1 SIANGPAHRANG 20:20 - Lai (Hakha) Common Language Bible 2006

²⁰ Cun annih nih anmah le an dohmi cio kha an thah hna; Siria mi cu an zam i Israel mi nih an dawi hna, sihmanhsehlaw Siria siangpahrang Benhadad cu rang cungin rangcung ralkap hna he an luat.

1 SIANGPAHRANG 20:20 Խաչաձեւ Հղումներ

PHUNGCHIMTU 9:11

Vanrang tangah hin thil pakhat ka hngalhmi a um ṭhan hoi: tlik zuamnak ah hin khul a rangmi nih teinak an hmu zungzal lem lo i ralṭhami hi tuknak ah teitu an si zungzal lem lo. Mifim mi hi duhdim in an um zungzal lem lo i mifim mi hi mirum an si bal theng lo. Vanchiatnak hi mi zei cung paoh ah a tlung ko.

SALM 46:6

Miphun cu a ther in an ther, pennak ram cu an i hnin, Pathian aw cu a thang i vawlei cu ti ah a cang dih.

SALM 33:16

Siangpahrang nih a ral a tei hna cu ralkapbu ṭhawngmi a ngeih caah a si lo ralkap nih a ral a tei cu a thazang a ṭhawn caah a si lo.

2 SIANGPAHRANG 19:36

Cun Assiria siangpahrang Sennakherib cu a kal i inn ah a tlung i Nineveh ah a um.

2 SAMUEL 2:16

Cun pakhat le pakhat, anmah le an ral cio kha, an lu in an i tlai i an hnak ah nam in an i chun i hmun khat ah an tlu hna. Cucaah cuka hmun cu Helkath-hazzurim tiah ti a si, Gibeon ah a um.

LEVITIKAS 26:8

Nannih lak i panga nih za khat nan dawi hna lai i nannih lak i za khat nih thong hra nan dawi hna lai; nan ral hna cu nan hmaiah vainam in an tlu lai.

1 SIANGPAHRANG 15:18

Cun Asa nih Bawipa inn chung le siangpahrang inn chung i a tangmi ro ngun, le sui vialte kha a lak hna i a sal hna kut chungah khan a pek hna; cun Siangpahrang Asa nih cun Hezion fapa Tabrimmon i fapa Benhadad, Siria siangpahrang, Damaskas khua i a ummi sinah khan mi a thlah hna i,

1 SIANGPAHRANG 20:19

Cucaah peng cheumi uktu bawi hna ralkap hna cu, an chuak i Israel ralkap nih an zulh hna.

1 SIANGPAHRANG 20:21

Cun Israel siangpahrang cu a chuak i rang le rangleng hna kha a tlaih hna i Siria mi cu tampi a thah hna.

JEREMIAH 41:15

Sihmanhsehlaw Nethaniah fapa Ishmael cu minung pariat he Johanan sin khan a luat i Ammon mi hna ram ah khan a zam.

BIACEIHTU 7:23

Cun Israel mi hna cu Naftali le Ahser le Manasseh dihlak chungin an kawh hna i Midian kha an dawi hna.