1 SIANGPAHRANG 20:32 - Lai (Hakha) Common Language Bible 2006

³² Cucaah an tai ah puanchia an i venh i an lu ah hrihrual an i ngerh i Israel siangpahrang sinah cun an va kal i, “Na sal Benhadad nih, ‘Ka nunter ko sawh seh,’ a ti,” tiah an ti. Cun anih nih, “A nung rih maw? Amah cu ka unau pei a si cu,” tiah a ti.

1 SIANGPAHRANG 20:32 Խաչաձեւ Հղումներ

ISAIAH 10:12

Sihmanhsehlaw Bawipa nih, “Atu i Zion Tlang cung le Jerusalem khua chungah ka tuah liomi hi ka dih tikah cun, Assiria siangpahrang hi aa porhlawtnak le a tluangkhawnmi ruangah hin dan ka tat lai,” a ti.

1 SIANGPAHRANG 20:42

Cun anih nih a thawh i, “Hi bangin Bawipa nih, ‘Hrawh awkah kan pekchanh ciami kha nangmah nih na kut chungin na luatter caah, cucaah a nunnak caah na nunnak a kal lai i a mi hna caah na mi an si lai,’ a ti,” tiah a ti.

1 SIANGPAHRANG 20:31

Cun a sinum hna nih amah cu an thawh i, “Zohhmanh, Israel chungkhar siangpahrang hna cu zaangfah thiammi siangpahrang an si tiah kan theih; cucaah kan tai ah puanchia i venh in kan lu ah hrihrual i ngerh u si law, Israel siangpahrang sinah cun va kal hnik u sih; na nunnak a hei in zuah ko hnga dah kaw,” tiah an ti.

1 SIANGPAHRANG 20:33

Cun mi hna nih cun mah cucu hmelchunhnak ṭha a si tiah an ruah i amah sin cun khulrang in an i lak i, “Asi, na unau Benhadad cu,” tiah an ti. Cun anih nih, “Va kal u law, ratpi u,” tiah a ti. Cun Benhadad cu a sinah a ra chuak i a rangleng cung khan a ratter.

2 SIANGPAHRANG 10:5

Cucaah siangpahrang inn a zohkhenhtu le khua a zohkhenhtu hna nih khan upa hna le ngakchia zohkhenhtu hna he tiah Jehu cu bia an cah i, “Kannih cu na sal kan si ko, na kan fialmi paoh cu kan tuah lai. Ahohmanh siangpahrang ah kan ser hna lai lo; nangmah mit ah a ṭha na timi paoh kan cungah tuah ko,” tiah an ti.