1 SIANGPAHRANG 20:39 - Lai (Hakha) Common Language Bible 2006

³⁹ Cun siangpahrang cu a lanhpah ah khin siangpahrang cu a hei auh i, “Na salpa hi raltuknak hmunpi ah ka va kal i, zohhmanh, ralkap pakhat cu ka sinah a ra i mipa pakhat a rak put i, ‘Hi mipa hi zohkhenh tuah; zei maw tiin a loh sual a si ahcun, na nunnak cu a nunnak caah a si lai, asiloah, ngun talen pakhat na liam lai,’ a ti.

1 SIANGPAHRANG 20:39 Խաչաձեւ Հղումներ

2 SIANGPAHRANG 10:24

Cun raithawinak le khangh thawinak pekchanh awkah khan a vung lut. Cun Jehu nih mi sawm riat cu lengah khan a chiah hna i, “Hi mi nan kut chung i kan pekmi hna lak hin pakhat hmanh a luattertu cu nan nunnak nan sung lai,” tiah a ti hna.

PHUNGTHLÛKBIA 13:8

Mirum nih a nunnak khamh awkah tangka hman a hau. Sihmanhsehlaw misifak cu ahohmanh nih an tlerh lo.

PHUNGTHLÛKBIA 6:35

Chamnak cu an i cohlanpiak duh lai lo i Laksawng tampi i pek hmanh ah an thin a dam hlei lai lo.

SALM 49:7

Minung nih cun zeitikhmanh ah amah le amah aa tlan kho lo; a nunnak man kha Pathian a cham kho lo;

JOB 36:18

Zu thawthaw kha a pingah i hruaiter hna hlah law Ziknawh kha na biakhiahnak kawiter hlah.

1 SIANGPAHRANG 20:42

Cun anih nih a thawh i, “Hi bangin Bawipa nih, ‘Hrawh awkah kan pekchanh ciami kha nangmah nih na kut chungin na luatter caah, cucaah a nunnak caah na nunnak a kal lai i a mi hna caah na mi an si lai,’ a ti,” tiah a ti.

EXODUS 21:30

Asinain a thimi nunnak man ah cu zat in si seh, ti a um ahcun, a nunnak khamhnak dingah khan, cu zat in si seh tiin khiahmi cu a liam dih lai.

1 SIANGPAHRANG 20:40

Cun na salpa cu khika, hika, i hnahnawk luri ngaiin ka um lioah, a rak kal diam ai,” tiah a ti. Israel siangpahrang nih cun a thawh i, “Na cung i biakhiahnak cu cu bang cun a si ko lai; nangmah nih pei naa khiah cang ko cu,” tiah a ti.

JEREMIAH 48:10

Daithlang in Bawipa rian a ṭuanmi cu chiat ko seh! Thisen chuah awkah a nam a hmang duh lomi cu chiat ko seh!