1 SIANGPAHRANG 22:14 - Lai (Hakha) Common Language Bible 2006

¹⁴ Sihmanhsehlaw Mikaiah nih, “Bawipa a nun bangin, Bawipa nih ka sin i a chimmi cu, mah cucu ka chim ko lai,” tiah a ti.

1 SIANGPAHRANG 22:14 Խաչաձեւ Հղումներ

NAMBAR 22:18

Sihmanhsehlaw Balaam nih a leh hna i Balak sal hna sinah cun, “Balak nih a inn cu sui le ngun a khat in ka pe hmanh seh law, Bawipa ka Pathian nawlbia lengah cun zeihmanh ka tuah kho lo.

GALATI 1:10

Hiti ka chim tikah hin minung lungtlinnak kawl ning law cu ko cu ka lo maw? Cucu ka kawlmi a si lo. Pathian lungtlinnak tu kha ka duhmi cu a si. Zapi sinin thangṭhatnak kha hmuh kaa zuammi cu a si maw? Cucu a si ahcun, Khrih sal cu ka si hnga lo.

2 KORIN 4:2

Ningzak a simi thil, a thli tein tuahmi thil vialte kha kan hlawt hna i ahohmanh hleng lo tein kan um, Pathian bia zong kha hlennak ah kan hmang bal lo. Biatak kha hlangfang tein kan chim i cuticun Pathian hmaika ah kan minung hawi cu nanmah nih nan chiaṭha thleidannak ningin kan chiat le kan ṭhat cu ruat ko u, kan ti hna.

2 KORIN 2:17

Kannih cu Pathian bia kha, thil man fawi bantuk men in a tawngthammi hna bantuk kan si lo; kannih cu Pathian nih khan a kan thlah caah, amah hmaiah Khrih sal bantukin lungthin tak tein bia kan chim.

JEREMIAH 42:4

Khi tikah profet Jeremiah nih cun annih cu, “Nan bia cu ka theih cang; nan duhnak bangin Bawipa nan Pathian sinah cun thla ka cam lai i Bawipa nih an leh hnanak paoh kha kan chimh hna lai; zeihmanh kan phehmi hna a um lai lo,” tiah a ti.

JEREMIAH 23:28

Profet pakhatkhat nih mang a manh ahcun, a mang cu chim ko seh, bia chim awk a ngeih ahcun, ka bia cu a ning tein chim ko seh. Favai le a fang cu nan thleidang kho hna lo maw, tiah Bawipa nih a ti.

1 SIANGPAHRANG 18:15

Cun Elijah nih a thawh i, “A hmai i ka dirmi ralkapbu Bawipa nih a nun bangin, nihin ah amah sinah kaa langh hrimhrim lai,” tiah a ti.

1 SIANGPAHRANG 18:10

Bawipa, na Pathian a nun bangin, ka bawipa nih hin nangmah kawl ah mi a thlah lonak ram le miphun a um ti lo; cun annih nih, ‘Hika ah a um lo,’ tiah an rak ti tikah, cu ram cu siseh, cu miphun cu siseh, kan hmu lo tiin, chiat a serter hna.

NAMBAR 22:38

Balaam nih Balak sinah cun, “Zohhmanh, nangmah sin ka ra phan cang! Keimah thamtham cu zeihmanh chim khawhnak nawl ka ngei i mei? Pathian nih ka ka chung i a chiahmi bia lawng pei ka chim khawh ko lai cu,” tiah a ti.

1 SIANGPAHRANG 17:1

Gilead ram chung Tishbe khua Tishbe mi Elijah nih Ahab cu a thawh i, “Bawipa, Israel Pathian, a hmaika i ka dir tawnmi a nun bangin, dap siseh, ruah siseh, ka bia in dah ti lo ahcun, hi kum hna chungah hin a um lai lo,” tiah a ti.

1 SIANGPAHRANG 22:13

Cun Mikaiah kawh awk i an thlahmi lamkaltu nih khan amah sinah cun, “Zohhmanh, profet hna cu lungnge tein a ṭha lei in siangpahrang sinah an bia a si; nangmah na bia zong annih lak i pakhat i a bia bantuk si ve seh law an duhning lei in chim ve ko,” tiah a ti.

NAMBAR 22:8

Cun anih nih annih cu, “Tuzan cu hika ah hin riak u law, Bawipa nih ka sinah a chim bantuk paoh in, bia cu ka rak in phorh ṭhan hna lai,” tiah a ti. Cucaah Moab bawi hna cu Balaam sinah an riak.

JEREMIAH 34:6

Profet Jeremiah nih hi bia vialte cu Judah siangpahrang Hezekiah kha Jerusalem khua ah,