1 SIANGPAHRANG 22:13 - Lai (Hakha) Common Language Bible 2006

¹³ Cun Mikaiah kawh awk i an thlahmi lamkaltu nih khan amah sinah cun, “Zohhmanh, profet hna cu lungnge tein a ṭha lei in siangpahrang sinah an bia a si; nangmah na bia zong annih lak i pakhat i a bia bantuk si ve seh law an duhning lei in chim ve ko,” tiah a ti.

1 SIANGPAHRANG 22:13 Խաչաձեւ Հղումներ

MIKAH 2:11

“A kenkip ah aa chawk i a lih le a hrokhrawl in, ‘Nan caah mitsur hang le zu cu a luan in an luang ko lai,’ tiah profet biachim in a chimmipa cu mi nih an duhmi profet cu a si.

HOSEA 7:3

Siangpahrang cu an ṭhat lonak khan a lung an awih i bawi hna cu an mi hlenthiamnak khan an lung an lawmhter hna,

SALM 50:21

Hi vialte hi nan tuah i keimah nih cun zeihmanh ka chim lo, cucaah nanmah bantuk ah nan ka ruah. Sihmanhsehlaw atu cu kan sik cang hna lai i thil kha fiang tein kan hngalhter cang hna lai.

SALM 14:1

Mihrut nih cun an i thawh i, “Pathian a um lo,” an ti. An dihlak in an thu, thil ṭhalo kha an tuah; ahmaanmi thil a tuahmi ahohmanh an um lo.

SALM 11:1

Ka himnak dingah Bawipa cu kaa bochan. Nang nih naa thawh i, “Va bantukin tlang ah zuang tuah,

SALM 10:11

Miṭhalopa nih cun aa thawh i, “Pathian cu a zeihmanh a poi lai lo, a mit aa chinh i a ka hmu bal lai lo,” a ti.

1 SIANGPAHRANG 22:12

Cun cu bantuk ṭhiamṭhiam in profet vialte nih cun an chim i, “Ramoth-gilead ah cun hung kal law, hung tei ko; Bawipa nih siangpahrang na kut chungah an pek lai,” tiah an ti.

1 SIANGPAHRANG 22:14

Sihmanhsehlaw Mikaiah nih, “Bawipa a nun bangin, Bawipa nih ka sin i a chimmi cu, mah cucu ka chim ko lai,” tiah a ti.