1 SIANGPAHRANG 20:31 - Lai (Hakha) Common Language Bible 2006

³¹ Cun a sinum hna nih amah cu an thawh i, “Zohhmanh, Israel chungkhar siangpahrang hna cu zaangfah thiammi siangpahrang an si tiah kan theih; cucaah kan tai ah puanchia i venh in kan lu ah hrihrual i ngerh u si law, Israel siangpahrang sinah cun va kal hnik u sih; na nunnak a hei in zuah ko hnga dah kaw,” tiah an ti.

1 SIANGPAHRANG 20:31 Խաչաձեւ Հղումներ

2 SAMUEL 3:31

Cun David nih Joab le a sin i a ummi vialte kha a thawh hna i, “Nan puan kha thlek hna u law, buri kha i aih u law, Abner kha ngai tuah u,” tiah a ti hna. Cun Siangpahrang David nih ruakkuang kha a zulh.

GENESIS 37:34

Jakob nih a thilpuan kha a thleh hna i a tai ah a ngaihchiat langhternak ah puan nak aa menh i saupi a fapa cu a ṭah lengmang.

1 SIANGPAHRANG 20:23

Cun Siria siangpahrang cu a sinum hna nih an thawh i, “Annih an pathian cu tlang pathian an si, cucaah kannih nakin an ṭhawng deuh; sihmanhsehlaw rawn ah do hna u si law, annih nakin kan ṭhawng deuh hrimhrim lai.

BIAPHUAN 11:3

Ka tehte pahnih kha ka thlah hna lai, annih cu buri an i aih lai i ni thong khat le za hnih le sawm ruk chung Pathian bia kha an chim lai.

MATTHAI 10:28

Pum cu a that kho ko nain thlarau a that kho lomi cu va ṭih hlah u; hell chungah pum he thlarau he a that khotu Pathian tu kha va ṭih u.

ISAIAH 37:1

Siangpahrang Hezekiah nih an chimhmi bia kha a theih cangka, a ngaihchiatnak langhternak ah a puan kha a thleh i buri puan kha aa aih i Bawipa Biakinn ah a kal.

ISAIAH 22:12

Bawipa Ralkapbu Pathian nih cun, ṭah awk le mitthli tlak awk le nan lu i kongh awk le buri i aih awkah an auh hna.

ISAIAH 16:5

Khi tikah David tefa pakhat cu siangpahrang a si lai i a mi kha zumhawktlak le dawtnak in a uk hna lai. A hmaanmi thil tuah ah khan a khul a rang lai i mi kha dinnak cu a tuahter hna lai.)

PHUNGTHLÛKBIA 20:28

Zumhawktlak sinak le zumhnak ṭha nih siangpahrang cu a kilven i a bawi ṭhutdan cu dinnak nih a dirter.

JOB 2:4

Khi tikah Satan nih Bawipa cu a leh i, “Cuar caah cuar! Mi nih cun a ngeihmi vialte cu a nunnak caah cun a sian ko lai ta.

ESTHER 4:16

“Va kal law Susa khua chung i a ummi Judah mi vialte kha va pum hna, cun keimah caah rawl ulhnak pakhat ni thum chung rak ser u; chun ah siseh zan ah siseh zeihmanh ei in ding hlah u. Cun nannih nih nan tuah bantukin kei le ka sinum hna zong nih rawl ulhnak cu kan rak tuah ve lai. Cun phung he aa ralchanhmi a si nain siangpahrang sinah cun ka va kal lai, ka thih ah thih si ko seh,” tiah a ti hna.

2 SIANGPAHRANG 7:4

‘Khua chungah lut u sih,’ tiah khua chungah cun mangṭam a um i khika ah kan thi ko lai; cun hika i kan ṭhut ko zongah, kan thi ṭhiamṭhiam lai. Cucaah cun ra u law, Siria mi hna riahhmun ah khan va kal u sih; kan nunnak kha an kan zuah a si le kan nung lai, cun an kan thah a si le kan va thi ko lai ta,” tiah an ti.

2 SIANGPAHRANG 5:13

Sihmanhsehlaw a sinum hna nih khan an va naih i, “Ka pa, profet nih khan thil ngan pakhatkhat tuah in fial seh law tuah loin maw na um hnga? A si kun ahcun, ‘Va kholh law va thiang; an ti tikah hin, zeitluk in dah tuah chinchin awk a si,” tiah an ti.

2 SAMUEL 14:2

Cun Joab nih cun Tekoa ah mi a hei thlah hna i khika in a fimmi nu pakhat an va lak i amah cu, “Mithi ngai bantukin naa umter lai i mithi ngaihnak hnipuan kha naa hruk lai; sathau i thuh hlah; sihmanhsehlaw mithi ni tampi a ngai cangmi bantukin na um lai;

1 SIANGPAHRANG 20:32

Cucaah an tai ah puanchia an i venh i an lu ah hrihrual an i ngerh i Israel siangpahrang sinah cun an va kal i, “Na sal Benhadad nih, ‘Ka nunter ko sawh seh,’ a ti,” tiah an ti. Cun anih nih, “A nung rih maw? Amah cu ka unau pei a si cu,” tiah a ti.

SALM 69:11

Zuun ngaihnak thuam in kaa thuam i capo ah an ka saih.