah ralvengtu hna inntual ah cun a ra i, “Benjamin ram chung Anathoth khua i ka lo cu ka caw tuah, zeicahtiah cu lo ngeih awk le tlanhnak nawl cu nangmah ta a si, nangmah cu a ka naih bikmi ka rualchan na si bangin; nangmah nih ka caw ko,” tiah a ti. Khi tikah mah hihi Bawipa bia a si ti kha ka hngalh.

2 SIANGPAHRANG 9:2

Cun khika na phak tikah, Nimshi fapa Jehoshafat i fapa Jehu kha va kawl tuah; cun va lut law a hawile sin khan thawhter law chungchin dal chungah luhpi.