1 SIANGPAHRANG 21:21 - Lai (Hakha) Common Language Bible 2006

²¹ Zohhmanh, nangmah cungah ṭhat lonak ka tlunter lai; kan hloh cikcek lai i Israel mi chungah Ahab ta a simi pa paohpaoh cu, a luatmi siseh, a luat lomi siseh, ka hrawh dih hna lai;

1 SIANGPAHRANG 21:21 Խաչաձեւ Հղումներ

1 SIANGPAHRANG 14:10

cucaah zohhmanh, Jeroboam innchungkhar cungah ṭhat lonak ka tlunter lai i Jeroboam sin hin pa paohpaoh, Israel mi chung i miluat si hna seh, miluat lo si hna seh, ka hloh hna lai i, mi nih ek cu an khangh hirhiar bangin, Jeroboam innchungkhar cu ka khangh cikcek hna lai.

2 SIANGPAHRANG 14:26

Zeitintiah Israel mi nih hremnak an inmi cu a fak ngaingai ti kha a hmuh, zeitintiah ahohmanh an tang ti lo, sal si hna seh, miluat si hna seh, Israel bawmtu dingah pakhat hmanh an tang ti lo.

2 SIANGPAHRANG 10:30

Cun Bawipa nih Jehu cu, “Ka mithmuh ah a dikmi kha ṭha tein na tuah i ka lung chungah a umning dihlak in Ahab innchungkhar cungah na tuah caah, na fapa hna cu chan li tiangin Israel bawi ṭhutdan cungah an ṭhu lai,” tiah a ti.

2 SIANGPAHRANG 10:17

Cun Samaria a phak tikah Samaria i Ahab ta a tang rihmi paohpaoh kha, Bawipa nih Elijah sinah a chimmi a bia ningin, a thianh hirhiar hna hlantiang a thah hna.

1 SAMUEL 25:34

Zeitintiah nangmah kha fahnak peknak in a ka khamtu Bawipa, Israel Pathian nih a nun hrimhrim bantukin, keimah ton awkah khan khulrang in rak ra hlah law, thaizing zingka ah cun Nabal caah hin pa pakhat hmanh an tang ti hnga lo,” tiah a ti.

1 SAMUEL 25:22

thaizing tiang amah ta a simi a pa pakhat zong ka nganh a si ahcun, hi bantukin Pathian nih David cungah tuah seh law, hi nak tam deuh zongin tuah ko seh,” tiah a rak ti.

DEUTERONOMI 32:36

Zeitintiah, an ṭhawnnak kha a loh cang i Khihmi siseh, a luatmi siseh, Pakhat hmanh an tang ti lo ti kha Bawipa nih a hmuh tikah, A mi cu thiam a coter hna lai i A sal hna cungah zaangfahnak a ngei lai.

1 SIANGPAHRANG 16:3

zohhmanh, Baasha le a innchungkhar cu ka hloh cikcek hna lai i na innchungkhar hi Nebat fapa Jeroboam innchungkhar bantuk ah ka ser lai.

1 SIANGPAHRANG 15:30

mah cucu, Jeroboam nih amah nih a sualmi sualnak hna le Israel mi a sualtermi hna sualnak ruang le Bawipa, Israel Pathian a thin a phawh caah khan a si.

2 SIANGPAHRANG 21:13

Cun Jerusalem cungah hin Samaria tahnak hri le Ahab innchungkhar suthri thlaimi cu ka zam hna lai i mi nih kheng cu an hnawh i an hnawh dih in a khup in an chiah bang khin Jerusalem cu ka hnawh lai.

ISAIAH 3:11

Sihmanhsehlaw miṭhalo cu an lo ko cang; an tuahmi kha an cungah lehrulh a si lai.