1 SIANGPAHRANG 22:15 - Lai (Hakha) Common Language Bible 2006

¹⁵ Cun siangpahrang sinah a phak tikah, siangpahrang nih cun a rak thawh i, “Mikaiah, Ramoth-gilead cu hung tuk awkah kan kal lai maw, kan i sum lai dah?” tiah a ti. Cun anih nih a thawh i, “Hung kal u law hung tei hen u; Bawipa nih siangpahrang kut chungah a pek ko lai,” tiah a leh.

1 SIANGPAHRANG 22:15 Խաչաձեւ Հղումներ

MATTHAI 26:45

Cun a zultu hna sinah khan a ra kir ṭhan i, “Nan i hngilh i nan i din ko rih maw? Zohhmanh u, Mi Fapa cu misual mi hna kut chung i chanhnak caan kha a phan cang.

PHUNGCHIMTU 11:9

Maw tlangval hna, nan tlanvalnak kha lawmhnak in hmang ko u, nan tlanval lioah hin nan lung nih lawmhnak hmu ko seh. Nan duhmi kha tuah ko u, nan lung a duh mi kha hmu ko u. (Sihmanhsehlaw nan tuahmi thil paoh ah khan Pathian nih bia a kan ceih lai, ti kha hngal ko u.)

2 CHANRELNAK 18:14

Cun siangpahrang sinah a phak tikah, siangpahrang nih cun a rak thawh i, “Mikaiah, Ramoth-gilead cu hung tuk awkah kan kal lai maw, kan i sum lai dah?” tiah a ti. Cun anih nih a thawh i, “Hung kal u law hung tei hen u, annih cu nangmah kut chungah pek an si ko lai,” tiah a leh.

2 SIANGPAHRANG 3:13

Cun Elisha nih khan Israel siangpahrang cu, “Nangmah he kan i tlaknak zeidah a um? Na pa profet hna le na nu profet hna sinah khan va kal ko,” tiah a ti. Sihmanhsehlaw Israel siangpahrang nih amah cu a thawh i, “Asilo; Moab kut chung i pek awkah hi siangpahrang pathum hna a autu hna hi Bawipa a si ko,” tiah a ti.

1 SIANGPAHRANG 18:27

Cun chun ah khin Elijah nih cun a nihsawh hna i, “Fak piin au ngat u, pathian pei a si cu; khuadang a ruah lio hoi hna maw a si maw, ka khatkhat ah a kal ta rih i maw a si maw, asiloah, khual a tlawng i dik a si ko lai, aa hngilh i ṭhangh a herh zong a si ko lai dah kaw!” tiah a ti hna.

BIACEIHTU 10:14

Va kal u law, nan i thimmi pathian cu va au hna u; annih nih nannih cu vansang au in nan um lio caan ah in chuah hna seh,” tiah a ti.

1 SIANGPAHRANG 4:13

Ramoth-gilead ah Bengeber (amah nih Manasseh fapa Jair i a khua hna, Gilead i a ummi hna kha a ngeih hna i cun Bashan i a ummi Argob peng khua ngan sawm ruk vampang le dar kothrolh a ngeimi hna a ngeih hna);

1 SIANGPAHRANG 22:12

Cun cu bantuk ṭhiamṭhiam in profet vialte nih cun an chim i, “Ramoth-gilead ah cun hung kal law, hung tei ko; Bawipa nih siangpahrang na kut chungah an pek lai,” tiah an ti.

1 SIANGPAHRANG 22:16

Sihmanhsehlaw siangpahrang nih a thawh i, “Biatak dah ti lo cu Bawipa min in ka sin i zeihmanh na chim lo awkah voi zeizat dah bia kan kamter lai?” tiah a ti.

JEREMIAH 37:17

Zedekiah Siangpahrang nih Jeremiah cu a hei cah i a sinah a hunter. Siangpahrang nih cun a inn ah a thli tein bia a hal i, “Bawipa sinin zei bia a um maw?” tiah a ti. Cun Jeremiah nih a leh i, “A um ko. Nang cu Babilon siangpahrang kut chungah chanh na si lai,” tiah a ti.

EZEKIEL 13:6

Lih lawng kha an chim i ahmaan lomi langhnak lawng kha an hmu. ‘Mah hihi Bawipa bia hrimhrim a si,’ an ti, asinain Bawipa nih annih cu a fial hna lo, asinain an bia cu Bawipa nih a tlinter ko lai, tiah an ruah. Nan profet hna nih hin hlennak langhnak a si lo maw an hmuhmi hi?