1 SIANGPAHRANG 21:7 - Lai (Hakha) Common Language Bible 2006

⁷ Cun a nupi Jezebel nih a thawh i, “Israel hi atu ah nangmah nih na uk maw? Tho law rawl ei law na lung kha lawmhter tuah; Jezreel mi Naboth mitsur dum cu keimah nih kan pek lai,” tiah a ti.

1 SIANGPAHRANG 21:7 Խաչաձեւ Հղումներ

MIKAH 7:3

Ṭhat lonak tuah kha a thiam ngaingaimi an si dih. Bawi nih si hna seh, biaceihtu nih si hna seh, ziknawh kha an duh dih. Nawl ngeimipa nih khan a duhnak kha a chimh hna i hmunkhat ah khua an khang ṭi.

PHUNGCHIMTU 8:4

Siangpahrang bia cu a sang bik a si i aho nih dah amah cu, “Zeidah na tuah?” an ti khawh lai?

PHUNGCHIMTU 4:1

Cun hi vawlei cung i a um lengmangmi dinlonak hi ka zoh ṭhan. Hremmi hna cu an ṭap lengmang, sihmanhsehlaw ahohmanh nih an bawm hna lo. Anmah a hremtu hna kha thil ti khawhnak a ngeimi cu an si caah ahohmanh nih an bawm duh hna lo.

PHUNGTHLÛKBIA 30:31

I zum ngaiin aa chawkmi arhli, mehehtum le a mi hna hmai i aa chawkmi siangpahrang.

2 SAMUEL 13:4

Cun anih nih amah cu a thawh i, “Maw siangpahrang fapa, zeicahdah zing khat hnu zing khat na hmai lawng a chiat ko? Na ka chim lai lo maw?” tiah a ti. Anih nih, amah cu, “Ka unau Absalom far Tamar khi ka duh,” tiah a ti.

1 SAMUEL 8:14

Nan lo le nan mitsur dum le nan oliv dum hna lakah a ṭha bikbik kha a lak hna lai i a rianṭuantu hna kha a pek hna lai.

1 SAMUEL 8:4

Cun Israel upa vialte kha an i pum i Samuel sinah Ramah ah an ra.

BIACEIHTU 19:6

Cucaah mipa pahnih hna cu hmunkhat ah an ṭhu i an ei i an ding ṭi. Cun ngaknu pa nih mipa sinah cun, “Tuzan cu riak rih ko law, lunglawm tein um ko,” tiah a ti.

RUTH 3:7

Cun Boaz cu a ei a din dih in a lung aa lawm i rawltlun hram i ih awkah a kal. Cun din tein a ra i a ke cu a hlim i a it ve.

1 SIANGPAHRANG 21:6

Cun anih nih, “Jezreel mi Naboth kha, ‘Na mitsur dum kha phaisa in kan cawk ko lai, cun cu ti a si lo le, na duh ahcun a ai ah mitsur dum dang kaan pek lai,’ ka ti i anih nih, ‘Ka mitsur dum cu kan pe lai lo,’ tiah a ka leh caah a si,” tiah a ti.

AMOS 6:12

Rang cu lungpang cungah a tli kho maw? Rili cu cawtum in lei bantukin thuan khawh a si maw? A si kho lo, asinain nannih nih cun biading kha sivai ah nan ser i Dinnak ziaza a man cu a khaami thil ah nan canter.